San Mateo 4:10 - Triqui de San Juan Copala

¹⁰ Ga̱a ne̱ cataj xnaꞌanj Jesús rihaan Síí Chre̱e a: ―Naxu̱u̱n yaníj so̱ꞌ mán so̱ꞌ, Síí Chre̱e. ꞌO̱ se Danj Yaꞌanj taj a: “Rihaan Yaꞌanj Si̱j ꞌNi̱j Raꞌa man níꞌ cara̱a̱ gue̱e̱ so̱ꞌ, ne̱ rihaan o̱rúnꞌ soꞌ cu̱nuû so̱ꞌ na̱nj á.” Da̱nj taj Danj Yaꞌanj ado̱nj ―taj Jesús rihaan Síí Chre̱e a.

San Mateo 4:10 Iomraidhean Croise

San Mateo 16:23

Ga̱a ne̱ canica̱j Jesús, ne̱ caꞌmii soꞌ rihaan Pedró a: ―Naxu̱u̱n so̱ꞌ mán so̱ꞌ rihanj á. Naꞌvej raj que̱neꞌenj mán so̱ꞌ maꞌ. ꞌO̱ se ase tuꞌva Síí Chre̱e roꞌ, da̱nj tuꞌvá so̱ꞌ, ne̱ aráán so̱ꞌ chrej rihanj cu̱noj rihaan Yaꞌanj na̱nj á. Da̱nj tuꞌvá so̱ꞌ, cheꞌé se ne acaj so̱ꞌ cuentá da̱j me rá Yaꞌanj ado̱nj. Ma̱an se ina̱nj acaj so̱ꞌ cuentá da̱j me rá yuvii̱ na̱nj ado̱nj ―taj Jesús rihaan Pedró a.

San Marcos 1:13

Ne̱ vi̱j chiha̱a̱ ya̱ güii cunuû soꞌ rej tacaan, ne̱ nanoꞌ ndoꞌo Síí Chre̱e da̱j quiꞌya̱j soꞌ quini̱j Jesús rihaan cacunꞌ, tza̱j ne̱ ne quiꞌya̱j canaán Síí Chre̱e maꞌ. Ne̱ cunuû Jesús rej ma̱n xcuu yuva̱a̱, ne̱ tumé nij se‑mo̱zó Yaꞌanj man soꞌ a.

San Lucas 10:18

Ne̱ cataj Jesús rihaan nij soꞌ a: ―Neꞌen yá ꞌu̱nj cayuu se nucua̱j nica̱j Síí Chre̱e, ne̱ ase uun raa̱n roꞌ, me cayuu se nucua̱j nica̱j Síí Chre̱e ado̱nj.

San Lucas 11:18

Cheꞌé dan me sese racuíj Síí Chre̱e manj rii ꞌu̱nj man tuviꞌ soꞌ nana̱ chre̱e nimán nij yuvii̱, ga̱a ne̱ asa̱ꞌ caꞌve̱e ꞌo̱ gu̱un chij ndoꞌo soꞌ rihaan nij nana̱ chre̱e, rá soj ga̱. Nana̱ nihánj xnáꞌanj ꞌu̱nj man soj cheꞌé se me rá soj cata̱j soj se vaa Síí Chre̱e síí cuꞌna̱j Beelzebú roꞌ, me síí racuíj manj rij man nana̱ chre̱e nimán nij yuvii̱, rá soj vaa na̱nj á.

San Lucas 13:16

Ne̱ nihánj me nicunꞌ chana̱ nihánj, ne̱ taꞌníí taꞌnij siꞌno̱ xi̱i níꞌ síí ma̱n ga̱a naá cuꞌna̱j Abraham me noꞌ a. Ne̱ nihánj me quisíj xnu̱ꞌ vaꞌnu̱j (18) yoꞌ numíj Síí Chre̱e man noꞌ, ne̱ caꞌve̱e se güii naránj rá níꞌ me güii cuanꞌ, tza̱j ne̱ vaa cheꞌé ndoꞌo nache̱ níꞌ man noꞌ raꞌa Síí Chre̱e ado̱nj ―taj Jesús rihaan síí ꞌni̱j raꞌa veꞌ yoꞌ a.

