San Mateo 10:5 - Triqui de San Juan Copala

⁵ Dan me se caꞌnéé Jesús man chuvi̱j nij snóꞌo yoꞌ, ne̱ cataj xnaꞌanj soꞌ rihaan nij soꞌ da̱j quiꞌya̱j nij soꞌ a: ―Se̱ caꞌanj nij soj rej ma̱n nij síí yaníj maꞌ. Se̱ caꞌanj soj chiháán nij yuvii̱ samaritano maꞌ.

San Mateo 10:5 Iomraidhean Croise

San Mateo 22:3

Ne̱ vaa yuvii̱ navi̱j rá chaꞌanj ga̱ soꞌ, ne̱ caꞌnéé soꞌ se‑mo̱zó soꞌ caꞌa̱nj nij soꞌ rihaan nij yuvii̱, cata̱j xnaꞌanj se‑mo̱zó soꞌ rihaan nij yuvii̱ se vaa caꞌna̱ꞌ nij soꞌ tucuá soꞌ navi̱j rá nij soꞌ chaꞌanj naraꞌa̱a yoꞌ, tza̱j ne̱ ne caꞌve̱j nij yuvii̱ yoꞌ caꞌna̱ꞌ nij soꞌ tucuá síí nica̱j suun rey maꞌ.

San Mateo 4:15

Toꞌóó xꞌneꞌ Zabulón do̱ꞌ, toꞌóó xꞌneꞌ Neftalí do̱ꞌ, rej tuꞌva laguaná, rej rne̱j chráá Jordán, yoꞌóó Galilea, rej ya̱nj nij síí yaníj roꞌ,

San Marcos 6:7

Ga̱a ne̱ canacúún Jesús man chuvi̱j nij síí tucuꞌyón snana̱ soꞌ, ga̱a ne̱ guun cheꞌe̱ soꞌ caꞌnéé soꞌ man vi̱j vi̱j nij soꞌ, ne̱ rqué soꞌ se nucua̱j man nij soꞌ, ga̱a ne̱ caꞌve̱e quiꞌya̱j canaán nij soꞌ rihaan nij nana̱ chre̱e a.

San Lucas 10:1

Cachén doj, ga̱a ne̱ narii Jesús man ꞌó vaꞌnu̱j chiha̱a̱ chuvi̱j (72) snóꞌo, ne̱ caꞌnéé soꞌ man vi̱j vi̱j nij soꞌ quita̱j ya̱a̱n nij soꞌ rihaan Jesús caꞌa̱nj nij soꞌ da̱j a̱ chumanꞌ ga̱ da̱j a̱ rej cache̱n Jesús,

San Lucas 10:33

’Ga̱a ne̱ caꞌnaꞌ ꞌo̱ síí avii rej Samaria uún a. Né si̱j israelitá me soꞌ maꞌ; si̱j yaníj me soꞌ a. Queneꞌen soꞌ man síí quiranꞌ chiꞌii̱ yoꞌ, ga̱a ne̱ cunuu ꞌe̱e̱ rá soꞌ man síí yoꞌ a.

San Lucas 17:16

Ne̱ ga̱a cuchiꞌ soꞌ rihaan Jesús, ga̱a ne̱ caꞌanj ca̱yáán ru̱j soꞌ nda̱a canó rihaan soꞌ rihaan yoꞌóó, ne̱ cataj soꞌ guun niꞌya̱j níꞌ rihaan Jesús a. Ne̱ síí avii rej Samaria síí yaníj ga̱ nij yuvii̱ israelitá me soꞌ a.

San Lucas 9:1

Dan me se canacúún Jesús man chuvi̱j nij síí tucuꞌyón snana̱ soꞌ, ne̱ cunuu chre̱ꞌ nij soꞌ, ne̱ rqué soꞌ se nucua̱j man nij soꞌ, ga̱a ne̱ caꞌve̱e quiꞌya̱j canaán nij soꞌ rihaan me maꞌa̱n nana̱ chre̱e do̱ꞌ, caꞌve̱e caꞌne̱e̱ nij soꞌ chiꞌii̱ xráá síí ranꞌ do̱ꞌ a.

San Lucas 9:2

Ga̱a ne̱ caꞌnéé soꞌ man nij soꞌ caꞌa̱nj caꞌmi̱i̱ natáj nij soꞌ cheꞌé da̱j vaa uun chij Yaꞌanj, ne caꞌne̱e̱ nij soꞌ chiꞌii̱ xráá nij síí ranꞌ do̱ꞌ a.

San Juan 17:18

’Dan me se caꞌnéé ꞌu̱nj man nij soꞌ rihaan chumii̱ nihánj, nda̱a vaa caꞌnéé so̱ꞌ man ma̱ꞌanj rihaan chumii̱ nihánj a.

San Juan 20:21

Dan me se caꞌmii uún Jesús rihaan nij soꞌ, cataj soꞌ a: ―Ga̱a̱ dínj nimán soj á. Ase vaa caꞌnéé Réj manj roꞌ, da̱nj ga̱a̱ caꞌne̱j ꞌu̱nj man soj ado̱nj ―taj Jesús rihaan nij soꞌ a.

San Juan 4:20

Dan me se xi̱i núj roꞌ, aráj gue̱e̱ nij soꞌ rihaan Yaꞌanj xráá quij nihánj, tza̱j ne̱ soj si̱j israelitá taj se vaa o̱rúnꞌ chumanꞌ Jerusalén me rej no̱ xcúún níꞌ cara̱a̱ gue̱e̱ níꞌ rihaan Yaꞌanj, taj soj ado̱nj ―taj chana̱ yoꞌ rihaan Jesús a.

