San Mateo 8:2 - Triqui de San Juan Copala

² Dan me se cuchiꞌ ꞌo̱ síí ranꞌ luj riꞌyuj rihaan Jesús, ne̱ cayáán ru̱j soꞌ rihaan Jesús, ne̱ cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Mateo 8:2 Iomraidhean Croise

San Mateo 10:8

Nahu̱un sa̱ꞌ nij síí ranꞌ, quiꞌya̱j soj, ne̱ cunu̱u iꞌna̱ꞌ uún nij síí caviꞌ, quiꞌya̱j soj, ne̱ nahu̱un sa̱ꞌ nij síí ranꞌ luj riꞌyuj, quiꞌya̱j uún soj, ne̱ quiri̱i̱ soj man nij nana̱ chre̱e nimán nij yuvii̱ á. Cuano̱ nihánj me rque̱ u̱u̱n ꞌu̱nj rej nucua̱j man soj quiꞌya̱j soj da̱nj, ne̱ se̱ caꞌnéj soj saꞌanj man nij yuvii̱ maꞌ.

San Mateo 13:58

Ne̱ do̱j suun sa̱ꞌ noco̱o quiꞌyaj Jesús chiháán soꞌ, cheꞌé se ne cuchuma̱n rá nij síí ma̱n chiháán soꞌ ni̱ꞌyaj nij soꞌ man soꞌ a.

San Mateo 14:33

Ga̱a ne̱ caráj gue̱e̱ nij síí ma̱n rque rihoo rihaan Jesús, ne̱ cataj nij soꞌ a: ―Ya̱ ya̱ Taꞌni̱j Yaꞌanj mé so̱ꞌ ado̱nj ―taj nij soꞌ a.

San Mateo 15:25

Ga̱a ne̱ cuchiꞌ chana̱ yoꞌ rihaan Jesús, ne̱ caꞌanj ca̱yáán ru̱j noꞌ rihaan Jesús, ne̱ cataj noꞌ a: ―Señor, ra̱cuíj so̱ꞌ manj rugua̱nj ―taj noꞌ a.

San Mateo 18:26

Ga̱a ne̱ canicunꞌ ru̱j mozó yoꞌ rihaan síí nica̱j suun rey yoꞌ, ne̱ cachíín niꞌya̱j uxrá soꞌ, cataj soꞌ a: “Cara̱a̱ xꞌnaa uxrá so̱ꞌ do̱j, ne̱ vaa güii narque̱j cunuda̱nj saꞌanj mán so̱ꞌ, señor”, taj se‑mo̱zó soꞌ rihaan soꞌ a.

San Mateo 2:11

Ga̱a ne̱ catúj nij soꞌ rá veꞌ rej canicunꞌ yatiꞌ xta̱ꞌ, ga̱a ne̱ queneꞌen nij soꞌ man neꞌej ga̱ nii neꞌej chana̱ cuꞌna̱j Mariá, ga̱a ne̱ quinij ru̱j nda̱a cayáán cuyu̱u̱ nij soꞌ, ne̱ caráj gue̱e̱ nij soꞌ rihaan neꞌej yoꞌ a. Veé dan, ga̱a ne̱ caꞌnúj nij soꞌ se‑chru̱nj nij soꞌ, ga̱a ne̱ rqué ndoꞌo nij soꞌ rasu̱u̱n sa̱ꞌ tuꞌve̱e̱ ndoꞌo rihaan neꞌej yoꞌ a. Dan me se agaꞌ oró míí do̱ꞌ, squíí cuꞌna̱j “incienso” do̱ꞌ, squíí cuꞌna̱j “mirra” do̱ꞌ, rqué u̱u̱n nij soꞌ rihaan neꞌej yoꞌ a.

San Mateo 20:20

Ga̱a ne̱ cuchiꞌ nii ro̱j síí cuꞌna̱j Jacobo ga̱ Juan rihaan Jesús, ne̱ taꞌníí síí cuꞌna̱j Zebedeo me uún ro̱j soꞌ a. Dan me se cuchiꞌ nij taꞌni̱j noꞌ rihaan Jesús, ga̱a ne̱ canicunꞌ ru̱j noꞌ rihaan Jesús, ne̱ cataj noꞌ se vaa vaa se cachi̱nj niꞌya̱j noꞌ rihaan soꞌ, rá noꞌ a.

San Mateo 26:6

Dan me se yáán Jesús chumanꞌ cuꞌna̱j Betania, ne̱ ya̱nj soꞌ rá ꞌo̱ veꞌ tucuá síí cuꞌna̱j Simón síí quiranꞌ luj riꞌyuj,

San Mateo 28:17

Ga̱a ne̱ queneꞌen nij soꞌ man Jesús, ne̱ caráj gue̱e̱ nij soꞌ rihaan soꞌ, tza̱j ne̱ ne gu̱un ya̱ rá taꞌa̱j nij soꞌ se vaa ya̱ ya̱ Jesús me soꞌ a̱ maꞌ.

San Mateo 28:9

Ne̱ ma̱an orá dan nariꞌ tuviꞌ maꞌa̱n Jesús ga̱ ro̱j chana̱ yoꞌ, ne̱ cataj soꞌ a: ―Rangaꞌ na̱nj á ―taj Jesús rihaan ro̱j noꞌ a. Ga̱a ne̱ cuchiꞌ ro̱j chana̱ yoꞌ rihaan Jesús, ne̱ caꞌanj ca̱yáán ru̱j ro̱j noꞌ rihaan soꞌ, ne̱ taꞌaa ro̱j noꞌ tacóó Jesús, ne̱ caráj gue̱e̱ ro̱j noꞌ rihaan Jesús a.

