San Mateo 10:8 - Triqui de San Juan Copala

⁸ Nahu̱un sa̱ꞌ nij síí ranꞌ, quiꞌya̱j soj, ne̱ cunu̱u iꞌna̱ꞌ uún nij síí caviꞌ, quiꞌya̱j soj, ne̱ nahu̱un sa̱ꞌ nij síí ranꞌ luj riꞌyuj, quiꞌya̱j uún soj, ne̱ quiri̱i̱ soj man nij nana̱ chre̱e nimán nij yuvii̱ á. Cuano̱ nihánj me rque̱ u̱u̱n ꞌu̱nj rej nucua̱j man soj quiꞌya̱j soj da̱nj, ne̱ se̱ caꞌnéj soj saꞌanj man nij yuvii̱ maꞌ.

San Mateo 10:8 Iomraidhean Croise

San Mateo 10:1

Ga̱a ne̱ canacúún Jesús man chuvi̱j nij síí tucuꞌyón snana̱ soꞌ, ne̱ cuchiꞌ nij soꞌ rihaan soꞌ, ne̱ rqué soꞌ rej nucua̱j man nij soꞌ, ga̱a ne̱ caꞌve̱e quiꞌya̱j canaán nij soꞌ rihaan nij nana̱ chre̱e a. Dan me se gu̱un nucua̱j nij soꞌ quiri̱i̱ nij soꞌ man nij nana̱ chre̱e nimán yuvii̱, ne̱ gu̱un nucua̱j nij soꞌ tinahu̱un nij soꞌ nij yuvii̱ ranꞌ da̱j a̱ chiꞌii̱ a.

San Mateo 10:7

Dan me se caꞌa̱nj soj, ne̱ caꞌmi̱i̱ natáj soj rihaan nij soꞌ, cata̱j soj a: “Nichrunꞌ se vaa gu̱un chij Yaꞌanj rihaan chumii̱ nihánj ado̱nj.” Da̱nj cata̱j soj á.

San Mateo 10:9

’Se̱ nanoꞌ soj agaꞌ oró míí do̱ꞌ, agaꞌ platá catzi̱i̱ do̱ꞌ, na̱j guun saꞌanj do̱ꞌ, cara̱a soj rque se‑ca̱xra̱nꞌ soj a̱ maꞌ.

San Marcos 16:18

Ne̱ maꞌa̱n raꞌa nij soꞌ ta̱ꞌaa nij soꞌ xcuáá yuva̱a̱, ne̱ caꞌve̱e se coꞌo̱ nij soꞌ se xna̱j, tza̱j ne̱ a̱ doj se̱ quiranꞌ nij soꞌ chiꞌii̱ maꞌ. Ne̱ cuta̱ꞌ raꞌa nij soꞌ xráá síí ranꞌ, ne̱ nahu̱un sa̱ꞌ nij síí ranꞌ yoꞌ a ―taj Jesús rihaan xa̱a̱n nij síí tucuꞌyón snana̱ soꞌ a.

San Lucas 10:9

Caꞌne̱e̱ soj chiꞌii̱ xráá nij síí ranꞌ ma̱n chumanꞌ yoꞌ, ne̱ caꞌmi̱i̱ natáj soj rihaan yuvii̱ se vaa a̱j nichrunꞌ se vaa gu̱un chij Yaꞌanj scaꞌnúj nij soꞌ a.

Hechos 3:6

Ga̱a ne̱ cataj Pedró rihaan soꞌ a: ―Taj va̱j a̱ doj saꞌanj rihaan ꞌu̱nj maꞌ. Tza̱j ne̱ rque̱ ꞌu̱nj se vaa rihaan ꞌu̱nj mán so̱ꞌ ado̱nj. Dan me se cheꞌé se‑chuvi̱i Jesucristó síí cavii chumanꞌ Nazaret taj xnaꞌanj ꞌu̱nj rihaan so̱ꞌ se vaa na̱xuma̱a̱n so̱ꞌ ne̱ cache̱e̱ so̱ꞌ á ―taj Pedró rihaan soꞌ a.

Hechos 4:30

Tu̱cuá so̱ꞌ raꞌá so̱ꞌ, ne̱ qui̱ꞌyáá so̱ꞌ se vaa nahu̱un sa̱ꞌ yuvii̱ do̱ꞌ, qui̱ꞌyáá so̱ꞌ da̱j a̱ suun sa̱ꞌ noco̱o do̱ꞌ, cheꞌé se‑chuvi̱i Taꞌníí so̱ꞌ Jesús síí sa̱ꞌ ina̱nj á ―taj ta̱ranꞌ nij soꞌ, cachíín niꞌya̱j nij soꞌ rihaan Yaꞌanj a.