Tisimu 71:21 - Tshwa Bible

²¹ U ta anzisa a wukulu ga mina, U tlhela u nzi tangalisa.

Tisimu 71:21 Iomraidhean Croise

2 Samueli 3:1

Makunu ku wa hi kona a yimpi a xikhati xo leha xikari ka yindlu ya Saule ni yindlu ya Davida, kanilezi Davida i lo simama a anza hi ntamu, kasike a yindlu ya Saule yi lo simama yi tlhelela nzhako.

Tisimu 18:35

U nzi nyikile a xitlhangu xa kuhanyisa ka wena; A woko ga wena ga xinene gi nzi tiyisile, A wunene ga wena gi nzi kulisile.

Tisimu 23:4

Ina, hambu nzi tsemakanya a nzhelelo wa nzhuti wa kufa, Nzi nga ta chava za kubiha, hakuva wena u zinwe na mina; A nhonga ya wena ni chetengelo wa wena za nzi miyeta. Isa. 50:10

Tisimu 32:10

A wakubiha i na ni zixaniso zo tala, Kanilezi loyi a tsumbako Jehova i ta mahelwa wuxinji.

Tisimu 72:11

Ina, tontlhe tihosi ti ta mu khizamela, A matiko wontihe ma ta mu tirela.

Tisimu 86:17

Nzi kombise a xikombiso xa thomo ga wena, Kasi lava va nzi vengako va ta xi wona vawa tingana, Hakuva wena Jehova, u lo nzi vuna, ni ku nzi chavelela.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

2 Va le Korinte 2:14

Kanilezi a ku bongiwe Nungungulu, loyi xontlhe xikhati a hi rangelako kuhluleni nzeni ka Kristu, loyi a zwatako ha hina a masema ya kutiva kakwe matshanwini wontihe.

2 Va le Korinte 7:13

Hikwalaho hina hi tangalisilwe. Kambe hi lo tsaka nguvu hi kota ya kutsaka ka Titusi, hakuva a moya wakwe wu humutilwe hi nwina nwentlhe. Rom. 15:32

2 Va le Korinte 7:6

Ahembalokoke, Nungungulu loyi a chavelelako lava va karatekako, i lo hi chavelela hi kuta ka Titusi; Xip. 1:4; 2:13

1 Va le Tesalonika 3:9

Hakuva xana hi nga mu bonga hi yini Nungungulu hi kota ya nwina, hi kota ya kutsaka kontlhe loku hi tsakako ha kona ha nwina mahlweni ka Nungungulu wa hina?

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44