San Mateo 4:9

Dan me se cataj uún Síí Chre̱e rihaan Jesús a: ―Gu̱un chij so̱ꞌ rihaan cunuda̱nj chumanꞌ noco̱o na̱j rihaan chumii̱, qui̱ꞌyáá ꞌu̱nj, sese ca̱yáán ru̱j so̱ꞌ cara̱a̱ gue̱e̱ so̱ꞌ rihaan ꞌu̱nj á ―taj soꞌ rihaan Jesús a.

San Mateo 8:1

Ga̱a ne̱ nanij Jesús tacaan yoꞌ, ne̱ canocoꞌ ndoꞌo yuvii̱ man soꞌ a.

San Mateo 8:25

Ga̱a ne̱ caꞌanj nij síí tucuꞌyón snana̱ Jesús rej na̱j soꞌ otoj soꞌ, ne̱ narii nij soꞌ nej rihaan soꞌ, ne̱ cataj nij soꞌ a: ―Ti̱nanii so̱ꞌ man níꞌ se̱ caviꞌ nu̱ꞌ níꞌ, maan Señor ―taj nij soꞌ rihaan Jesús a.

San Mateo 9:18

Ga̱a caꞌmii Jesús nana̱ yoꞌ rihaan nij síí tucuꞌyón snana̱ síí cuꞌna̱j Juan, ne̱ cuchiꞌ ꞌo̱ síí nica̱j suun rihaan Jesús, ne̱ cayáán ru̱j soꞌ, cachíín niꞌya̱j soꞌ rihaan Jesús, cataj soꞌ a: ―Tiha̱j caviꞌ taꞌníj chala̱ cunii a. Tza̱j ne̱ qui̱ꞌyáá so̱ꞌ se ndoꞌo, caꞌa̱nj níꞌ, ne̱ cuta̱ꞌ so̱ꞌ raꞌá so̱ꞌ xráá noꞌ, ne̱ cunu̱u iꞌna̱ꞌ uún noꞌ na̱nj rugua̱nj ―taj soꞌ, cachíín niꞌya̱j soꞌ rihaan Jesús a.

San Lucas 4:27

’Ne̱ neꞌen soj se vaa queꞌe̱e̱ yuvii̱ quiranꞌ ndoꞌo luj riꞌyuj cayáán chiháán nij síí israelitá ga̱a cayáán síí cuꞌna̱j Eliseo síí nataꞌ snana̱ Yaꞌanj ga̱a naá a. Tza̱j ne̱ a̱ ꞌó nij soꞌ ne nahu̱un maꞌ. Tana̱nj o̱rúnꞌ síí cuꞌna̱j Naamán síí cavii rej yaníj cuꞌna̱j Siria nahuun, quiꞌyaj Eliseo ado̱nj ―taj Jesús rihaan nij síí ma̱n rá veꞌ tucuꞌyón nii stucua̱nj Moisés veꞌ ya̱nj chiháán Jesús a.

San Juan 9:38

Ga̱a ne̱ cataj soꞌ a: ―Cuano̱ nihánj me se amán raj niꞌya̱j mán so̱ꞌ, Señor ―taj soꞌ a. Ga̱a ne̱ caráj gue̱e̱ soꞌ rihaan Jesús a.

Hechos 10:14

Ga̱a ne̱ cataj Pedró a: ―Señor, se̱ guun maꞌ. ꞌO̱ se né xcu̱u chá me yoꞌ rihaan núj si̱j israelitá maꞌ. Xcuu vaa chiꞌi̱i̱ me nij xoꞌ rihaan núj na̱nj á. ꞌO̱ se nu̱ꞌ caꞌnaꞌ a̱ doj ne cha̱ ꞌu̱nj nee̱ xcuu vaa da̱nj a̱ maꞌ ―taj Pedró a.

Hechos 10:25

Dan me se ga̱a atúj Pedró rá veꞌ, ne̱ nariꞌ tuviꞌ Cornelió ga̱ soꞌ, ne̱ quinij ru̱j Cornelió rihaan Pedró, ne̱ caráj gue̱e̱ Cornelió rihaan soꞌ a.

1 Corintios 14:25

Cuno̱ nij soꞌ nana̱ caꞌmi̱i̱ ta̱ranꞌ soj, ga̱a ne̱ xca̱j nij soꞌ cuentá cheꞌé nu̱ꞌ se chiꞌi̱i̱ ma̱n nimán nij soꞌ, ne̱ caꞌa̱nj ca̱yáán ru̱j nij soꞌ, ga̱a ne̱ cara̱a̱ gue̱e̱ nij soꞌ rihaan Yaꞌanj, ne̱ cata̱j ya̱ nij soꞌ se vaa ya̱ Yaꞌanj nicunꞌ scaꞌnúj soj ado̱nj.

Apocalipsis 19:10

Ga̱a ne̱ cayáán ru̱j ꞌu̱nj rihaan soꞌ cara̱a̱ gue̱e̱ ꞌu̱nj rihaan soꞌ a. Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se ꞌu̱nj roꞌ, me síí nu̱u̱ rihaan Yaꞌanj ga̱ nij tinu̱j nij soj si̱j nataꞌ snana̱ Jesús rihaan yuvii̱ a. Rihaan o̱rúnꞌ Yaꞌanj cara̱a̱ gue̱e̱ so̱ꞌ á. ꞌO̱ se nu̱ꞌ nana̱ caꞌmii nij síí nataꞌ snana̱ Yaꞌanj roꞌ, me nana̱ rqué Nimán Yaꞌanj rihaan nij soꞌ, ne̱ snana̱ Jesús me nana̱ yoꞌ ado̱nj ―taj soꞌ rihanj a.