San Mateo 10:11 - Triqui de San Juan Copala

¹¹ ’Asa̱ꞌ catúj soj chumanꞌ noco̱o do̱ꞌ, chumanꞌ raꞌa̱ do̱ꞌ, ne̱ xna̱ꞌanj soj man nij yuvii̱ me síí ya̱nj chumanꞌ yoꞌ me síí niꞌya̱nj nimán, ga̱a ne̱ cuchi̱ꞌ soj tucuá síí yoꞌ, ne̱ cara̱nꞌ soj tucuá soꞌ nda̱a se cavi̱i̱ uún soj caꞌa̱nj soj á.

San Mateo 10:11 Iomraidhean Croise

San Mateo 10:10

Se̱ nica̱j soj xnánj soj maꞌ. Se̱ nica̱j soj ꞌó cotoó do̱ꞌ, canj do̱ꞌ maꞌ. Ne̱ chruun garroté se̱ coro̱ꞌ soj cache̱e̱ soj maꞌ. Ma̱an se ga̱a̱ u̱u̱n soj caꞌa̱nj soj á. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj na̱nj ado̱nj.

San Mateo 10:12

Asa̱ꞌ cuchiꞌ soj tucuá síí niꞌya̱nj nimán yoꞌ, ne̱ veꞌé caꞌmi̱i̱ soj nana̱ sa̱ꞌ rihaan nij síí tucua̱ yoꞌ, cata̱j soj se vaa ga̱a̱ xe̱j nimán nij soꞌ á.

San Marcos 6:10

Ne̱ cataj uún Jesús rihaan nij soꞌ a: ―Me maꞌa̱n veꞌ cara̱nꞌ soj, ne̱ ꞌo̱ ca̱yáán soj veꞌ yoꞌ nda̱a se cu̱riha̱nj soj chumanꞌ yoꞌ á.

San Lucas 19:7

Dan me se cuno nij yuvii̱ da̱j cataj Jesús, ga̱a ne̱ nij caꞌmii nij yuvii̱ niꞌya̱j nij soꞌ man Jesús, cataj nij soꞌ a: ―Nihánj me se aranꞌ soꞌ tucuá ꞌo̱ síí tumé ndoꞌo cacunꞌ ado̱nj ―taj nij yuvii̱ niꞌya̱j nij soꞌ man Jesús a.

San Lucas 9:4

Ne̱ me maꞌa̱n veꞌ cuchi̱ꞌ soj ne̱ caꞌvej ꞌo̱ soꞌ cara̱nꞌ soj roꞌ, ne̱ veé veꞌ yoꞌ ꞌo̱ cara̱nꞌ soj nda̱a se cu̱riha̱nj soj chumanꞌ yoꞌ á.

Hechos 16:15

Ga̱a ne̱ cataꞌ ne nij tucua̱ noꞌ a. Ga̱a ne̱ canacúún noꞌ man núj, cataj noꞌ a: ―Sese ꞌu̱nj me chana̱ amán ya̱ rá niꞌya̱j man Jesucristó Si̱j ꞌNi̱j Raꞌa man níꞌ, rá nij soj, ne̱ cara̱nꞌ soj veꞌ tucuaj do̱j güii á ―taj chana̱ Lidia rihaan núj a. Ne̱ rquee̱ ndoꞌo noꞌ man núj, ne̱ caranꞌ núj veꞌ tucuá noꞌ a.