San Mateo 1:25 - Triqui de San Juan Copala

²⁵ Tza̱j ne̱ ne coto̱j soꞌ ga̱ noꞌ nda̱a se quisíj cuchruj noꞌ neꞌej sno̱ꞌo a. Ne̱ tucuꞌnáj José JESÚS man neꞌej ado̱nj.

San Mateo 1:25 Iomraidhean Croise

San Mateo 1:21

Dan me se cuchru̱j noꞌ neꞌej sno̱ꞌo, ne̱ JESÚS tu̱cuꞌnáj so̱ꞌ man neꞌej yoꞌ á. Da̱nj tu̱cuꞌnáj soj man soꞌ, cheꞌé se ti̱nanii soꞌ man nij tuviꞌ soꞌ rihaan cacunꞌ tumé nij soꞌ ado̱nj ―da̱nj cataj se‑mo̱zó Síí ꞌNi̱j Raꞌa man níꞌ rihaan José a.

San Mateo 1:24

Veé dan, ne̱ nanuû rá José, ne̱ quiꞌyaj soꞌ nu̱ꞌ suun caꞌneꞌ se‑mo̱zó Yaꞌanj Si̱j ꞌNi̱j Raꞌa man níꞌ rihaan soꞌ, ne̱ xcaj soꞌ man chana̱ cuꞌna̱j Mariá a.

San Lucas 1:31

Nari̱ꞌ so̱ꞌ neꞌej, ne̱ cuchru̱j so̱ꞌ ꞌo̱ neꞌej sno̱ꞌo ado̱nj. JESÚS tu̱cuꞌnáj so̱ꞌ man soꞌ á.

San Lucas 2:21

Cachén ꞌo̱ tu̱nj güii ga̱a ne̱ cutaꞌ nii taꞌngaꞌ nee̱ man neꞌej, ne̱ JESÚS cuꞌna̱j neꞌej, quiꞌyaj nii, nda̱a vaa cataj xnaꞌanj se‑mo̱zó Yaꞌanj ga̱a ataa nayo̱n soꞌ rque Mariá a.

San Lucas 2:7

Taj yan vaa yaꞌnúj cara̱nꞌ ro̱j soꞌ caꞌnga̱a̱ neꞌej a̱ maꞌ. Dan me se da̱j doj rej ma̱n scúj vaa yaꞌnúj cara̱nꞌ ro̱j soꞌ a. Ne̱ cuchruj noꞌ neꞌej sno̱ꞌo taꞌníí noꞌ síí chava̱ꞌ a. Quiꞌyaj yanu̱ꞌ noꞌ man neꞌej, ne̱ caꞌnéé noꞌ man neꞌej rá rihoo yan nu̱u̱ coꞌyo̱o̱ chá scúj a.

Romanos 8:29

Ga̱a naá me se queneꞌen Yaꞌanj se vaa canoco̱ꞌ níꞌ man soꞌ vaa güii, ga̱a ne̱ ꞌo̱ guun rá Yaꞌanj se vaa naquiꞌya̱j sa̱ꞌ Yaꞌanj nimán níꞌ a. Ne̱ ase vaa Taꞌníí Yaꞌanj síí cuꞌna̱j Jesucristó roꞌ, da̱nj ga̱a̱ níꞌ uún, ne̱ vaa güii cuma̱n ndoꞌo tinúú Jesucristó do̱ꞌ, raꞌvij Jesucristó do̱ꞌ, ne̱ soꞌ gu̱un síí chava̱ꞌ rihaan cunuda̱nj níꞌ a.