San Lucas 22:3

Dan me se catúj Síí Chre̱e nimán síí cuꞌna̱j Judas Iscariote, ne̱ soꞌ me se ꞌo̱ nij chuvi̱j nij síí tucuꞌyón snana̱ Jesús me soꞌ a.

San Lucas 22:31

Ga̱a ne̱ cataj Jesús rihaan síí cuꞌna̱j Simón Pedró a: ―Cu̱nó so̱ꞌ nana̱ nihánj caꞌmi̱j rihaan so̱ꞌ, Simón. ꞌO̱ se a̱j cachíín niꞌya̱j Síí Chre̱e rihaan Yaꞌanj se vaa caꞌve̱j rá Yaꞌanj quiꞌya̱j soꞌ sayuun man nij soj a. Dan me se ase vaa ꞌyaj nii man ꞌnúú trigó ga̱a tichinꞌ nii ꞌnúú trigó rihaan rcuaa roꞌ, da̱nj quiꞌya̱j Síí Chre̱e man soj, cheꞌé se guun rá soꞌ quiri̱ꞌ soj ado̱nj.

San Lucas 4:8

Ne̱ canica̱j Jesús cataj Jesús rihaan Síí Chre̱e a: ―ꞌO̱ se Danj Yaꞌanj taj nana̱ nihánj a: “Rihaan o̱rúnꞌ Yaꞌanj Si̱j ꞌNi̱j Raꞌa man níꞌ cara̱a̱ gue̱e̱ so̱ꞌ, ne̱ rihaan o̱rúnꞌ soꞌ cu̱nuû so̱ꞌ rihaan ado̱nj.” Da̱nj taj Danj Yaꞌanj ado̱nj ―taj Jesús rihaan Síí Chre̱e yoꞌ a.

San Juan 13:27

Ne̱ ga̱a quisíj taꞌaa Judas rachrúún yoꞌ, ga̱a ne̱ catúj Síí Chre̱e nimán soꞌ a. Cheꞌé dan cataj Jesús rihaan soꞌ a: ―Cavi̱i̱ so̱ꞌ caꞌa̱nj so̱ꞌ cuaj qui̱ꞌyáá so̱ꞌ nda̱a vaa me rá so̱ꞌ á ―taj Jesús rihaan Judas yoꞌ a.

Hechos 26:18

cheꞌé rej naxra̱ꞌ rihaan nij soꞌ ne̱ xca̱j nij soꞌ cuentá qui̱ꞌyáá so̱ꞌ ado̱nj. Ga̱a ne̱ ta̱náj xco̱ nij soꞌ rej rmi̱ꞌ rej uun chij Síí Chre̱e rihaan nij soꞌ, ne̱ ca̱nica̱j nij soꞌ rihaan Yaꞌanj rej ranga̱ꞌ rej gu̱un nucua̱j nij soꞌ xca̱j nij soꞌ cuentá a. Ga̱a ne̱ caꞌve̱e navi̱j nu̱ꞌ cacunꞌ tumé nij soꞌ, ne̱ caꞌve̱e cavi̱i̱ sa̱ꞌ nij soꞌ ga̱ nij síí cunuu sa̱ꞌ nimán rihaan Yaꞌanj, sese cuchuma̱n rá nij soꞌ ni̱ꞌyaj nij soꞌ mán ꞌu̱nj, qui̱ꞌyáá so̱ꞌ á”, taj Síí ꞌNi̱j Raꞌa man níꞌ rihanj a.

Hechos 5:3

Ga̱a ne̱ caꞌmii Pedró rihaan Ananías, cataj soꞌ a: ―Me cheꞌé catúj Síí Chre̱e nimán so̱ꞌ, ne̱ caꞌmii ne̱ so̱ꞌ nda̱a rihaan Nimán Yaꞌanj, ne̱ taꞌaa so̱ꞌ taꞌa̱j saꞌanj quiríꞌ so̱ꞌ ga̱a cutuꞌvéj so̱ꞌ yoꞌóó yoꞌ ga̱.

