San Mateo 10:16 - Triqui de San Juan Copala

¹⁶ ’Ni̱ꞌyaj soj á. Caꞌne̱j ꞌu̱nj man soj rej ma̱n síí me rá quiꞌya̱j sayuun man soj a. Ase vaa matzinj va̱j rej ma̱n xcaꞌyanj caꞌnu̱ꞌ roꞌ, da̱nj ga̱a̱ soj ado̱nj. Cheꞌé dan ga̱a̱ cu̱u raa̱ soj á. Ase cui̱j raa̱ xcuáá roꞌ, da̱nj cui̱j ga̱a̱ raa̱ soj á. Tza̱j ne̱ ase vaa taj va̱j cacunꞌ tumé chaꞌaa̱n roꞌ, da̱nj ga̱a̱ soj, se̱ tumé soj cacunꞌ maꞌ.

San Mateo 10:16 Iomraidhean Croise

San Mateo 24:25

Nihánj me se cataj xnaꞌanj ꞌu̱nj rihaan soj da̱j gu̱un rihaan chumii̱ nihánj na̱nj á.

San Mateo 24:45

’Cheꞌé dan me sese cuneꞌ síí tucua̱ ꞌo̱ veꞌ man ꞌo̱ se‑mo̱zó soꞌ se vaa tu̱mé mozó yoꞌ man tuviꞌ mozó rque̱ soꞌ se chá rihaan nij soꞌ orá chá nij soꞌ, ne̱ da̱j quiꞌya̱j mozó yoꞌ, rá soj ga̱. Sese ya̱ ya̱ si̱j veꞌé ꞌyaj suun me soꞌ do̱ꞌ, sese ya̱ ya̱ si̱j avii raa̱ me soꞌ do̱ꞌ, ne̱ da̱j quiꞌya̱j soꞌ, rá soj ga̱.

San Mateo 25:2

Dan me se ꞌu̱nꞌ nij chana̱ ya̱a̱n yoꞌ roꞌ, me chana̱ niꞌyo̱n, ne̱ yuꞌunꞌ nij chana̱ ya̱a̱n yoꞌ roꞌ, me chana̱ acaj cuentá a.

San Mateo 25:4

Ne̱ nij chana̱ acaj cuentá roꞌ, nica̱j nij noꞌ saga̱ꞌ nij noꞌ agaꞌ yaꞌan do̱ꞌ, agaꞌ nu̱u̱ casté acaa do̱ꞌ a.

San Mateo 25:9

Ga̱a ne̱ nij tuviꞌ noꞌ chana̱ acaj cuentá me se cataj a: “Ma̱an se se̱ quisíj casté acaa caca̱a̱ rihaan ta̱ranꞌ níꞌ maꞌ. Caꞌa̱nj soj rej aneꞌ casté acaa, ne̱ quira̱a̱n soj man yoꞌ á”, taj nij chana̱ acaj cuentá yoꞌ rihaan nij chana̱ niꞌyo̱n a.

San Lucas 10:3

Ni̱ꞌyaj soj á. Caꞌne̱j ꞌu̱nj man soj caꞌmi̱i̱ natáj soj rihaan nij yuvii̱, tza̱j ne̱ xca̱j soj cuentá se vaa ase vaa matzinj va̱j rej ma̱n xcaꞌyanj caꞌnu̱ꞌ roꞌ, da̱nj ga̱a̱ soj chugua̱nj.

San Lucas 21:15

ꞌO̱ se ma̱ꞌanj me síí rque̱ nana̱ cu̱u cavi̱i̱ tuꞌva soj na̱nj á. Ne̱ taj síí gu̱un nucua̱j quiꞌya̱j canaán rihaan snana̱ soj maꞌ.

Hechos 20:29

Dan me se neꞌenj se vaa asa̱ꞌ caꞌanj ꞌu̱nj, ne̱ catu̱u̱ síí chiꞌi̱i̱ scaꞌnúj soj, ne̱ ase vaa xcaꞌyanj caꞌnu̱ꞌ yuva̱a̱ roꞌ, da̱nj ga̱a̱ nij síí chiꞌi̱i̱ yoꞌ ado̱nj. Ne̱ se̱ caráj xꞌnaa nij soꞌ man nij tinúú níꞌ nij síí noco̱ꞌ man Jesucristó maꞌ.

