San Mateo 4:11 - Triqui de San Juan Copala

¹¹ Ga̱a ne̱ tanáj Síí Chre̱e man soꞌ, caꞌanj Síí Chre̱e, ga̱a ne̱ ta̱j niꞌyo̱n cuchiꞌ nij se‑mo̱zó Yaꞌanj rihaan Jesús, rqué nij soꞌ me maꞌa̱n se cachiin rihaan Jesús a.

San Mateo 4:11 Iomraidhean Croise

San Mateo 26:53

Ne̱ ne neꞌén so̱ꞌ se vaa gu̱un nu̱cuáj cachi̱nj ni̱ꞌyáj rihaan Réj, ne̱ caꞌna̱ꞌ ri̱i̱ uxrá se‑mo̱zó Réj rihanj cuano̱ ra̱cuíj nij soꞌ manj a̱ naꞌ.

San Mateo 4:6

ne̱ cataj soꞌ rihaan Jesús a: ―Sese ya̱ Taꞌni̱j Yaꞌanj mé so̱ꞌ, ne̱ güe̱j so̱ꞌ, ne̱ nani̱j gue̱e̱ so̱ꞌ rihaan yoꞌóó á. ꞌO̱ se Danj Yaꞌanj taj a: Caꞌne̱ꞌ Yaꞌanj suun rihaan nij se‑mo̱zó soꞌ se vaa tu̱mé nij soꞌ mán so̱ꞌ, ne̱ ca̱ráán raꞌa nij soꞌ mán so̱ꞌ, se̱ gaa na̱nj cano̱ tacóó so̱ꞌ yahij a, da̱nj taj Danj Yaꞌanj ―taj Síí Chre̱e rihaan Jesús ado̱nj.

San Marcos 1:13

Ne̱ vi̱j chiha̱a̱ ya̱ güii cunuû soꞌ rej tacaan, ne̱ nanoꞌ ndoꞌo Síí Chre̱e da̱j quiꞌya̱j soꞌ quini̱j Jesús rihaan cacunꞌ, tza̱j ne̱ ne quiꞌya̱j canaán Síí Chre̱e maꞌ. Ne̱ cunuû Jesús rej ma̱n xcuu yuva̱a̱, ne̱ tumé nij se‑mo̱zó Yaꞌanj man soꞌ a.

San Lucas 22:43

Ga̱a ne̱ curuviꞌ ꞌo̱ se‑mo̱zó Yaꞌanj cavii rej xta̱ꞌ rihaan soꞌ, ne̱ nariꞌ nucuaj nimán soꞌ, quiꞌyaj se‑mo̱zó Yaꞌanj yoꞌ a.

San Lucas 22:53

ꞌO̱ se da̱j a̱ güii yáán ꞌu̱nj ga̱ nij soj rihaan rej ya̱nj nuvií noco̱o, tza̱j ne̱ ne ta̱ꞌaa soj mán ꞌu̱nj maꞌ. Tza̱j ne̱ cuano̱ nihánj me orá ꞌyaj canaán soj, orá uun chij rej rmi̱ꞌ a ―taj Jesús rihaan nij soꞌ a.

San Lucas 4:13

Da̱nj quiꞌyaj Síí Chre̱e, tza̱j ne̱ ga̱a ne nari̱ꞌ soꞌ se vaa cuno̱ Jesús rihaan soꞌ, ne̱ caꞌneꞌ rá soꞌ do̱j güii ga̱ Jesús a.

San Juan 14:30

Se̱ caꞌmij queꞌe̱e̱ doj nana̱ rihaan soj a̱ maꞌ. ꞌO̱ se da̱j doj caꞌna̱ꞌ Síí Chre̱e síí uun chij rihaan chumii̱ nihánj, ne̱ a̱ doj se̱ caꞌvee gu̱un chij soꞌ rihanj a̱ maꞌ.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

Hebreos 1:6

Ne̱ ꞌó nana̱ taj se vaa, ga̱a nica̱j Yaꞌanj man Taꞌníí soꞌ síí chava̱ꞌ caꞌnaꞌ soꞌ rihaan chumii̱, taj soꞌ a: Cara̱a̱ gue̱e̱ cunuda̱nj nij se‑mo̱zó Yaꞌanj rihaan soꞌ á.