Danieli 2:4 - Tshwa Bible

⁴ Zonake a titlhari tiku ka hosi hi xiSiria: Hosi, hanya kala kupinzuka! Byela malanza ya wena a noro, hi ta wu tlhamusela.

Danieli 2:4 Iomraidhean Croise

Genesisi 31:47

Zonake Labani i lo gi chula lego wutshamu ku Jegar sahaduta; kanilezi Jakobe i lo gi chula ku ngalo Galedi.

Genesisi 41:8

Na gi cile laha mixweni, Faro i lo karateka nguvu lomu mbilwini yakwe; hikwalaho i lo rumela lezaku ku vitanwa zitumbe zontlhe za le Gipite, ni titlhari ta kona. I lo va hlawutela miloro yakwe, kanilezi i wa nga hi kona loyi a nga wa tiva ku tlhamusela miloro leyo ya Faro.

1 Tihosi 1:25

Hakuva i relele inyamutlha; i tlhavile tihomu ni marole yo nona, ni tiyivu to tala; i vitanile vontlhe vana va hosi ni tinduna ta yimpi, na muprofeti Abiatari. Languta, vona vaga vanwa mahlweni kakwe, na vaku: A simame a hanya hosi Adonija!

1 Tihosi 1:31

Zonake Batexeba i lo korama a nyika xichavo mahlweni ka hosi, aku: Ngha a hosi yanga Davida a hanya kala kupinzuka!

2 Tihosi 18:26

Zonake Eliakimu nʼwana Hilkia, na Xebna, na Joa, va te ngalo ka Rabxeka: Wulawula ni malanza ya wena hi lirimi la xiSiria, hakuva ha li tiva; u nga wulawuli na hina hi xijuda kuzweni ka vanhu lava va nga lomu ligingisini.

Ezra 4:7

Kanilezi xikhatini xa Artaxerxesi, Bishlamu na Mitredate na Tabeeli ni vanwani vanakulobye, va lo tsalela Artaxerxesi a hosi ya le Persia a papilo hi maletela ya xiAsiria gi tlhamuselwa hi xiAsiria.

Nehemia 2:3

Nzi te ngalo ka hosi: Hosi, hanya kala kupinzuka! Nzi wa ta kala nzi nga tsanwi, laha a muti, a wutshamu ga zilahla za vadadani va mina, wu khungumulweko, ni tivati ta kona ti hisilweko hi nzilo ke? Dan. 2:4; 3:9; 5:10

Isaya 36:11

Zonake Eliakimu na Xebna na Joaha vaku ka Rabxake: Hi nga wulawula ni malanza ya wena hi xiSiria, hakuva ha xi tiva; u nga wulawuli na hina hi xijuda kuzweni ka vanhu lava va nga laha ligingisini.

Isaya 44:25

Nza tsetsula a mawunwa ya vahembi, Nzi maha vavumbi va hunguka. A titlhari nza ti tlhelisa nzhako, Nzi hunzula wutlhari gabye giva wupumbu;

Danieli 1:4

ma nga hi majaha ya timbhuri ti nga hiko na vala, a titlhari, va yileko mahlweni hi gonziselelo ni wutivi, lava va fanelweko hi ku enghena ntirweni wa yindlu ya hosi, kasi wa va gonzisa a matsaiela ni lirimi la maKaldea.

Danieli 2:7

Va lo hlamula khati ga wumbiri, vaku: A hosi ngha yi byela malanza ya yona a noro, zonake hi ta wula a tlhamuselo wa kona.

Danieli 3:9

vaku ka hosi Nebukadnezzare: Hosi! hanya kala kupinzuka!

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 4:7

Zonake ku lota a tinʼanga, ni vangoma, ni titlhari, ni zitumbe, nzi va hlawutela a noro lowo, kanilezi a va nzi byelangi a tlhamuselo wa wona.

Danieli 4:9

Wena Beltexazzare, nduna ya titlhari, khwatsi hilezi nzi zi tivako lezaku a moya wa vanungungulu va basileko wu ka wena, ni lezaku a ku hluliwi hi wihi fihlakalo, nzi byele a miwoniso ya noro wa mina leyi nzi yi wonileko, ni tlhamuselo wa yona.

Danieli 5:10

Makunu loku a muzinza wu zwile a timhaka ta hosi ni tihosana ta yona, i lo enghena lomu ndlwini ya mubuzo, aku: Hosi, hanya kala kupinzuka! u nga xeveki maalakanyweni ya wena, ni nghohe ya wena yi nga hunzuki.

Danieli 5:8

Zonake a titlhari tontlhe ta hosi ti lota, kanilezi a ti zi kotangi ku gonza a mutsalo, ge hambu ku yi byela a tlhamuselo wa wona.

Danieli 6:21

Danieli aku ka hosi: Hosi, hanya kala kupinzuka!

Danieli 6:6

Hikwalaho a tihosana ni tinduna ta kona ti lo tsombana le hosini, vaku ka yona: Hosi Dariusi, hanya kala kupinzuka!

Danieli 6:7

A tinduna tontlhe ta mufumo, a vatongi ni tihosana, a masungukati ni vamwamangulu, va tlhangene va boha xikungo xaku a hosi ngha yi yimisa a nayo wu tiyileko, waku ni wihi a ta nga kumiwa na a khongela ka nungungulu munwani, kutani ka munhu munwani xikari ka 30 wa masiku, ahandle ko khongela ka wena hosi, i ta hoxwa nkeleni wa tinghala.

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

1 Samueli 10:24

Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!