San Mateo 15:3 - Triqui de San Juan Copala

³ Ga̱a ne̱ cataj Jesús rihaan nij soꞌ a: ―Xa̱ꞌ maꞌa̱n soj, tza̱j ne̱ me cheꞌé ne uno maꞌa̱n soj stucua̱nj Yaꞌanj ꞌyaj maꞌa̱n tucuáán noco̱ꞌ soj ga̱.

San Mateo 15:3 Iomraidhean Croise

San Mateo 15:2

―Nij síí tucuꞌyón snana̱ so̱ꞌ roꞌ, me cheꞌé ne uno nij soꞌ nana̱ cataj xnaꞌanj nij síí uun chij ma̱n ga̱a naá ga̱. ꞌO̱ se ne naꞌyaꞌ nij soꞌ ga̱a chá nij soꞌ maꞌ ―taj nij soꞌ rihaan Jesús a.

San Mateo 15:4

ꞌO̱ se caꞌneꞌ Yaꞌanj suun a: “Cara̱a̱ co̱chróó so̱ꞌ rihaan réé so̱ꞌ do̱ꞌ, rihaan nií so̱ꞌ do̱ꞌ á.” Ne̱ cataj uún Yaꞌanj a: “Síí aꞌmii chre̱e cheꞌé rej do̱ꞌ, cheꞌé nii do̱ꞌ, me se yu̱u̱n cheꞌe̱ cavi̱ꞌ soꞌ quiꞌya̱j nii á.” Da̱nj vaa nana̱ cataj xnaꞌanj Yaꞌanj rihaan níꞌ ado̱nj.

San Marcos 7:13

Dan me se da̱nj ina̱nj aꞌmii soj ga̱a tucuꞌyón soj snana̱ nij síí ma̱n ga̱a naá, ne̱ axríj yuve̱ soj man snana̱ Yaꞌanj na̱nj ado̱nj ―taj Jesús rihaan nij síí fariseo ga̱ nij síí naquiꞌyaj cu̱u stucua̱nj Moisés a.

Colosenses 2:23

Ne̱ avii raa̱ yuvii̱ uno suun yoꞌ, taj nii, ne̱ sa̱ꞌ uxrá nariꞌ nij soꞌ chrej canoco̱ꞌ nij soꞌ Yaꞌanj, taj nii, ne̱ síí niꞌya̱nj aꞌmii me nij soꞌ, taj nii, tza̱j ne̱ ne ya̱ ya̱ si̱j noco̱ꞌ man Yaꞌanj me nij soꞌ maꞌ. Ma̱an se cheꞌé nana̱ noco̱ꞌ nij soꞌ roꞌ, ꞌyaj ndoꞌo nij soꞌ na̱j guun cacunꞌ me rá nee̱ man nij soꞌ quiꞌya̱j nij soꞌ na̱nj ado̱nj.

Colosenses 2:8

Tu̱mé soj man soj se̱ gaa na̱nj tiha̱ꞌ yuꞌunj yuvii̱ man soj maꞌ. Me rá nij yuvii̱ canoco̱ꞌ soj stucua̱nj nij soꞌ, tza̱j ne̱ nuviꞌ yuꞌvee nó stucua̱nj nij soꞌ rihaan tucuáán sa̱ꞌ noco̱ꞌ níꞌ maꞌ. Ma̱an se tucuáán yoꞌ roꞌ, nana̱ tucuꞌyón na̱nj tuviꞌ nij yuvii̱ rihaan nij yuvii̱ me nana̱ yoꞌ, ne̱ snana̱ nij nana̱ chre̱e ma̱n rihaan chumii̱ nihánj me nana̱ yoꞌ, tza̱j ne̱ né sna̱na̱ Cristó me nana̱ yoꞌ maꞌ.

Tito 1:14

Dan me se da̱nj qui̱ꞌyáá so̱ꞌ, ga̱a ne̱ se̱ gaa na̱nj xca̱j nij soꞌ cuentá cheꞌé nij cuentó u̱u̱n nanó nij yuvii̱ israelitá á. Ne̱ se̱ cuno nij soꞌ suun caꞌneꞌ nij síí naꞌvej rá canoco̱ꞌ tucuáán ya̱ rihaan nij soꞌ maꞌ.