Filemoni 1:22 - Musamu wu Mubwe

²² Titswene, vangila me itini hya nzo hi ubwamina. Me ndi na hiitu ti mu tonyi masambulu ma benu, me tsa nzapfutahala benu.

Filemoni 1:22 Iomraidhean Croise

Mavanga 27:24

Na nde aleele me: “Pahuli a haba na boomo! Baafwana utsundasa we ŋa busu bwa Kayisaali, mukuutu batumi. Ka mu toni litondo la Nzambi mu we, boosi ba bali mu mudyenge na we mutso likuumbi, sa bafuuha.”

Mavanga 28:23

Bo baabwesoolo ilumbu ikima, hi ubwepfuutana na Pahuli. Bu ilumbu mohina hyatoodi, bo baayeni huli nde, mu litangu lililahi li laafulala la tsomi. Imoho hyabaandihi ŋa ngwali nate ŋa tsitsaha. Mu ndongisili a nde, Pahuli akalongese na ubindula mambu ma Ipfumu hya Nzambi. Nde akabindula bo mikele mya Moose, na mihanda mi mimbihuli mya Nzambi myasonihi, mana nde abita bo mu ukangama mu Yisu.

Looma 15:24

na me tondi usa buuna ŋa me unzyene hu Esipanye. Mu toni ati, me na hiitu hi umono benu ŋa me upyoho na uyaka likumbasa la benu mu mudyenge mu tsi moyiina, humbisa utsahala na benu mu mwa bilumbu.

Filiipo 1:19

mu toni ati mapasi momaana mu ubita hu liyobolo la me, mu nzila yi masambulu ma benu, na mu nzila yi likumbasa li Livupu la Yisu Kristo.

Filiipo 2:24

Me ndi na hiitu mu Pfumu, ti tso Nzambi tondi, me mwakulu kaka unzaamono benu.

Yaki 5:16

Baasiingani masumu ma benu ŋa busu bu bambaahi. Na baabitasanani bana mu masambulu, mana benu libeloho. Ŋa muutu wu akuha ubaasambila, lisambulu la nde, libaaba na mifudi.

2 Yowani 1:12

Me kini na mambu mamalahi ma ubweyabisa benu, ka me atondi usonehele benu mo mu muhanda na ilapi ve. Lehemene la me, ni li uya huli benu na umoho me mwakulu na benu, mana kinya a bisu yiba yi yasupaha.

3 Yowani 1:14

Lehemene la me mawasa-mawasa, ni li uya huli we na umoho me mwakulu na we.