San Mateo 8:4 - Triqui de San Juan Copala

⁴ Ga̱a ne̱ cataj Jesús rihaan soꞌ a: ―Tu̱mé so̱ꞌ mán so̱ꞌ se̱ cataj xnaꞌanj so̱ꞌ rihaan yuvii̱ cheꞌé se lu̱j quiꞌyáá ꞌu̱nj cheꞌé so̱ꞌ maꞌ. Ma̱an se cuchi̱ꞌ so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj á. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.

San Mateo 8:4 Iomraidhean Croise

San Mateo 10:18

Ne̱ caꞌa̱nj ni̱caj nij yuvii̱ man soj rihaan nij síí nica̱j suun do̱ꞌ, rihaan nij síí nica̱j suun rey do̱ꞌ, cheꞌé se me soj síí noco̱ꞌ manj a. Ne̱ cata̱j xnaꞌanj soj rihaan nij síí nica̱j suun do̱ꞌ, rihaan nij síí yaníj do̱ꞌ, cheꞌej a.

San Mateo 16:20

Ga̱a ne̱ caꞌneꞌ Jesús suun rihaan nij síí tucuꞌyón snana̱ soꞌ se vaa se̱ nataꞌ nij soꞌ rihaan a̱ ꞌó yuvii̱ se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me soꞌ, taj soꞌ a.

San Mateo 17:9

Ga̱a ne̱ ga̱a nanij nij soꞌ tacóó quij yoꞌ me se caꞌneꞌ Jesús suun rihaan nij soꞌ, cataj soꞌ a: ―Se̱ nataꞌ soj rihaan a̱ ꞌó yuvii̱ cheꞌé se vaa queneꞌen soj cuanꞌ maꞌ. Nda̱a quisíj cavíꞌ ꞌu̱nj ne̱ cunuu iꞌna̱ꞌ uún ꞌu̱nj, ga̱a ne̱ caꞌve̱e nata̱ꞌ soj se vaa queneꞌen soj da̱j quiránꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ na̱nj ado̱nj ―taj Jesús rihaan nij soꞌ a.

San Mateo 3:15

Ga̱a ne̱ cataj Jesús rihaan soꞌ a: ―Caꞌve̱j so̱ꞌ cuta̱ꞌ ne so̱ꞌ manj á. Da̱nj quiꞌya̱j ro̱ꞌ, cheꞌé se no̱ xcúún ro̱ꞌ quiꞌya̱j ro̱ꞌ nu̱ꞌ se vaa me rá Yaꞌanj quiꞌya̱j níꞌ ado̱nj ―taj Jesús rihaan Juan a. Ga̱a ne̱ caꞌvej rá Juan, ne̱ cutaꞌ ne soꞌ man Jesús a.

San Mateo 5:17

’Se̱ guun rá soj se vaa caꞌnáꞌ ꞌu̱nj ti̱ríꞌ ꞌu̱nj stucua̱nj Moisés do̱ꞌ, nana̱ caꞌmii natáj nij síí nataꞌ snana̱ Yaꞌanj ga̱a naá do̱ꞌ maꞌ. Tana̱nj caꞌnaj cheꞌé rej navi̱j quisi̱j nu̱ꞌ tucuáán yoꞌ ado̱nj.

San Mateo 6:1

’Ne̱ tu̱mé soj man soj ga̱a ꞌyaj soj se sa̱ꞌ do̱ꞌ, se lu̱j do̱ꞌ á. Se̱ guun rá soj queneꞌe̱n yuvii̱ man soj ne̱ cata̱j nij yuvii̱ cheꞌé soj se vaa síí sa̱ꞌ uxrá me soj maꞌ. Sese da̱nj quiꞌya̱j soj, ne̱ daj chiha̱a̱ míj se̱ quiꞌyaj Rej soj síí nicu̱nꞌ xta̱ꞌ a̱ doj se lu̱j ga̱ soj a̱ maan ado̱nj.

San Mateo 9:30

Veé dan, ne̱ naxraꞌ rihaan ro̱j soꞌ na̱nj ado̱nj. Ga̱a ne̱ caꞌneꞌ Jesús suun rihaan ro̱j soꞌ a: ―Tu̱mé uxrá ro̱j so̱j man ro̱j so̱j, ne̱ a̱ ꞌó yuvii̱ se̱ cuno se vaa quiꞌyáá ꞌu̱nj cheꞌé ro̱j so̱j maꞌ ―taj Jesús a.

