San Mateo 1:2 - Triqui de San Juan Copala

² Dan me se síí cuꞌna̱j Abraham me rej síí cuꞌna̱j Isaac, ne̱ Isaac me rej síí cuꞌna̱j Jacob, ne̱ Jacob me rej nij tinu̱j síí cuꞌna̱j Judá,

San Mateo 1:2 Iomraidhean Croise

San Mateo 1:1

Yanj nihánj me taj xnaꞌanj cheꞌé nij xi̱i Jesús Si̱j Caꞌnéé Yaꞌanj Ti̱nanii man Yuvii̱ rihaan Sayuun a. Veé xi̱i Jesús me rey cuꞌna̱j David síí cayáán ga̱a naá, ne̱ xi̱i David me síí cuꞌna̱j Abraham ado̱nj.

San Mateo 1:3

ne̱ Judá me rej síí cuꞌna̱j Fares ga̱ síí cuꞌna̱j Zara, ne̱ chana̱ cuꞌna̱j Tamar me nii ro̱j soꞌ a. Ne̱ Fares me rej síí cuꞌna̱j Esrom, ne̱ Esrom me rej síí cuꞌna̱j Aram,

Hechos 7:8

’Dan me se cataꞌ tuꞌva Yaꞌanj se vaa quiꞌya̱j Yaꞌanj da̱nj cheꞌé nij tuviꞌ Abraham, ga̱a ne̱ caꞌneꞌ Yaꞌanj suun se vaa cuta̱ꞌ ta̱ranꞌ nij tuvi̱ꞌ Abraham taꞌngaꞌ man nij soꞌ, cheꞌé se yuvii̱ ꞌni̱j raꞌa Yaꞌanj man me nij soꞌ a. Ne̱ dan me se caꞌngaa taꞌníí Abraham síí cuꞌna̱j Isaac, ne̱ cutaꞌ Abraham taꞌngaꞌ man soꞌ ga̱a va̱j soꞌ tu̱nj güii a. Ne̱ da̱nj quiꞌyaj Isaac uún cheꞌé taꞌníí soꞌ síí cuꞌna̱j Jacob, ne̱ da̱nj quiꞌyaj Jacob uún cheꞌé nij taꞌníí soꞌ chuvi̱j nij xi̱i níꞌ nij síí cayáán ga̱a naá a.

Hebreos 11:11

Dan me se cheꞌé se amán rá Abraham niꞌya̱j soꞌ Yaꞌanj roꞌ, cheꞌé dan nda̱ꞌ se chana̱ itu̱un me nica̱ soꞌ chana̱ cuꞌna̱j Sará, ne̱ nda̱ꞌ se chii nga̱ me maꞌa̱n soꞌ, tza̱j ne̱ guun nucua̱j rá soꞌ man Yaꞌanj se vaa caꞌnga̱a̱ taꞌníí soꞌ a. ꞌO̱ se amán rá soꞌ se vaa Yaꞌanj me síí quiꞌya̱j nu̱ꞌ se vaa cataꞌ tuꞌva maꞌa̱n Yaꞌanj rihaan soꞌ ado̱nj.

Hebreos 7:14

ꞌO̱ se neꞌen níꞌ se vaa Síí ꞌNi̱j Raꞌa man níꞌ roꞌ, soꞌ me síí noco̱ꞌ xꞌneꞌ síí cuꞌna̱j Judá, síí cayáán ga̱a naá, ne̱ a̱ doj ne cata̱j Moisés se vaa gu̱un taꞌníí taꞌnij siꞌno̱ síí cuꞌna̱j Judá yoꞌ ꞌo̱ xrej canicu̱nꞌ rihaan Yaꞌanj ga̱a rque̱ maꞌ.

Apocalipsis 7:5

Dan me se chuvi̱j míj nij soꞌ me síí noco̱ꞌ xꞌneꞌ Judá a. Ne̱ chuvi̱j míj nij soꞌ me síí noco̱ꞌ xꞌneꞌ Rubén a. Ne̱ chuvi̱j míj nij soꞌ me síí noco̱ꞌ xꞌneꞌ Gad a.