San Mateo 9:4 - Triqui de San Juan Copala

⁴ Ne̱ queneꞌen Jesús da̱j nuchruj ra̱a̱ nij soꞌ, ne̱ cheꞌé dan cataj soꞌ a: ―Me cheꞌé avii ndoꞌo nana̱ chiꞌi̱i̱ nimán soj ga̱.

San Mateo 9:4 Iomraidhean Croise

San Mateo 12:25

Dan me se queneꞌen Jesús da̱j vaa nimán nij síí fariseo yoꞌ, ga̱a ne̱ caꞌmii soꞌ rihaan nij síí fariseo a: ―Neꞌen soj se vaa sese vaa ꞌo̱ yoꞌóó noco̱o, ne̱ sese xraꞌ taꞌa̱j nij síí uun chij rihaan yoꞌóó noco̱o yoꞌ ne̱ cunu̱ꞌ nij maꞌa̱n nij soꞌ ga̱ tuviꞌ nij soꞌ, ne̱ vaa güii, ne̱ nu̱ꞌ yoꞌóó noco̱o yoꞌ quiri̱ꞌ nu̱ꞌ na̱nj ado̱nj. Ne̱ sese cunu̱ꞌ taꞌa̱j nij yuvii̱ ma̱n maꞌa̱n chumanꞌ ga̱ tuviꞌ yuvii̱, ne̱ vaa güii quiri̱ꞌ nu̱ꞌ chiháán nij soꞌ, quiꞌya̱j nij soꞌ na̱nj ado̱nj. Ne̱ sese cunu̱ꞌ taꞌa̱j nij tucua̱ ꞌo̱ soꞌ ga̱ maꞌa̱n tuviꞌ nij soꞌ, ne̱ vaa güii quiri̱ꞌ nu̱ꞌ nij tucua̱ soꞌ, quiꞌya̱j nij soꞌ na̱nj ado̱nj.

San Marcos 12:15

Dan me se a̱j neꞌen Jesús se vaa síí nucuiꞌ rá me nij soꞌ, ne̱ cheꞌé dan cataj soꞌ rihaan nij soꞌ a: ―Me cheꞌé me rá soj tiha̱ꞌ yuꞌunj soj manj ne̱ cuta̱ꞌ soj cacunꞌ xráj ga̱. Ti̱haa̱n soj ꞌo̱ saꞌanj aga̱ꞌ rihanj ni̱ꞌyaj á ―taj Jesús rihaan nij soꞌ a.

San Marcos 2:8

Dan me se queneꞌen nimán maꞌa̱n Jesús se vaa guun nimán nij soꞌ da̱nj, ne̱ cheꞌé dan cataj soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Lucas 11:17

Dan me se queneꞌen maꞌa̱n Jesús da̱j vaa nimán nij yuvii̱, ne̱ cheꞌé dan cataj soꞌ a: ―Neꞌen soj se vaa sese vaa ꞌo̱ yoꞌóó noco̱o, ne̱ sese xra̱ꞌ taꞌa̱j nij síí uun chij rihaan yoꞌóó noco̱o yoꞌ ne̱ cunu̱ꞌ maꞌa̱n nij soꞌ ga̱ tuviꞌ nij soꞌ, ne̱ vaa güii, ne̱ nu̱ꞌ yoꞌóó noco̱o yoꞌ quiri̱ꞌ nu̱ꞌ na̱nj ado̱nj. Ne̱ sese cunu̱ꞌ taꞌa̱j nij tucua̱ ꞌo̱ soꞌ ga̱ maꞌa̱n tuviꞌ nij soꞌ, ne̱ vaa güii quiri̱ꞌ nu̱ꞌ nij tucua̱ soꞌ, quiꞌya̱j nij soꞌ na̱nj ado̱nj.

San Lucas 5:22

Queneꞌen Jesús da̱j nuchruj ra̱a̱ nij soꞌ, ne̱ cheꞌé dan cataj soꞌ rihaan nij soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Lucas 6:8

Tza̱j ne̱ queneꞌen Jesús se vaa guun rá nij soꞌ, ga̱a ne̱ cataj soꞌ rihaan síí nacoo̱ raꞌa a: ―Na̱xuma̱a̱n so̱ꞌ canicu̱nꞌ ca̱yá so̱ꞌ scaꞌnúj níꞌ á ―taj Jesús rihaan soꞌ a. Ga̱a ne̱ naxuma̱a̱n soꞌ, ne̱ canicunꞌ caya̱ soꞌ scaꞌnúj nij yuvii̱ a.

