Tisimu 37:14 - Tshwa Bible

¹⁴ A vakubiha va hlomula supado, va kondla mawura, Kasi ku wisa lava va vumalako ni zisiwana, Ni ku daya lava va nga ni hanyela gi lulamileko.

Tisimu 37:14 Iomraidhean Croise

Estere 5:14

Zonake a sati wakwe Zerexi ni vanghana vakwe vontlhe vaku kakwe: Ngha ku yimiswa a mhanze ya 50 wa mikono kuleha, kasi manziko u fela ku wulawula ni hosi lezaku a hayekwa ka yona; zonake u taya kugeni ni hosi na u tsakile. Lezo zi lo mu tsakisa Hamani, a rumisa a kuva yi yimiswa mhanze leyo.

Tisimu 11:2

Hakuva a vakubiha va kondla a mawura, Va phaka tigalala tabye, Kasi va fela ku fula a valulamileko lomu munyameni.

Tisimu 35:10

A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Mavingu 29:10

Lava va nga ni tora ga nkhata, va venga loyi a mbheleleko, anilezi lava va lulamileko va yimela kuhanya kakwe.

Mavingu 29:27

A munhu a nga lulamangiko mayalataniso ka loyi a lulamileko, i loyi a tindlela takwe ti basileko manyalataniso ka wa kubiha. 1 Ped. 4:4

Habakuka 1:13

Wena wa mahlo ma basileko, laha ka kuva u hluleka ku cuwuka kubiha, lawa ma nga zi kotiko ku wona kutsimbeketwa, hikuyini u cuwukako a vamahi va kubiha, u miyela loku a wakubiha a mita loyi a mu hunzako hi kululama ke?

Mitiro 12:11

Laha Pedro na a tilimukile, aku ngalo: Makunu nza zi tiva hakunene, lezaku a Hosi yi rumile a ngelosi ya yona, yi ta nzi tlhatlhisa canjeni ga Herodi, ni ka zontlhe lezi va nga zi langutele a vaJuda. Tis. 34:7; 2 Ped. 2:9

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Mitiro 7:52

Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;

1 Johani 3:12

hi nga koti Kana, loyi a nga hi nʼwana wa loyi wa kubiha, a daya nakulobye. Xana i lo mu daya hikuyini ke? Hilezi a mitiro yakwe yi wa bihile, ni ya nakulobye yi wa lulamile. Gen. 4:4, 8

1 Samueli 24:11

Tlhatakumbiri, dada, hi nga wona a nguwo ya wena mandleni ya mina, nzi yi tsemileko laha ka nguwo ya wena; cima a nzi ku dayangi. Cuwukake u zi tiva lezaku ku hava wulala ni kubiha canjeni ga mina, ni lezaku mina a nzi ku gohelangi nchumu. Kanilezi wena wa hlota wutomi ga mina.

1 Samueli 24:17

I te ngalo ka Davida: Wena u lulamile ku hunza mina, hakuva u nzi tlhelisela hi kusaseka; kanilezi mina nzi ku tlhelisela hi kubiha.