Tisimu 34:4 - Tshwa Bible

⁴ Nzi lo hlota Jehova, i lo nzi hlamula; I lo nzi tlhatlhisa kuchaveni ka mina kontlhe.

Tisimu 34:4 Iomraidhean Croise

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Tisimu 18:6

Nzi lo khongela ka Jehova kuhlokisweni ka mina, Nzi rila ka Nungungulu wa mina; Yena i lozwa a gezu ga mina na a hi tempeleni yakwe, A huwa ya mina mahlweni kakwe yi lota enghena tindleveni takwe.

Tisimu 22:24

Hakuva a nga kanyisangi hambu ku nyenya a kuxaniseka ka loyi a xanisekako, Cima a nga mu fihlelangi a nghohe yakwe; Kanilezi i lo muzwa laha a nga mu rilela.

Tisimu 31:22

A kuxanisekeni ka mina nzite: Nzi hlongolwe mahlweni ka wena, Hambu zi hi tano, u zwile a mikhongelo ya mina Laha nzi ngaba huwa ka wena.

Tisimu 35:27

Ngha va hlalela hi kutsaka lava va ranzako akuva nzi humelela mhakeni, A masiku wontihe ngha va wula, vaku: A khesiwe Jehova, Loyi a xalalako hi kuvuvuma ka nanza gakwe!

Tisimu 40:17

Mina nzi loyi a xanisilweko, nzi muvumali, Kanilezi Jehova wa nzi alakanya; Wena u muvuni wa mina ni mutiruli wa mina, U nga hlweli, O Nungungulu wa mina.

Tisimu 46:2

Hi kota ya lezo hi nga ta chava hambu loku misava yi hunzulwa, Ni loku zitsunga zi ninginiswa giwa bimbini.

Tisimu 56:3

Ni ka xihi xikhati nzi chavako, Nzi ta tsumba wena.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Jona 2:2

Zonake Jona i lo khongela ka Jehova, a Nungungulu wakwe, na hi rumbyini ga hlavi, aku: Hi kota ya hlokiselelo wa mina nzi lo vitana Jehova, A nzi hlamula; Nzi lo rila na nzi hi nzeni ka Xeole, Wena u lozwa a gezu ga mina.

Mateu 7:7

Kombelani, mu ta nyikiwa; lavani, mu ta zi kuma; gongonzani, mu ta vululelwa. Mar. 11:24; Lu. 11:9, 10; Jak. 1:5, 6

Luka 11:9

Mina nziku ka nwina: Kombelani, mu ta nyikiwa; lavani, mu ta zi kuma; gongonzani, mu ta vululelwa. Mat. 7:7; 21:22; Mar. 11:24; Joh. 15:7; Jak. 1:6; 1 Joh. 3:22

2 Timote 1:7

Hakuva Nungungulu a nga hi nyikangi a moya wa wutoya, kanilezi wa ntamu ni liranzo ni kutikhoma. Lu. 24:49; Rom. 8:15

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

1 Samueli 27:1

Zonake Davida i lo alakanya mbilwini yakwe, aku: Ginwani siku nzi ta kala nzi dawa hi Saule; ku hava yinwani ndlela, ahandle ko tsutsumela tikweni ga vaFilistia, kasi Saule a fela ku kala a nga ha nzi hloti lomu tikweni gontlhe ga ka Israeli; zonake nzi ta pona canjeni gakwe.