Filemoni 1:6 - Musamu wu Mubwe

⁶ Me ndi mu upondo huli Nzambi, mana itwadi hi hili mu upfuuta bisu a benu mu imiinu, himonehele. Itwadi mohina himonehele, mu mavanga mamabwe moosi ma luukuhasa mu usalila Kristo.

Filemoni 1:6 Iomraidhean Croise

Filiipo 4:8

Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

Tiite 3:14

Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

Yaki 2:14

Baana ba ngu a me, ki kaluha yili huli muutu mu ubaaleele ti: «Me ndi na imiinu», tso nde a hali mu umwese mavanga mamabwe ve? Imiinu hya buuna, utwala ufuuhasa nde ve.

Yaki 2:17

Ni bumosi kaka mu imiinu. Tso hyo a hili na mavanga mamabwe ve, hyo hili hi hyakwa.

1 Peetelo 2:12

Baani na mbiili yimbwe ŋa hati li bangoyi. Tso bo bakesi benu ti benu bavangi ba mamabi, bo sa bamono mbiili a benu yimbwe. Na bo sa bayusa Nzambi ilumbu hi nde hu uyamonehele.

1 Peetelo 3:1

Ni bumosi kaka, benu bakaasu, baani na lisiingala ŋa busu bu balumi ba benu. Tso lisiidi buuna, uba ti na babahala ŋa hati la bo ba bali mu uvelesa imiinu mu Mambu ma Nzambi, babaha imiinu mu mbiili bakadi ba bo.

1 Peetelo 3:16

Baasaani buuna na bulembo na likiinzu. Babaani na matsimi ma maatsyeme, mana ba bali mu ukusa benu mu ndyatili a benu yimbwe ya ba Mukristo, bakwa tsonyi mu makusa ma bo.

2 Peetelo 1:8

Eye, tso benu lili na bisiha mobiina, na tso byo bipfuni mu benu, byo byutelemese benu mu usala. Na nzabili a Pfumu a bisu Yisu Kristo sa yibutala benu mimbutu.