1 Corintios 5:5

ne̱ taj xnaꞌanj ꞌu̱nj rihaan soj se vaa ta̱cuachén soj man síí tumé cacunꞌ yoꞌ rihaan Síí Chre̱e, ga̱a ne̱ quira̱nꞌ ndoꞌo nee̱ man soꞌ sayuun, quiꞌya̱j Síí Chre̱e, ga̱a ne̱ sese xca̱j sa̱ꞌ soꞌ cuentá, ne̱ asa̱ꞌ caꞌnaꞌ Síí ꞌNi̱j Raꞌa man níꞌ caꞌne̱ꞌ soꞌ cacunꞌ cheꞌé yuvii̱, ga̱a ne̱ nani̱i̱ nimán soꞌ, quiꞌya̱j Síí ꞌNi̱j Raꞌa man níꞌ a.

1 Corintios 7:5

Se̱ guun cata̱j ꞌo̱ soꞌ se vaa naꞌvej rá soꞌ coto̱j soꞌ ga̱ nica̱ soꞌ maꞌ. Tza̱j ne̱ sese ꞌo̱ cuya̱a̱n gu̱un rá ro̱j ni̱ca̱ ro̱j soꞌ se vaa me rá ro̱j soꞌ gu̱un yaníj ro̱j soꞌ rihaan tuviꞌ ro̱j soꞌ cheꞌé yan ꞌo̱ cachi̱nj niꞌya̱j ro̱j soꞌ rihaan Yaꞌanj do̱j güii, ne̱ caꞌve̱e quiꞌya̱j ro̱j soꞌ da̱nj ado̱nj. Dan me se nda̱a quisíj cachíín niꞌya̱j ro̱j soꞌ rihaan Yaꞌanj, ga̱a ne̱ cunu̱u rcuaꞌa̱a̱n uún ro̱j ni̱ca̱ ro̱j soꞌ, coto̱j rcuaꞌa̱a̱n uún ro̱j soꞌ na̱nj ado̱nj. Sese se̱ cuno soj nana̱ nihánj, ne̱ caxri̱i̱ Síí Chre̱e chrej chiꞌi̱i̱ rque soj, cheꞌé se se̱ guun nucua̱j soj gu̱un yaníj soj rihaan nica̱ soj queꞌe̱e̱ güii maꞌ.

2 Corintios 11:14

Tza̱j ne̱ né se cara̱yaꞌa̱nj tihaꞌ níꞌ me yoꞌ maꞌ. ꞌO̱ se maꞌa̱n Síí Chre̱e naquiꞌyaj ino̱ soꞌ man maꞌa̱n soꞌ, nda̱a ase vaa ꞌo̱ se‑mo̱zó Yaꞌanj chuguu̱n ndoꞌo, ne̱ tihaꞌ yuꞌunj soꞌ man yuvii̱ na̱nj ado̱nj.

2 Corintios 12:7

cheꞌé cunuda̱nj nij nana̱ tihaa̱n naca̱ Yaꞌanj rihanj a̱ maꞌ. Dan me se ne caꞌve̱j rá Yaꞌanj caꞌmi̱i̱ xta̱ꞌ ꞌu̱nj maꞌ. Cheꞌé dan caꞌvej Yaꞌanj quiꞌya̱j Síí Chre̱e sayuun man nee̱ manj, cheꞌé rej se̱ guun xta̱ꞌ uxrá nimanj maꞌ.

2 Corintios 2:11

Da̱nj quiꞌya̱j níꞌ, ga̱a ne̱ se̱ gaa na̱nj quiꞌya̱j canaán Síí Chre̱e man níꞌ na̱nj á. ꞌO̱ se a̱j neꞌen níꞌ da̱j me rá soꞌ quiꞌya̱j soꞌ se chiꞌi̱i̱ ga̱ níꞌ ado̱nj.

Santiago 4:7

Cheꞌé dan cuno̱ soj rihaan Yaꞌanj á. Naquiꞌya̱j soꞌo̱ soj xréé soj rihaan Síí Chre̱e, ne̱ cuna̱nj Síí Chre̱e rihaan soj na̱nj ado̱nj.

1 Pedro 5:9

ꞌO̱ xraan canoco̱ꞌ soj man Yaꞌanj, ne̱ daj chiha̱a̱ míj se̱ cuno soj rihaan Síí Chre̱e maꞌ. Xca̱j soj cuentá se vaa ase vaa sayuun ranꞌ soj roꞌ, da̱nj vaa gue̱e̱ sayuun ranꞌ ta̱ranꞌ nij síí noco̱ꞌ man Cristó ma̱n rihaan chumii̱ nihánj chugua̱nj.