Danieli 12:10 - Tshwa Bible

¹⁰ Vanyingi va ta hlaziwa, va basiswa, va ringiwa; kanilezi a vakubiha va ta maha kubiha, Ku hava a wakubiha a ta nga zi pima, kanilezi a votlhariha va ta zi pima.

Danieli 12:10 Iomraidhean Croise

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Tisimu 51:7

Nzi basise hi hisope lezaku nziva a hlazekileko; Nzi hlaze, nzi maha wo basa ku hunza gapongo. Levi 14:4, 6; Mitse. 19:18; Isa. 1:18

Mavingu 1:5

Loyi a tlharihileko i fela kuzwa, a enzelekisa wutivi, oyi a nga ni kupimisisa i ta ti kumela makungo ma nene,

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Ezekieli 47:11

Kanilezi a matshamu ya marope ni matshowo ma nga ta chumiwa, ma ta humesa a munyu.

Danieli 11:33

Lava va tlharihileko xikari ka tiko va ta gonzisa vanyingi; kanilezi va ta dawa hi supado, ni nzilo, ni wukhumbi ni kuphangiwa a masiku yo kari.

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Danieli 12:3

Lava va tlharihileko va ta ngangamela ku fanana ni tilo, ni lava va kokelako vanyingi kululameni va ta fanana ni tinyeleti kala kupinzuka ni kupinzuka. Mat. 13:43; 1 Kor. 15:41

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Marku 4:11

I te ngalo kabye: A ka nwina ku nyikilwe ku tiva a mifihlakalo ya mufumo wa Nungungulu; kanilezi lava va nga lehandle va tivisiwa timhaka tontlhe hi mifananiso;

Luka 24:25

Yena aku ngalo kabye: Maphuphulu nzi nwina ya vanhu va mbilu yi nonokako ku kholwa zontlhe lezi zi kanelweko hi vaprofeti!

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Johani 8:47

Loyi a nga wa ka Nungungulu, wazwa a timhaka ta Nungungulu; nwina a mu ti ingisi, hakuva a mu va ka Nungungulu. Xip. 10:26; 1 Joh. 4:6

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Maheberu 12:10

Kunene vona va lo hi tsayisa xikhatanyana, kota lezi zi nga woneka na zi sasekile ka vona; kanilezi Nungungulu wa hi tsayisa a kuva hi vuneka, kasi hi fela kuva ni kubasa kakwe. 1 Ped. 1:15

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

Kuvululelwa 16:11

va rukatela Nungungulu wa tilo hi kota ya kubayisa kabye ni zilonza zabye; a va hunzulukangi mitirweni yabye.

Kuvululelwa 19:14

Ni mabutho ya le tilweni ma lo mu lanzela, na ma khilele mahaxi yo basa, na ma ambele a tinguwo to saseka ta wukene ti basileko tiku pa. Mat. 28:3; Xip. 14:20

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Kuvululelwa 22:11

Loyi a nga lulamangiko, a simamise a maha kungalulami; loyi a nyenyezileko, a simamise a ti nyenyezisa; loyi a lulamileko, a simamise a maha kululama; ni loyi a basileko, a simamise a ti basisa. Ezek. 3:22; Dan. 12:10; 2 Tim. 3:13

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

1 Samueli 24:13

Khwatsi hi kuwula ka vakale va nga ku ngalo: Zo biha zi huma hi ka lava vo biha. Kanilezi a canja ga mina gi nga ta ku henya. Levi 19:18; Rom. 12:19; 1 Ped. 2:23