Tisimu 50:22 - Tshwa Bible

²² Makunu pimisisani lezi, nwina lava mu rivalako Nungungulu, Kasi nzi nga mu hanzuleli zipanzana, na mu nga hi na ku pona.

Tisimu 50:22 Iomraidhean Croise

2 Samueli 22:42

Va lo languta, kanilezi ku wa nga hi na munhu wa ku va hlanguta. Va rila ka Jehova, kanilezi a nga va hlamulangi. Joh. 9:31

Joba 10:7

Wena wa tiva lezaku a nzi na nanzu, Ni lezaku a nga kona loyi a nga tlhatlhisako mandleni ya wena.

Joba 8:13

Zinghaho ni tindlela ta vontlhe lava va rivalako Nungungulu; Ni kutsumba ka mukhohlisi ku ta gumelwa.

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Tisimu 7:2

Kasi va nga dzuki va nzi hanzula khwatsi tinghala, Va nzi hanzulela na a nga hi kona wo nzi lwela.

Tisimu 9:17

A vakubiha va ta tlhelela Xeole, Vontlhe a vamatiko va rivalako Nungungulu,

Tisimu 9:18

Hakuva a muvumali a nga ta rivalwa xontlhe xikhati, Ni kutsumba ka zisiwana ku nga ta mbhelela magumo.

Mutshawuteli 7:14

Tsaka hi siku ga makatekwa, kanilezi a sikwini ga hlomulo alakanya lezaku Nungungulu i mahile ginwe ni ginwani, lezaku munhu a nga ta zi tiva lezi zi ta nga humela anzhako kakwe.

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Ezekieli 18:28

Hakuva a ehleketako, a tsika zihambunyeto zakwe lezi a zi mahileko, hizinene i ta hanya, a ngafi.

Hosea 13:8

Nzi ta wela hehla kabye khwatsi nzi urso gi tekelweko a vana va gona, nzi hanzula a pambani wa timbilu tabye; nzi va khadamula laho kukotisa nghala; a zivanza zi ta va hanzula. 2 Sam. 17:8; Jer. 5:6

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Amosi 2:14

Loyi wa mazambu i ta tsanzeka ku tsutsuma, a wa ntamu a nga ta vuneka hi ntamu wakwe, ge hambu a nhenha a ku ponisa a wutomi gakwe.

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Hagai 1:5

Hikwalaho Jehova wa tiyimpi i ngalo: Ehleketani hi tindlela ta nwina!

Luka 15:17

Kanilezi laha a nga ti alakanya, aku ngalo: Nweno a zitiri leʼzinyingi za dadani zi na ni kuga ku eneleko ni ku hunza, kasi mina nzofa laha hi ndlala!

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1