Jeremia 4:27 - Tshwa Bible

²⁷ Hakuva Jehova i ngalo: A tiko gontlhe gi ta hahlulwa, Kanilezi nzi nga ta gi mbhetisela magumo.

Jeremia 4:27 Iomraidhean Croise

Jeremia 46:28

U nga chavi wena Jakobe, nanza ga mina, ku wula Jehova; Hakuva nzi zinwe na wena. Hakuva nzi ta mbhetisa wontihe a matiko Lawa nzi ku hangalasileko ka wona, Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 5:18

Hambu zi hi tano, ku wula Jehova, nzi nga ta ku fuvisela magumo a ka lawo masiku.

Jeremia 5:10

Kanzihani a makhurisi yakwe, mu ma khungumula, kanilezi mu nga mbhetiseli magumo. Suselelani a tihlambuti takwe, hakuva tona a hi ta Jehova.

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Ezekieli 11:13

Laha nzi nga wa profeta, Pelatia nʼwana Benaia i lofa. Zonake nzi lowa hi nghohe nziba huwa hi gezu ga hombe, nziku: Hosi Jehova! u ta lovisa bhi a misalela ya ka Israeli ke? Isa. 10:20; Ezek. 9:8

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26

Ezekieli 33:28

A tiko nzi ta gi maha marumbi ni xirewukiso, a matshanza ya ntamu wakwe ma ta mbhela. A zitsunga za ka Israeli zi ta hahlulwa, laha kaku ni munhu a nga hunzi hi ka zona.

Ezekieli 6:14

Nzi ta nawuluta a woko ga mina hehla ka vona, nzi hahlula tiko gabye gi maha xiwula, gi hunza a xiwula xa Dibla, a ka gontlhe wuakelo gabye. Va ta zi tiva lezaku nzi mina Jehova.

Jeremia 18:16

Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

2 Kronekele 36:21

Kasi ku fela ku tatiseka a gezu ga Jehova legi gi wulilweko hi nomu wa Jeremia, kala a tiko gi ta ti tsakela hi masabado ya gona; gi humula xikhati xontlhe lexi kala ku mbhela 70 wa malembe. Levi 26:34; Jer. 25:12; Dan. 9:2

Nehemia 9:31

Ahembaloko, hi kota ya wuxinji ga wena go eta, cima a ku va mbhetangi, hambu ku va fularela, hakuva wena u Nungungulu wa tipswalo ni wuxinji.

Jeremia 4:20

Ka biwa hungu hi lobyiselelo hehla ka lobyiselelo, Hakuva tiko gontlhe gi hahlulwe. A matenda ya mina ma khungumulwa hi xitshuketi, Ni mixaxa ya mina hi xikhatanyana.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Jeremia 25:11

Gontlhe legi tiko gi tava marumbi ni xirewukiso; ni matiko laya ma ta tirela a hesi ya Babuloni a 70 wa malembe.

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Ezekieli 20:17

Ahembalokoke, a tihlo ga mina gi lo va nyenyeletela nzi nga va lovisi, a nzi va hihiritangi lomu xiwuleni.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Isaya 17:6

Kasike a misalela yi tava kona khwatsi hi ku jujiwa ka sinya ya oliva, A mihanzu mimbiri kutani minharu ya sala ka ravi gi tlakukileko nguvu, Hambu mune kutani ntlhanu lomu maravini ma chelileko nguvu, Ku wula Jehova, Nungungulu wa ka Israeli.

Mikosi 2:7

A Hosi yi tsikile a alati ga yona, yi swireka hi wutshamu gakwe ga kubasa; A makhurisi ya ziluvelo zakwe i ma nyikele mandleni ya nala; Va tlakusile magezu yabye lomu ndlwini ya Jehova khwatsi hi siku ga tlhangano wa ximuse.

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.