Danieli 2:2 - Tshwa Bible

² Zonake a hosi yi lo vitana a tinʼanga ni zitumbe ni vangoma ni titlhari, kasi ku ta tlhamusela a hosi a miloro ya yona. Zinghaho va lota va ta yima mahlweni ka hosi. Isa. 47:12

Danieli 2:2 Iomraidhean Croise

Genesisi 41:8

Na gi cile laha mixweni, Faro i lo karateka nguvu lomu mbilwini yakwe; hikwalaho i lo rumela lezaku ku vitanwa zitumbe zontlhe za le Gipite, ni titlhari ta kona. I lo va hlawutela miloro yakwe, kanilezi i wa nga hi kona loyi a nga wa tiva ku tlhamusela miloro leyo ya Faro.

Estere 1:13

Zonake a hosi yi lo wutisa a titlhari leti ti nga wa tiva zikhati, hakuva a hosi yi wa xuxa tontlhe timhaka zinwe ni lava va nga wa tiva nayo ni nongameto.

Eksodusi 7:11

Zonake Faro i lo vitana a titlhari ni tinʼanga; vonawu kota ti nga hi titlhari ta le Gipite, va lo maha zalezo hi wutlhari gabye. 2 Tim. 3:8

Isaya 19:3

A moya wa Gipite wu ta titivala nzeni kabye, Nzi ta hangalasa makungo yabye, Va ta tsutsumela zifananisweni ni ka vangoma, Ni lava va humesako mimoya ya vafileko ni vavumbi.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Danieli 1:20

Ni xihi xikhati a hosi yi nga va wutisa hi timhaka ta wutlhari ni wutivi, yi lo va kuma lezaku va hunza hi ka khume a tinʼanga tontlhe ni vangoma lava va nga wa hi mufunweni wakwe wontihe.

Danieli 1:4

ma nga hi majaha ya timbhuri ti nga hiko na vala, a titlhari, va yileko mahlweni hi gonziselelo ni wutivi, lava va fanelweko hi ku enghena ntirweni wa yindlu ya hosi, kasi wa va gonzisa a matsaiela ni lirimi la maKaldea.

Danieli 2:10

A titlhari tiku ka hosi: A nga kona ni munwe laha misaveni a nga zi kotako ku tshawutela a timhaka ta hosi; kambe a ku na ngava kona a hosi hambu loku yi hi ya hombe ni ya ntamu, yi nga nga wutisa a mhaka ya kunghahi ka tinʼanga, kutani ka vangoma, hambu ka titlhari.

Danieli 2:27

Danieli i lo hlamula aku ka hosi: A fihlakalo lowu a hosi yi wu lavako a wu na ku hlawutelwa hi titlhari ni vangoma ni vavumbi.

Danieli 3:8

A ka lexo xikhati a titlhari to kari ti lo tshinela ti ta kecara a vaJuda,

Danieli 4:3

A zikombiso zakwe zi kulisa kuyini! A zirewukiso zakwe zi na ni ntamu wa kuyini! A mufumo wakwe wa simasima, ni kufuma kakwe ka zizukulwana ni zizukulwana.

Danieli 4:6

Hikwalaho nzi lo vitanisa tontlhe titlhari ta Babuloni, kasi ti ta nzi tlhamusela a noro lowo.

Danieli 5:7

A hosi yi lo kanyuluka yi vitanisa a vangoma ni titlhari ni zitumbe. A hosi yiku ka titlhari ta Babuloni: Ni wihi munhu a ta nga gonza a mutsalo lowu, a nzi byela a tlhamuselo wa wona, i ta ambexiwa tinguwo to zirila, ava ni ketani ya nzalama nhanwini yakwe, a maha mufumeli wa wunharu lomu mufunweni wa mina.

1 Samueli 6:2

A vaFilistia va lo vitana vapristi ni zitumbe, va taku kabye: Hi ta mahisa kuyini hi arke ga Jehova? Hi byeleni lezi hi ta nga gi tlhelisisa zona wutshanwini ga gona.