1 Corintios 14:20

Ga̱a̱ sca̱ꞌ raa̱ nij soj, tinu̱j, nocoj. Se̱ gaa raa̱ soj ase vaa raa̱ ꞌo̱ xnii maꞌ. Dan me se ase vaa neꞌej ataa nari̱ꞌ quiꞌya̱j cacunꞌ roꞌ, da̱nj ga̱a̱ soj, tza̱j ne̱ ga̱a̱ sca̱ꞌ raa̱ soj á.

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.

2 Corintios 11:14

Tza̱j ne̱ né se cara̱yaꞌa̱nj tihaꞌ níꞌ me yoꞌ maꞌ. ꞌO̱ se maꞌa̱n Síí Chre̱e naquiꞌyaj ino̱ soꞌ man maꞌa̱n soꞌ, nda̱a ase vaa ꞌo̱ se‑mo̱zó Yaꞌanj chuguu̱n ndoꞌo, ne̱ tihaꞌ yuꞌunj soꞌ man yuvii̱ na̱nj ado̱nj.

2 Corintios 11:3

Tza̱j ne̱ chuꞌvíꞌ ꞌu̱nj se vaa ase vaa tihaꞌ yuꞌunj xcuáá man chana̱ cuꞌna̱j Eva ga̱a naá roꞌ, da̱nj ga̱a̱ tiha̱ꞌ yuꞌunj nii man soj, ne̱ se̱ guun nucua̱j soj xca̱j sa̱ꞌ soj cuentá, ga̱a ne̱ ta̱náj xco̱ soj man nana̱ sa̱ꞌ nariꞌ soj ga̱a canocoꞌ soj man Cristó, raj na̱nj ado̱nj.

2 Corintios 8:20

Tza̱j ne̱ naꞌvej rá núj cata̱j yuvii̱ se vaa caxríj yuve̱ núj taꞌa̱j saꞌanj noco̱o yoꞌ maꞌ.

Filipenses 2:15

Ne̱ gu̱un soj síí sa̱ꞌ, ne̱ taj cacunꞌ tu̱mé soj rihaan Yaꞌanj maꞌ. Ne̱ nda̱ꞌ se chéé soj ga̱ yuvii̱ vaa qui̱j nimán ma̱n rihaan chumii̱ nihánj cuano̱, tza̱j ne̱ veꞌé cuno̱ soj rihaan Yaꞌanj, ne̱ ꞌo̱ ya̱ gu̱un taꞌni̱j Yaꞌanj man soj chugua̱nj. Dan me se ase vaa veꞌé ndoꞌo vaa chuguu̱n nij yatiꞌ rej xta̱ꞌ roꞌ, da̱nj veꞌé uxrá curuvi̱ꞌ soj scaꞌnúj nij yuvii̱ ma̱n rihaan chumii̱ nihánj, ne̱

Colosenses 1:9

Cheꞌé dan asi̱j cuno núj nana̱ cataj soꞌ rihaan núj, ne̱ niga̱nj achíín niꞌya̱j núj rihaan Yaꞌanj cheꞌé soj se vaa rque̱ Nimán Yaꞌanj nana̱ sa̱ꞌ cu̱u nimán soj, ne̱ xca̱j soj cuentá da̱j me rá Yaꞌanj quiꞌya̱j soj,

Colosenses 4:5

Asa̱ꞌ chéé soj ga̱ nij síí ataa cuchuma̱n rá ni̱ꞌyaj man Cristó, ne̱ sa̱ꞌ nuchru̱j ra̱a̱ soj da̱j caꞌmi̱i̱ soj ga̱ nij soꞌ, ne̱ se̱ quiriꞌ u̱u̱n tiempó quiꞌya̱j soj ga̱ nij soꞌ maꞌ.

1 Tesalonicenses 2:10

Queneꞌen maꞌa̱n soj do̱ꞌ, queneꞌen Yaꞌanj do̱ꞌ, se vaa si̱j sa̱ꞌ nimán do̱ꞌ, si̱j nica̱ nimán do̱ꞌ, si̱j ne quiꞌya̱j cacunꞌ do̱ꞌ, me núj rihaan soj si̱j amán rá niꞌya̱j man Yaꞌanj ado̱nj.

1 Tesalonicenses 5:22

Ne̱ se̱ caꞌvej rá soj quiꞌya̱j soj da̱j a̱ se nij maꞌ.