Mitsengo 11:10 - Tshwa Bible

¹⁰ Zonake Mosi i lozwa vanhu na va rila lomu mingangweni yabye, loyi ni loyi na hi laha nyangweni ya tenda gakwe. Jehova i lo zangara nguvu, na Mosi i lo karateka,

Mitsengo 11:10 Iomraidhean Croise

Tisimu 106:25

Kanilezi va lo kalala lomu matendeni yabye, Va nga ingisi a gezu ga Jehova.

Tisimu 139:21

Jehova, a nzi va vengi lava va ku vengako ke? A nzi swihalangi hi lava va ku vukelako ke?

Tisimu 78:21

Loku Jehova a zi zwile, i lo zangara, Zonake a nzilo wu lo vurela Jakobe, Ni zanga yi tela Israeli.

Tisimu 78:59

Laha Nungungulu a nga zizwa i lo zangara, A swireka nguvu hi vaIsraeli,

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Mitsengo 11:1

A vanhu va lo sangula ku monya tindleveni ta Jehova. Laha Jehova a nga wa zi zwile, a zanga yakwe yi lo vindluka, zonake a nzilo wa Jehova wu vura xikari kabye, wu mbheta vanhu lava va nga hi magumo ka wugovelo.

Mitsengo 11:11

Zonake Mosi aku ka Jehova; U karatela yini a nanza ga wena; hikuyini u nga nzi zweliko wusiwana, lezi u nzi binzisako hi nzhwalo wa vontlhe vanhu lava ke?

Mitsengo 11:9

Ku waku loku a nzhokati yiwa laha misaveni ni wusiku, wonawu manna mawa.

Mitsengo 12:3

Kanilezi inaloyi Mosi i wa hi munhu wo rula nguvu ku hunza vanhu vontlhe va nga laha misaveni.

Mitsengo 12:9

A zanga ya Jehova yi lo va vindlukela; zonake i lo suka.

Mitsengo 16:27

Zinghaho va lo huma lomu tendeni ga Kora ni ga Datani ni ga Abiramu hi matlhelo wontihe; Datani na Abiramu va lo humawo, va yima lomu tinyangweni ta matenda yabye, zinwe ni vasati vabye ni vanana vabye, ni zihlangana zabye.

Mitsengo 21:5

Va lo sola Nungungulu na Mosi vaku: Hikuyini mu hi humesa le Gipite, hi ta fela lomu xiwuleni ke? Lomu ku hava zibaba, ku hava mati; a timbilu ta hina ta swihala hi zihabana lezi zi nga vuniko nchumu.

Marku 10:14

Laha Jesu na zi wonile, i lo tsanwa, aku kabye: Vumeleni a vanana a kuta ka mina, mu nga va beleteli; hakuva a mufumo wa Nungungulu ngwa va kunghahi. 1 Kor. 14:20; 1 Ped. 2:2

Marku 3:5

Laha na a langutile ka vona hi kuzangara, na karateka hi kota ya kunonoha ka timbilu tabye, aku ngalo ka munhu loye: Nawuluta canja ga wena. I lo gi nawuluta, gi tlhela gi hanya.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.