Marku 12:2 - Tshwa Bible

² Hi nguva ya kona i lo rumela a nanza ka varimi, kasi ga fela ku amukela a xipanze xa mihanzu ya xivina ka vona.

Marku 12:2 Iomraidhean Croise

2 Tihosi 17:13

Kasike Jehova i wa va byelile va ka Israeli ni va ka Juda hi vaprofeti vakwe, ni vontlhe vawoni vakwe: aku: Tlhelani lomu tindleleni ta nwina to biha, mu hlayisa zileletelo za mina ni milayo ya mina, khwatsi hi lezi nzi leleteleko vararu va nwina yontlhe milayo, kotisa lezi nzi rumileko a malanza ya mina, va nga vaprofeti.

2 Kronekele 36:15

Jehova Nungungulu wa vadadani vabye i wa va layile zikhati zinyingi hi mitsumi yakwe, hakuva i wa hawukela a vanhu vakwe ni wutshamu gakwe.

Ezra 9:11

leyi u nga hi leletela hi malanza ya wena a vaprofeti, uku: A tiko legi mu yako mu ya enghena ka gona mu gi fumela, i tiko gi nyenyezisilweko hi kubiha ka vamatiko, ni manyala lawa va tatileko ha wona wontihe matlhelo ya gona. Levi 18:25; 20:23

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 44:4

Nzi lo khanzakanya nzi mu rumela a malanza ya mina, va nga vaprofeti, va taku ngalo: Mu nga maheni a manyalataniso lawa nzi ma vengako!

Mika 7:1

I khombo ka mina! hakuva nzi kotisa a simu legi a mihanzu ya gona yi phophilweko, ni xivina lexi a mauva ya xona ma kolelweko; a ka hi na xitata xa mauva lexi xi nga giwako, hambu ni mihanzu yo ranga ya kuwu leyi nzi yi ranzako. Mat. 21:19

Zakaria 7:7

Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

Mateu 21:34

Laha a nguva ya mihanzu yi nga tshinela, i lo ruma malanza yakwe ka varimi, kasi ku ya amukela mihanzu yakwe.

Marku 12:1

Zonake i lo sangula ku kanela kabye hi mifananiso, aku: A munhu i lo byala xivina, a xi bhiyela lihlavu, a kehla a xigowolo xo hlutela vinya, ni ku aka tshala; zonake i lo xi nyikela ka varimi, aya matikweni. Mat. 21:33; Lu. 20:9

Marku 12:3

Kanilezi va lo gi khoma va giba, va gi tlhelisa na gi nga hi na nchumu.

Luka 12:48

kanilezi legi gi nga ku tiviko, gi maha lezi zi faneleko kubiwa, gi ta xupulwa hi tirimbiri ti tsongwani. Ni wihi a nyikilweko nguvu, ka yena ku ta labyiwa zo tala; ni loyi ku vekelweko zo tala ka yena, ku ta labyiwa zo tala ka yena. Levi 5:17; 1 Tim. 1:13

Luka 20:10

Hi nguva ya mihanzu i lo rumela a nanza ka varimi, kasi va fela ku gi nyika a mihanzu ya xivini; kanilezi a varimi va lo giba, va gi fambisa na gi hi hava nchumu.

Maheberu 1:1

Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; Mitse. 12:6, 8