San Mateo 14:3 - Triqui de San Juan Copala

³ Da̱nj caꞌmii Herodes, cheꞌé se ga̱a rque̱ doj, ne̱ soꞌ me síí quiꞌyaj taꞌaa nij tanuu man Juan, ne̱ numíj nij tanuu man Juan, ne̱ caxríj Herodes tagaꞌ man Juan a. Da̱nj quiꞌyaj soꞌ cheꞌé chana̱ cuꞌna̱j Herodías nica̱ tinúú Herodes síí cuꞌna̱j Felipé a.

San Mateo 14:3 Iomraidhean Croise

San Mateo 11:2

Dan me se ꞌni̱j síí cuꞌna̱j Juan Síí Cutaꞌ Ne man yuvii̱ tagaꞌ, ne̱ cuchiꞌ nana̱ rihaan soꞌ cheꞌé nu̱ꞌ se vaa quiꞌyaj Síí Caꞌnéé Yaꞌanj Ti̱nanii man Yuvii̱ rihaan Sayuun a. Cheꞌé dan caꞌnéé soꞌ vi̱j nij síí tucuꞌyón snana̱ soꞌ rihaan Jesús a.

San Mateo 14:6

Dan me se quisíj güii canuû se‑chaꞌa̱nj maꞌa̱n Herodes, ga̱a ne̱ quiraꞌánj ndoꞌo taꞌníí chana̱ cuꞌna̱j Herodías niꞌya̱j cunuda̱nj nij síí caꞌnaꞌ a. Ne̱ guun niha̱ꞌ rá Herodes queneꞌen soꞌ man chana̱ ya̱a̱n raꞌánj,

San Mateo 4:12

Ga̱a cuno Jesús se vaa taꞌaa nij tanuu man síí cuꞌna̱j Juan, caxríj tanuu tagaꞌ man soꞌ, ne̱ caꞌanj Jesús estadó Galilea,

San Marcos 6:14

Dan me se cuchiꞌ nana̱ rihaan rey Herodes cheꞌé nu̱ꞌ se vaa quiꞌyaj Jesús, cheꞌé se nu̱ꞌ cachra̱ꞌ chaꞌnuu̱ ndoꞌo nana̱ cheꞌé Jesús a. ꞌO̱ se cataj taꞌa̱j nij yuvii̱ a: ―Jesús me Juan Síí Cutaꞌ Ne man yuvii̱ se vaa cunuu iꞌna̱ꞌ ya̱ uún soꞌ, ne̱ cheꞌé dan uun nucua̱j soꞌ ꞌyaj soꞌ suun sa̱ꞌ noco̱o yoꞌ na̱nj ado̱nj ―taj taꞌa̱j nij yuvii̱ a.

San Marcos 6:17

ꞌO̱ se maꞌa̱n Herodes me síí caꞌnéé man nij tanuu ta̱ꞌaa nij tanuu man Juan asi̱j rque̱ doj, ne̱ numíj nij tanuu man Juan, ne̱ caxríj Herodes tagaꞌ man Juan cheꞌé chana̱ cuꞌna̱j Herodías nica̱ tinúú Herodes síí cuꞌna̱j Felipé a. ꞌO̱ se xcaj Herodes man chana̱ Herodías yoꞌ,

San Marcos 6:19

Cheꞌé dan nachriꞌ Herodías niꞌya̱j noꞌ man Juan, ne̱ guun ndoꞌo rá noꞌ cavi̱ꞌ Juan, tza̱j ne̱ ne caꞌve̱e maꞌ.

San Marcos 6:22

Ga̱a ne̱ catúj taꞌnij cha̱na̱ Herodías rej anuû chaꞌanj, ne̱ raꞌánj noꞌ, ne̱ guun niha̱ꞌ uxrá rá Herodes ga̱ nij síí caꞌnaꞌ chaꞌanj yoꞌ niꞌya̱j ta̱ranꞌ nij soꞌ man taꞌnij cha̱na̱ Herodías a. Ga̱a ne̱ cataj rey Herodes rihaan chana̱ ya̱a̱n yoꞌ a: ―Cuano̱ nihánj me se a̱ me maꞌa̱n rasu̱u̱n me rá so̱ꞌ cachi̱nj so̱ꞌ rihanj, ne̱ rque̱ ꞌu̱nj mán so̱ꞌ ado̱nj

San Marcos 8:15

Ga̱a ne̱ caꞌneꞌ Jesús suun rihaan nij soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j se‑le̱vadura nij síí fariseo do̱ꞌ, se‑le̱vadura Herodes do̱ꞌ á ―taj Jesús a.

San Lucas 13:1

Güii dan me se mán taꞌa̱j nij yuvii̱, ne̱ nataꞌ nij soꞌ rihaan Jesús cheꞌé da̱j quiranꞌ taꞌa̱j nij síí ma̱n estadó Galilea ga̱a mán nij soꞌ ticaviꞌ nij soꞌ xcuu rihaan Yaꞌanj ga̱a ne̱ curiha̱nj nij tanuu ꞌyaj suun rihaan síí cuꞌna̱j Pilató, ne̱ ticaviꞌ nij tanuu man nij síí ma̱n estadó Galilea yoꞌ a.

