San Mateo 9:3 - Triqui de San Juan Copala

³ Dan me se ya̱nj do̱j síí naquiꞌyaj cu̱u stucua̱nj Moisés rá veꞌ ga̱ Jesús, ne̱ na̱nj nuchruj ra̱a̱ nij soꞌ a: “Qui̱j vaa nana̱ caꞌmii síí nihánj rihaan Yaꞌanj asânj”, guun nimán nij soꞌ a.

San Mateo 9:3 Iomraidhean Croise

San Mateo 26:65

Ga̱a ne̱ caꞌmaan rá xrej yoꞌ, ne̱ cutzinꞌ xrej yoꞌ saga̱nꞌ maꞌa̱n xrej, ne̱ cataj xrej rihaan tuviꞌ xrej a: ―Ni̱ꞌyaj soj vi̱j. Qui̱j uxrá tuꞌva síí nihánj rihaan Yaꞌanj asânj. Se̱ cachiin doj síí caꞌna̱ꞌ cata̱j xnaꞌanj rihaan níꞌ cheꞌé cacunꞌ tumé síí nihánj a̱ maꞌ. Ma̱an se cuano̱ nihánj me se cuno maꞌa̱n soj nana̱ qui̱j caꞌmii soꞌ se vaa ca̱yáán maꞌa̱n soꞌ rej xꞌnu̱j Yaꞌanj, taj soꞌ ado̱nj.

San Mateo 7:29

ꞌO̱ se xcaj nij yuvii̱ cuentá se vaa ase vaa tucuꞌyón ꞌo̱ síí uun chij ndoꞌo roꞌ, da̱nj tucuꞌyón Jesús, rá nij soꞌ a. Ne̱ cu̱u doj tucuꞌyón soꞌ rihaan nij síí naquiꞌyaj cu̱u stucua̱nj Moisés, rá nij soꞌ a.

San Marcos 14:64

Ne̱ cuno soj nana̱ qui̱j caꞌmii soꞌ se vaa quita̱j maꞌa̱n soꞌ rej xꞌnu̱j Yaꞌanj naꞌ. A̱j cuno soj chugua̱nj. Ne̱ da̱j quiꞌya̱j níꞌ man soꞌ, rá soj ga̱ ―taj xrej a. Ga̱a ne̱ cataj cunuda̱nj nij soꞌ se vaa ya̱ tumé Jesús cacunꞌ, ne̱ no̱ xcúún soꞌ cavi̱ꞌ soꞌ a.

San Marcos 3:28

’Cata̱j xnaꞌanj yá yá ꞌu̱nj rihaan soj cuano̱ se vaa nu̱ꞌ cacunꞌ tumé yuvii̱ do̱ꞌ, me maꞌa̱n nana̱ qui̱j caꞌmi̱i̱ yuvii̱ do̱ꞌ roꞌ, caꞌve̱e tinavi̱j Yaꞌanj cacunꞌ yoꞌ cheꞌé nij yuvii̱ a.

San Marcos 3:29

Tza̱j ne̱ sese caꞌmi̱i̱ ꞌo̱ soꞌ ꞌo̱ nana̱ qui̱j cheꞌé Nimán Yaꞌanj, ne̱ daj chiha̱a̱ míj se̱ navij cacunꞌ yoꞌ xráá soꞌ a̱ maꞌ. Tana̱nj quita̱j cacunꞌ yoꞌ xráá soꞌ nu̱ꞌ cavii nu̱ꞌ caꞌanj na̱nj ado̱nj ―taj Jesús a.

San Marcos 7:21

ꞌO̱ se nihánj me se chiꞌi̱i̱ avii nimán yuvii̱ a. Se nij me rá yuvii̱ do̱ꞌ, yan coto̱j yuvii̱ ga̱ ꞌó yuvii̱ sese né ni̱ca̱ yuvii̱ me do̱ꞌ, yan ticavi̱ꞌ man tuviꞌ do̱ꞌ,

San Lucas 5:21

Ne̱ cuno nij síí fariseo do̱ꞌ, nij síí naquiꞌyaj cu̱u stucua̱nj Moisés do̱ꞌ, nana̱ caꞌmii Jesús, ga̱a ne̱ nuchruj ra̱a̱ nij soꞌ a: “Da̱j si̱j me síí nihánj, ne̱ aꞌmii soꞌ nana̱ qui̱j cheꞌé Yaꞌanj ga̱. O̱rúnꞌ Yaꞌanj uun nucua̱j tinavi̱j cacunꞌ ta̱j xráá yuvii̱ na̱nj á.” Da̱nj guun rá nij soꞌ a.