San Marcos 13:9

’Ne̱ ta̱dó soj cheꞌé sayuun quira̱nꞌ maꞌa̱n soj na̱nj á. ꞌO̱ se ta̱cuachén nii man soj rihaan nij xꞌneꞌ nij síí ata̱ suun rihaan níꞌ si̱j israelitá, ne̱ ta̱cuachén nii man soj rihaan nij síí ma̱n rá veꞌ tucuꞌyón níꞌ stucua̱nj Moisés, ne̱ ma̱an yoꞌ go̱ꞌ nii cuartá xráá soj a. Ne̱ ta̱cuachén nii man soj canicu̱nꞌ soj rihaan síí nica̱j suun noco̱o do̱ꞌ, rihaan síí nica̱j suun rey do̱ꞌ, cheꞌé se me soj síí noco̱ꞌ manj a. Ne̱ cata̱j xnaꞌanj soj rihaan nij síí nica̱j suun cheꞌej a.

San Marcos 3:12

Ga̱a ne̱ caꞌneꞌ ndoꞌo Jesús suun rihaan nij nana̱ chre̱e se vaa se̱ guun nata̱ꞌ nij soꞌ rihaan nij yuvii̱ cheꞌé soꞌ a.

San Marcos 5:43

Ga̱a ne̱ caꞌneꞌ uxrá Jesús suun rihaan nij soꞌ a: ―A̱ ꞌó yuvii̱ se̱ cataj xnaꞌanj nij soj rihaan da̱j quiꞌyáj cheꞌé chala̱ cunii maꞌ ―taj Jesús a. Ne̱ cataj soꞌ se vaa rque̱ nii se chá cha̱ noꞌ a.

San Marcos 6:11

Ne̱ me rej maꞌa̱n se̱ caꞌmii sa̱ꞌ nij yuvii̱ ga̱ soj do̱ꞌ, se̱ caꞌvej rá nij yuvii̱ cuno̱ nij yuvii̱ nana̱ aꞌmii soj do̱ꞌ, ne̱ asa̱ꞌ cavii soj rej yoꞌ, ne̱ nacuna̱nꞌ soj tacóó soj tucuayu̱u soj yoꞌóó tachru̱u̱ canó tacóó soj á. Ne̱ nda̱a dan, ga̱a ne̱ xca̱j nij síí ma̱n rej yoꞌ cuentá se vaa ya̱ tumé ndoꞌo nij soꞌ cacunꞌ ado̱nj. Cata̱j xnaꞌanj yá yá ꞌu̱nj rihaan soj cuano̱ se vaa doj a̱ quira̱nꞌ nij soꞌ cacunꞌ rihaan nij yuvii̱ ma̱n chumanꞌ Sodoma ga̱ chumanꞌ Gomorra na̱nj ado̱nj ―taj Jesús rihaan chuvi̱j nij soꞌ a.

San Marcos 7:36

Ga̱a ne̱ caꞌneꞌ Jesús suun se vaa se̱ guun cata̱j xnaꞌanj nij soꞌ rihaan a̱ ꞌó yuvii̱ a. Dan me se doj a̱ naꞌvej rá Jesús cata̱j xnaꞌanj nij soꞌ rihaan tuviꞌ nij soꞌ, tza̱j ne̱ doj a̱ nataꞌ nij soꞌ rihaan tuviꞌ nij soꞌ da̱j guun a.

San Marcos 8:30

Ga̱a ne̱ cataj xnaꞌanj Jesús rihaan nij soꞌ se vaa a̱ doj se̱ nataꞌ nij soꞌ rihaan a̱ ꞌó yuvii̱ me síí me soꞌ, taj soꞌ a.

San Marcos 9:9

Ga̱a ne̱ ga̱a nanij nij soꞌ tacóó quij yoꞌ me se caꞌneꞌ Jesús suun rihaan nij soꞌ se vaa se̱ nataꞌ nij soꞌ rihaan a̱ doj yuvii̱ cheꞌé se vaa queneꞌen nij soꞌ a. Nda̱a quisíj caviꞌ soꞌ ne̱ cunuu iꞌna̱ꞌ uún soꞌ, ga̱a ne̱ caꞌve̱e nata̱ꞌ nij soꞌ se vaa queneꞌen nij soꞌ da̱j quiranꞌ soꞌ Si̱j Caꞌnéé Yaꞌanj Ni̱caj Yuꞌunj man Yuvii̱, taj Jesús a.

