Tisimu 71:5 - Tshwa Bible

⁵ Hakuva u xitsumbo xa mina, O Hosi Jehova; Nzi ku tsumbile kusukela wusweni ga mina.

Tisimu 71:5 Iomraidhean Croise

1 Tihosi 18:12

Loku nzi sukile, ku ta si dzuka kuta a Moya wa Jehova wu ta ku tlakula wu ku yisa laha nzi nga ku tiviko; nzi tava nzi tivisile Ahabi, a wuya a nga ku kumi, zonake a nzi daya. Kasilezo a nanza ga wena ga chava Jehova kusukela wunwananeni gakwe. 2 Tih. 2:16; Miti. 3:39

2 Kronekele 34:3

Hakuva hi lembe ga wu 8 ga kufuma kakwe, na ha hi muswa, i lo sangula ku hlota Nungungulu wa dadani wakwe Davida. Hi lembe ga wu 12 ga kufuma kakwe i lo sangula ku basisa va ka Juda ni va le Jerusalema, a susa a tiyindlu ta matshamu ma tlakukileko, ni zifananiso za Axtarte, ni zifananiso zi vatlilweko ni lezi zi wumbilweko.

Tisimu 119:166

Jehova, nzi langutele kuhanyisa ka wena, Nzi mahile zilayelo za wena. Gen. 49:18; Lu. 2:25, 30

Tisimu 119:81

A muhefemulo wa mina wu navelisisa nguvu a kuhanyisa ka wena, Nzi tsumba a gezu ga wena. Gen. 49:18; Lu. 2:25, 30

Tisimu 13:5

Mina nzi tsumbile a wuxinji ga wena, A mbilu ya mina ya nengela kuhanyisweni ka wena.

Tisimu 39:7

Makunu, Hosi, nza ha rinzela yi ni ke? A kutsumba ka mina ku le ka wena.

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 71:17

Nungungulu, u nzi gonzisile kusukela wusweni ga mina, Kala lezi nza tlhatlhambutela a mitiro ya wena yi hlamalisako.

Mutshawuteli 12:1

Alakanya Muvangi wa wena masikwini ya wuswa ga wena, na ku nga se kuta a masiku ya kubiha, na ma nga se ku chikela malembe lawa u ta nga wula ha wona, aku; A nzi tsakiswi ha wona; Tis. 71:17; 119:9

Jeremia 14:8

Wena loyi u nga kutsumba ka Israeli, Muhanyisi wakwe xikhatini xa zikarato, Hikuyini uku khwatsi u wamatiko tikweni, Kota muenzi loyi a hambukako kasi kuxwa wusiku ginwe ke?

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 17:17

U ngavi ka mina lexi xi chavisako; Wena loyi u nga wuponelo ga mina sikwini ga khombo.

Jeremia 17:7

I katekile a munhu loyi a tsumbako Jehova, A wihi a kutsumba kakwe ku nga Jehova.

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Luka 2:40

A nwanana i lo kula, a ngangamukelana hi ntamu, na a tele hi kutlhariha; ni tipswalo ta Nungungulu ti wa hi ka yena. vesi 52; Xip. 1:80

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

1 Samueli 16:13

Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.