San Lucas 13:31

Ne̱ güii dan me se cuchiꞌ do̱j nij síí fariseo rihaan Jesús, ne̱ cataj nij soꞌ a: ―Cu̱riha̱nj so̱ꞌ estadó nihánj caꞌa̱nj so̱ꞌ, cheꞌé se síí nica̱j suun rey cuꞌna̱j Herodes me se me ndoꞌo rá soꞌ ticavi̱ꞌ soꞌ mán so̱ꞌ ado̱nj ―taj nij síí fariseo rihaan Jesús a.

San Lucas 23:11

Ga̱a ne̱ nachriꞌ Herodes do̱ꞌ, nij tanuu nu̱u̱ rihaan soꞌ do̱ꞌ, niꞌya̱j nij soꞌ man Jesús, ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús a. Ga̱a ne̱ naꞌnéé nij soꞌ yatzíj sedá man Jesús quiꞌyaj Herodes, ne̱ veé dan naꞌnéé uún Herodes man soꞌ rihaan Pilató a.

San Lucas 23:7

Ga̱a ne̱ queneꞌen soꞌ se vaa ya̱ cavii Jesús estadó Galilea rej uun chij síí cuꞌna̱j Herodes a. Cheꞌé dan cataj soꞌ se vaa caꞌa̱nj ni̱caj nij soꞌ man Jesús rihaan Herodes a. ꞌO̱ se güii dan me se nuû maꞌa̱n Herodes chumanꞌ Jerusalén a.

San Lucas 3:1

Yoꞌ xnu̱ꞌ cayáán síí cuꞌna̱j Tiberio síí nica̱j suun emperador roꞌ, ma̱an yoꞌ dan me rqué Yaꞌanj snana̱ Yaꞌanj rihaan síí cuꞌna̱j Juan taꞌníí Zacarías ga̱a cachéé soꞌ tacaan a. Veé ma̱an yoꞌ caꞌmii Yaꞌanj rihaan Juan, dan me cayáán síí cuꞌna̱j Poncio Pilató síí nica̱j suun gobernador uun chij rihaan estadó cuꞌna̱j Judea a. Ne̱ veé ma̱an yoꞌ dan cayáán síí cuꞌna̱j Herodes síí nica̱j suun tetrarca uun chij rihaan estadó cuꞌna̱j Galilea, ne̱ cayáán tinúú soꞌ síí cuꞌna̱j Felipé síí nica̱j suun tetrarca uun chij rihaan ro̱j estadó cuꞌna̱j Iturea ga̱ Traconite a. Ne̱ veé ma̱an yoꞌ dan cayáán síí cuꞌna̱j Lisanias síí nica̱j suun tetrarca uun chij rihaan estadó cuꞌna̱j Abilinia, ne̱ cayáán ro̱j síí cuꞌna̱j Anás ga̱ Caifás xrej ata̱ suun noco̱o doj rihaan nij yuvii̱ israelitá a. Ta̱ranꞌ nij soꞌ me síí uun chij ga̱a cuchiꞌ snana̱ Yaꞌanj rihaan Juan ga̱a cachéé soꞌ tacaan a.

San Lucas 8:3

Ne̱ ꞌó noꞌ roꞌ, me níí cuꞌna̱j Juaná, ne̱ nica̱ noꞌ roꞌ, me síí cuꞌna̱j Chuza síí nicu̱nꞌ rihaan síí nica̱j suun rey cuꞌna̱j Herodes a. Ne̱ ꞌó chana̱ caꞌanj ga̱ Jesús roꞌ, me níí cuꞌna̱j Susana a. Ne̱ vaa queꞌe̱e̱ doj nij chana̱ caꞌanj ga̱ nij soꞌ a. Nu̱ꞌ nij chana̱ nihánj roꞌ, me níí racuíj man nij tuvi̱ꞌ Jesús se vaa rqué nij noꞌ rasu̱u̱n siꞌyaj nij noꞌ se vaa cachiin man nij tuvi̱ꞌ Jesús a.

Hechos 12:1

Ma̱an tiempó yoꞌ me se guun rá síí nica̱j suun rey cuꞌna̱j Herodes quiꞌya̱j chiꞌi̱i̱ soꞌ man xꞌneꞌ nij síí noco̱ꞌ man Jesucristó a. Cheꞌé dan caꞌneꞌ soꞌ suun rihaan tanuu ta̱ꞌaa nij tanuu man taꞌa̱j nij soꞌ a.

Hechos 4:27

’Dan me se ya̱ ya̱ cunuu chre̱ꞌ rey cuꞌna̱j Herodes do̱ꞌ, síí cuꞌna̱j Poncio Pilató do̱ꞌ, nij síí yaníj do̱ꞌ, nij yuvii̱ israelitá do̱ꞌ, rque chumanꞌ nihánj, cheꞌé rej quiꞌya̱j nij soꞌ sayuun man Taꞌníí so̱ꞌ síí sa̱ꞌ ina̱nj cuꞌna̱j Jesús, síí cunéꞌ so̱ꞌ man ti̱nanii man núj rihaan sayuun a.