San Mateo 8:10 - Triqui de San Juan Copala

¹⁰ Dan me se, ga̱a cuno Jesús nana̱ caꞌmii tanuu capitán yoꞌ, ne̱ caráyaꞌa̱nj Jesús, ne̱ cataj soꞌ rihaan nij síí noco̱ꞌ rej xco̱ soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán síí yaníj nihánj a̱ maꞌ.

San Mateo 8:10 Iomraidhean Croise

San Mateo 15:28

Ga̱a ne̱ cataj Jesús a: ―Amán uxrá rá so̱ꞌ niꞌya̱j so̱ꞌ manj, nocoj. Cheꞌé dan qui̱ꞌyáj se vaa achíín so̱ꞌ rihanj na̱nj á ―taj Jesús rihaan noꞌ a. Ne̱ veé ma̱an orá dan nahuun sa̱ꞌ taꞌníí chana̱ yoꞌ a.

San Mateo 8:11

Ne̱ cata̱j xnaꞌanj ꞌu̱nj rihaan soj se vaa asa̱ꞌ guun chij Yaꞌanj roꞌ, caꞌna̱ꞌ ndoꞌo yuvii̱ ma̱n rej síj güii do̱ꞌ, rej ataꞌ güii do̱ꞌ, ne̱ ca̱yáán nij soꞌ rihaan se‑mesa̱ Yaꞌanj, ne̱ cha̱ nij soꞌ ga̱ síí cuꞌna̱j Abraham do̱ꞌ, Isaac do̱ꞌ, Jacob do̱ꞌ ado̱nj.

San Mateo 8:9

ꞌO̱ se vaa síí rii taꞌngaꞌ rihaan ꞌu̱nj, ne̱ rii taꞌngáꞌ ꞌu̱nj rihaan tanuu, ne̱ taj ꞌu̱nj rihaan ꞌo̱ tanuu se vaa caꞌa̱nj soꞌ, ne̱ ꞌanj soꞌ, ne̱ taj ꞌu̱nj rihaan ꞌó soꞌ se vaa caꞌna̱ꞌ soꞌ, ne̱ ꞌnaꞌ soꞌ rihaan ꞌu̱nj, ne̱ taj ꞌu̱nj rihaan se‑mo̱zó ꞌu̱nj da̱j quiꞌya̱j soꞌ, ne̱ veé da̱nj ꞌyaj soꞌ ado̱nj ―taj tanuu capitán yoꞌ rihaan Jesús a.

San Marcos 6:6

Ne̱ caráyaꞌa̱nj ndoꞌo soꞌ se vaa ne cuchuma̱n rá nij síí ma̱n chiháán soꞌ niꞌya̱j nij soꞌ man soꞌ a. Ga̱a ne̱ cavii soꞌ caꞌanj soꞌ nij chumanꞌ na̱j nichru̱nꞌ, tucuꞌyón soꞌ snana̱ soꞌ man nij yuvii̱ a.

San Lucas 5:20

Ga̱a queneꞌen Jesús se vaa cuchumán uxrá rá nij tuvi̱ꞌ síí ranꞌ yoꞌ se vaa caꞌve̱e nahu̱un soꞌ quiꞌya̱j Jesús, ga̱a ne̱ cataj Jesús rihaan síí ranꞌ yoꞌ a: ―Navij cacunꞌ xráá so̱ꞌ, na̱nj tinu̱j ―taj Jesús rihaan soꞌ a.

San Lucas 7:50

Tza̱j ne̱ canica̱j uún Jesús, cataj soꞌ rihaan chana̱ a: ―Nani̱i̱ so̱ꞌ rihaan sayuun, cheꞌé se amán rá so̱ꞌ niꞌya̱j so̱ꞌ manj ado̱nj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á ―taj Jesús rihaan chana̱ yoꞌ a.

San Lucas 7:9

Dan me se ga̱a cuno Jesús nana̱ caꞌmii tuviꞌ tanuu capitán yoꞌ, ne̱ caꞌanj rá Jesús, ne̱ canica̱j soꞌ cataj soꞌ rihaan nij síí noco̱ꞌ rej xco̱ soꞌ a: ―Cuano̱ nihánj me cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán nihánj a̱ maꞌ ―taj Jesús rihaan nij soꞌ a.

Hechos 2:7

Dan me se caráyaꞌa̱nj uxrá nij yuvii̱, ne̱ cataj nij soꞌ a: ―Ni̱ꞌyaj soj á. Xa̱ꞌ nij síí nicu̱nꞌ aꞌmii nihánj, tza̱j ne̱ si̱j cavii estadó Galilea me cunuda̱nj nij soꞌ á.