San Lucas 7:40

Ga̱a ne̱ cataj Jesús rihaan soꞌ a: ―Vaa nana̱ me raj cata̱j ꞌu̱nj rihaan so̱ꞌ, Simón ―taj Jesús rihaan soꞌ a. ―Caꞌmi̱i̱ so̱ꞌ, maestro ―taj síí tucua̱ yoꞌ a.

San Juan 16:19

Queneꞌen Jesús se vaa me rá nij soꞌ xna̱ꞌanj nij soꞌ man soꞌ, ne̱ cheꞌé dan xnáꞌanj maꞌa̱n soꞌ man nij soꞌ, cataj soꞌ a: ―Me cheꞌé xnáꞌanj ndoꞌo soj man tuviꞌ soj cheꞌé nana̱ caꞌmij, se vaa cache̱n doj, ga̱a ne̱ se̱ queneꞌen uún soj manj, ga̱a ne̱ cache̱n doj uún, ga̱a ne̱ queneꞌe̱n uún soj manj ga̱.

San Juan 16:30

Nihánj me se neꞌen núj se vaa neꞌén so̱ꞌ cunuda̱nj, ne̱ nda̱a neꞌén so̱ꞌ me nana̱ uun rá yuvii̱ xna̱ꞌanj yuvii̱ mán so̱ꞌ a. Cheꞌé dan amán rá núj se vaa cavii so̱ꞌ rihaan Yaꞌanj na̱nj á ―taj nij síí tucuꞌyón snana̱ Jesús a.

San Juan 21:17

Ga̱a ne̱ cataj uún Jesús rihaan Pedró a: ―Cu̱nó so̱ꞌ caꞌmi̱j, Simón taꞌníí Jonás. ꞌE̱e̱ rá so̱ꞌ manj naꞌ ―taj uún Jesús a. Ne̱ veé da̱nj quisíj vaꞌnu̱j xnáꞌanj soꞌ da̱nj man Pedró a. Dan me se quinanó rá Pedró cheꞌé se quisíj vaꞌnu̱j xnáꞌanj Jesús da̱nj man soꞌ a. Ga̱a ne̱ cataj uún soꞌ rihaan Jesús a: ―Neꞌén so̱ꞌ cunuda̱nj, Señor. Ma̱ꞌán so̱ꞌ neꞌen se vaa ꞌe̱e̱ raj mán so̱ꞌ á ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á.

San Juan 6:61

Queneꞌen maꞌa̱n Jesús se vaa caꞌmii taꞌa̱j nij síí tucuꞌyón snana̱ soꞌ nana̱ nij yoꞌ, ga̱a ne̱ cataj Jesús rihaan nij soꞌ a: ―Quiriꞌ rá soj, quiꞌyaj nana̱ nihánj naꞌ.

San Juan 6:64

Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.

Hechos 5:9

Ga̱a ne̱ cataj Pedró rihaan noꞌ a: ―Me cheꞌé cuya̱a̱n guun rá ro̱j so̱j tiha̱ꞌ yuꞌunj ro̱j so̱j man Nimán Síí ꞌNi̱j Raꞌa man níꞌ ga̱. Ni̱ꞌyaj so̱ꞌ á. Nij síí cachinꞌ man nica̱ so̱ꞌ roꞌ, nicunꞌ taꞌyaa, ne̱ nihánj me se ca̱ta̱ nij soꞌ mán so̱ꞌ, caꞌa̱nj ni̱caj nij soꞌ mán so̱ꞌ xeꞌ cuano̱ na̱nj ado̱nj ―taj Pedró rihaan noꞌ a.

Apocalipsis 2:23

Ne̱ ꞌo̱ cavi̱ꞌ nij síí noco̱ꞌ snana̱ chana̱ yoꞌ, qui̱ꞌyáj, ga̱a ne̱ queneꞌe̱n nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ se vaa ꞌu̱nj me síí acaj ndoꞌo cuentá da̱j vaa raa̱ yuvii̱ do̱ꞌ, da̱j vaa nimán yuvii̱ do̱ꞌ, ne̱ na̱ruꞌvee ꞌu̱nj rihaan ꞌo̱ ꞌo̱ nij soj cheꞌé se vaa ꞌyaj ꞌo̱ ꞌo̱ nij soj chugua̱nj.