Filemoni 1:17 - Musamu wu Mubwe

¹⁷ Buuna, tso we li wu abambana na me, yaka nde we bu we uyaka me mwakulu.

Filemoni 1:17 Iomraidhean Croise

Mavanga 16:15

Bu nde hasiidi hiitu, baatondihi nde, na baatu ba nzo a nde. Humbisa, nde atsihi bisu hu nzo a nde na uleele: «Tso benu limoni ti mbuli me miitsa hiitu mu Pfumu, yaani! Na kwilalaani mu nzo a me.» Buuna nde akwamisi bisu mu usiinga.

Filiipo 1:7

Hu li tsiitsa ti, me mba na matsimi ma bunuubu mu toni a benu boosi. Me ndi mu utondo benu mu mutima a me woosi. Mu toni ati, benu laakumbisi me mu isalu hi Nzambi havidi me, mu hyese hya nde. Benu laakumbisi me ŋa me ambedi bunyanga, mu ulwanila Musamu wu Mubwe, na uyabisa nde na mifudi myosi. Benu a laasuki ŋaana ve, ka benu laakumbisi me kaka nate mu tangu moyiniyi, yi me ndi mu mapanga.

1 Timoteho 6:2

Na, baviha ba bali na bapfumu banga imiinu, a baafwana upenye bo ve, bu bo bali baana ba ngu. Ka bo baafwana ubaasalila bo hu ulahi, bu bo bali banga imiinu na bambaahi ba litondo, ba bubaayaka likumbasa la bo lilibwe. Maana ni ma we afwana ubaalongese na ubaatuma baatu.

Filemoni 1:10

Me pondi huli we, mu uvanga lilibwe mu tonyi a Onisimi, nde wu aka mwana a me hutso a kondaayi huni.

Filemoni 1:12

Bunuubu, me ndi mu upfutala we nde. Nde wu aka we mutima a me.

Filemoni 1:18

Tso nde havangila we lilibi, buve tso nde li na mukanu a we, suusa byo mu tso a biita la me.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 5:1

Bunuubu, me ndi mu ukwadisa bakuutu ba libundu ba bali ŋa hati la benu. Me kaka wu ndi mukuutu libundu we bo. Me ndi mbangi mapasi ma Kristo hamoni, na me tsambaha kaka kabu mu muyusu wu uya. Me ndi mu upondo bo mambu momanima:

1 Yowani 1:3

Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.