San Lucas 17:14

Ga̱a ne̱ queneꞌen Jesús man nij soꞌ, ga̱a ne̱ cataj Jesús rihaan nij soꞌ a: ―Cavi̱i̱ soj caꞌa̱nj soj, ne̱ ti̱haa̱n soj man soj rihaan nij xrej á ―taj Jesús rihaan nij soꞌ a. Dan me se cuno nij soꞌ nana̱ caꞌmii Jesús, ne̱ cavii nij soꞌ, caꞌanj nij soꞌ, ne̱ ga̱a va̱j nij soꞌ chrej, ne̱ nahuun sa̱ꞌ cunuda̱nj nij soꞌ a.

San Lucas 21:13

Síj, ga̱a ne̱ quiri̱ꞌ soj cata̱j xnaꞌanj soj rihaan nij soꞌ cheꞌé ꞌu̱nj a.

San Lucas 4:41

Ne̱ queꞌe̱e̱ nij síí ranꞌ roꞌ, curiha̱nj nana̱ chre̱e nimán uún, ne̱ caguáj nij nana̱ chre̱e yoꞌ, ne̱ cataj nij soꞌ se vaa Taꞌníí Yaꞌanj me Jesús a. Tza̱j ne̱ nucua̱j caꞌmii Jesús rihaan nij nana̱ chre̱e, ne̱ ne caꞌve̱j Jesús caꞌmi̱i̱ nij soꞌ nana̱ vaa da̱nj a. ꞌO̱ se queneꞌen nij soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me Jesús a.

San Lucas 5:14

Dan me se caꞌneꞌ Jesús suun rihaan síí nahuun yoꞌ se vaa se̱ cataj xnaꞌanj soꞌ rihaan a̱ ꞌó yuvii̱ cheꞌé se vaa quiranꞌ soꞌ maꞌ. Ga̱a ne̱ cataj uún Jesús rihaan soꞌ a: ―Caꞌa̱nj so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj cheꞌé se nahuún so̱ꞌ ado̱nj. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.

San Lucas 8:56

Dan me se caꞌanj rá ro̱j soꞌ se vaa quiꞌyaj Jesús, ga̱a ne̱ cataj Jesús rihaan ro̱j soꞌ se vaa rihaan a̱ ꞌó yuvii̱ se̱ cataj xnaꞌanj ro̱j ni̱ca̱ ro̱j soꞌ da̱j quiꞌyaj Jesús cheꞌé chala̱ cunii maꞌ.

San Lucas 9:21

Ga̱a ne̱ caꞌneꞌ Jesús suun rihaan nij soꞌ a: ―Se̱ cataj nij soj nana̱ vaa da̱nj rihaan a̱ ꞌó nij yuvii̱ maꞌ ―taj Jesús rihaan nij soꞌ a.

San Juan 5:41

’Taj se ꞌyaj sese naꞌvej rá yuvii̱ caꞌmi̱i̱ yuvii̱ nana̱ sa̱ꞌ cheꞌej maꞌ.

San Juan 7:18

Xa̱ꞌ síí aꞌmii snana̱ maꞌa̱n, tza̱j ne̱ ina̱nj me rá soꞌ caꞌmi̱i̱ sa̱ꞌ yuvii̱ cheꞌé maꞌa̱n soꞌ ado̱nj. Tza̱j ne̱ sese me rá ꞌo̱ soꞌ caꞌmi̱i̱ sa̱ꞌ yuvii̱ cheꞌé síí caꞌnéé man soꞌ, ne̱ ina̱nj nana̱ ya̱ cheꞌé síí caꞌnéé man soꞌ aꞌmii soꞌ, ne̱ ne nanoꞌ soꞌ chrej chiꞌi̱i̱ maꞌ.

San Juan 8:50

Ne nanóꞌ ꞌu̱nj se vaa cata̱j yuvii̱ se vaa si̱j sa̱ꞌ mej maꞌ. Tza̱j ne̱ vaa Yaꞌanj, ne̱ soꞌ me síí me rá cata̱j yuvii̱ se vaa si̱j sa̱ꞌ uxrá mé ꞌu̱nj, ne̱ soꞌ me síí caꞌne̱ꞌ cacunꞌ cheꞌé yuvii̱ ado̱nj.