Joeli 2:3 - Tshwa Bible

³ Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.

Joeli 2:3 Iomraidhean Croise

Genesisi 13:10

Loti i lo tlakusa a mahlo yakwe, i lo wona a mikova yontlhe ya Jordani, hakuva yi wa hi ni mati yontlhe (Jehova i wa nga se lovisa Sodoma ni Gomora), na yona yi wa ku khwatsi i simu ga Jehova kotisa a tiko ga le Gipite, kala ku chikela Zoare.

Genesisi 2:8

Jehova Nungungulu i lo byala a simu hi le Mutsuwuka-gambo lomu Edeni, i lo veka kona a munhu loyi a mu mahileko.

Tisimu 50:3

Nungungulu wa hina wata, a nga ta miyela. A mahlweni kakwe ku na ni nzilo lowu wu lovisako, I renzelekelwe hi bhubhutsa ga ntamu.

Tisimu 97:3

A nzilo wu ranga mahlweni kakwe, Wu hisa valala vakwe wontihe matlhelo.

Eksodusi 10:15

Yi lo fenengeta misava yontlhe, a tiko gi pfhupeliswa; a humbi yiga zontlhe lezi zi milako lomu tikweni, ni mihanzu yontlhe ya tisinya leti ti nga ponile a vula ya maralala; a ku salangi ne ni tluka lomu tikweni, ni ka lezi zi milako masinwini ya tiko gontlhe ga Gipite.

Eksodusi 10:5

Yi ta fenengeta misava yontlhe, a vanhu va ta tsanzeka ni ku wona misava; a humbi yi taga lezi zi seleko, lezi zi nga pona maralala; yi taga ni tisinya tontlhe leti ti mitileko masinwini ya nwina.

Isaya 14:17

Hi yena a nga maha tiko giva xiwula, a khungumulela miti ya gona, A nga tlhatlhi tiperesu takwe, lezaku ti tlhelela kaya.

Isaya 15:6

Hakuva a mati ya le Nimrime ma tapswha; Hakuva a byanyi gi wunile, a ka ha hi na lihunga.

Isaya 33:4

A muphango wa nwina wu ta tekiwa khwatsi hilezi a pungwani wu tekisako zona, Va ta ti hoxa ka wona khwatsi hi humbi yi nzulanzulako.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Ezekieli 36:35

Va taku: A tiko legi gi nga wa hahlukile, makunu gi fanana ni simu ga Edeni; ni miti leyi yi nga wa hahlulwe yi maha marumbi yi bhiyelwe, yi na ni vanhu.

Amosi 7:4

Hosi Jehova i nzi kombisile lezi: Nzi lo wona Hosi Jehova na a vitana a nzilo kasi ku ta tsayisa ha wona. Wu lo hisa a mati ya kueta, wu sangula ku hisa a tiko ga xiavelo.

Habakuka 1:6

Hakuva nzi ta vuxa a maKaldea, a tiko go leva ga tihanyi, legi gi tsemakanyako a misava yontlhe, kasi ku ya teka a wuakelo legi gi nga hiko gabye.

Zakaria 7:14

kanilezi nzi ta va hangalasa hi xipupuri xikari ka matiko wontlhe va nga ma tiviko, a tiko gi sala gi hi marumbi anzhako kabye, ku nga hi na munhu a hunzako hi ka gona, hambu ku tlhelela ka gona; hakuva va hunzule a tiko gi nene gi maha marumbi.