San Juan 4:5

Ne̱ cuchiꞌ soꞌ tuꞌva ꞌo̱ chumanꞌ na̱j estadó Samaria, ne̱ Sicar cuꞌna̱j chumanꞌ yoꞌ a. Dan me se nichru̱nꞌ naj chumanꞌ yoꞌ tuꞌva yoꞌóó rqué síí cuꞌna̱j Jacob rihaan taꞌníí soꞌ síí cuꞌna̱j José ga̱a naá a.

San Juan 4:9

Veé dan, ne̱ cataj chana̱ samaritana yoꞌ rihaan Jesús a: ―Me cheꞌé cachíín so̱ꞌ na rihanj, coꞌo̱ so̱ꞌ, ne̱ ni̱ꞌyaj so̱ꞌ, ne̱ si̱j israelitá mé so̱ꞌ, ne̱ chana̱ samaritana mej ga̱ ―taj chana̱ yoꞌ, xnáꞌanj noꞌ man Jesús a. ꞌO̱ se ne aꞌmii sa̱ꞌ nij síí israelitá ga̱ nij síí samaritano maꞌ.

San Juan 7:35

Cheꞌé dan nij síí uun chij rihaan nij yuvii̱ israelitá cataj rihaan tuviꞌ nij soꞌ a: ―Me rej caꞌa̱nj síí nihánj, ne̱ se̱ nariꞌ níꞌ man soꞌ ga̱. Caꞌa̱nj soꞌ rihaan tuviꞌ níꞌ síí ya̱nj chiháán nij síí aꞌmii xnaꞌánj griego naꞌ. Tu̱cuꞌyón soꞌ snana̱ soꞌ rihaan nij síí aꞌmii xnaꞌánj griego naꞌ.

San Juan 8:48

Ga̱a ne̱ cataj nij síí uun chij rihaan nij yuvii̱ israelitá a: ―Ya̱ uxrá vaa nana̱ caꞌmii núj se vaa né tuvi̱ꞌ núj mé so̱ꞌ a̱ maꞌ. ꞌO̱ se síí cavii estadó Samaria mé so̱ꞌ chugua̱nj. Nu̱u̱ nana̱ chre̱e nimán so̱ꞌ ado̱nj ―taj nij soꞌ rihaan Jesús a.

Hechos 1:8

Tza̱j ne̱ asa̱ꞌ nanij Nimán Yaꞌanj catu̱u̱ soꞌ nimán soj, ne̱ quiri̱ꞌ ndoꞌo soj rej nucua̱j, ga̱a ne̱ gu̱un soj síí nata̱ꞌ snana̱j rihaan yuvii̱ ado̱nj. Dan me se chumanꞌ Jerusalén do̱ꞌ, nu̱ꞌ estadó Judea do̱ꞌ, nda̱a chumanꞌ Samaria do̱ꞌ, caꞌve̱e se nda̱a chumanꞌ ga̱nꞌ doj na̱j rihaan chumii̱ nihánj, tza̱j ne̱ caꞌa̱nj soj nata̱ꞌ soj snana̱j ado̱nj ―taj Jesús rihaan nij soꞌ a.

Hechos 10:45

Ga̱a ne̱ nij síí israelitá noco̱ꞌ man Jesús caꞌnaꞌ ga̱ Pedró roꞌ, caráyaꞌa̱nj nij soꞌ se vaa quiꞌyaj Yaꞌanj se lu̱j cheꞌé nij yuvii̱ yaníj ne̱ nda̱a nimán nij yuvii̱ yaníj rqué ndoꞌo Yaꞌanj Nimán soꞌ a.

Hechos 8:1

Ne̱ síí cuꞌna̱j Saulo yoꞌ roꞌ, cuna̱j quiranꞌ Esteban rá soꞌ a. Ne̱ güii dan me se guun cheꞌe̱ nii quiꞌyaj ndoꞌo nii sayuun man xꞌneꞌ nij síí noco̱ꞌ man Jesús síí ma̱n chumanꞌ Jerusalén a. Dan me se cunánj nij soꞌ chumanꞌ Jerusalén, ne̱ chaꞌnuu̱ nij soꞌ nu̱ꞌ estadó Judea do̱ꞌ, estadó cuꞌna̱j Samaria do̱ꞌ a. Tza̱j ne̱ o̱rúnꞌ maꞌa̱n nij síí cuneꞌ Jesús caꞌa̱nj nata̱ꞌ snana̱ soꞌ roꞌ, me nij síí ꞌo̱ quináj chumanꞌ Jerusalén a.

1 Tesalonicenses 2:16

Dan me se me rá núj nata̱ꞌ núj snana̱ Yaꞌanj rihaan soj si̱j yaníj cheꞌé yan nani̱i̱ soj rihaan chrej chiꞌi̱i̱ do̱ꞌ, rihaan sayuun do̱ꞌ a. Tza̱j ne̱ aráán ndoꞌo nij síí israelitá yoꞌ chrej rihaan núj, ne̱ guun noco̱o uxrá cacunꞌ quita̱j xráá nij soꞌ nu̱ꞌ cavii nu̱ꞌ caꞌanj ado̱nj. Cheꞌé dan ꞌo̱ caꞌmaan rá Yaꞌanj niꞌya̱j Yaꞌanj man nij soꞌ, ne̱ yu̱u̱n cheꞌe̱ quiranꞌ nij soꞌ sayuun, quiꞌyaj Yaꞌanj na̱nj ado̱nj.