San Lucas 9:55 - Triqui de San Juan Copala

⁵⁵ Tza̱j ne̱ niꞌya̱j Jesús man ro̱j soꞌ, ne̱ caxríj yuva̱a̱ Jesús man ro̱j soꞌ a.

San Lucas 9:55 Iomraidhean Croise

Apocalipsis 3:19

Dan me se ꞌu̱nj roꞌ, narqué ꞌu̱nj chrej nucua̱j man nu̱ꞌ nij síí ꞌe̱e̱ raj man, ne̱ qui̱ꞌyáj sayuun man nij soꞌ sese se̱ cuno nij soꞌ rihanj chugua̱nj. Cheꞌé dan gu̱un niha̱ꞌ rá soj cuno̱ soj rihanj, ne̱ ca̱nica̱j nimán soj canoco̱ꞌ soj chrej sa̱ꞌ á.

1 Pedro 3:9

Caꞌve̱e se quiꞌya̱j chiꞌi̱i̱ yuvii̱ man soj, tza̱j ne̱ se̱ quiꞌyaj chiꞌi̱i̱ soj man nij yuvii̱ maꞌ. Caꞌve̱e se caꞌmi̱i̱ chre̱e yuvii̱ cheꞌé soj, tza̱j ne̱ se̱ caꞌmii chre̱e soj cheꞌé nij yuvii̱ maꞌ. Tana̱nj cachi̱nj niꞌya̱j soj rihaan Yaꞌanj quiꞌya̱j soꞌ se lu̱j ga̱ nij yuvii̱ yoꞌ á. ꞌO̱ se canacúún Yaꞌanj man soj, cheꞌé rej quiꞌya̱j soj da̱nj, ga̱a ne̱ caꞌve̱e quiꞌya̱j Yaꞌanj se lu̱j ga̱ maꞌa̱n soj chugua̱nj.

San Mateo 26:51

Ne̱ ꞌo̱ síí nicu̱nꞌ ga̱ Jesús me se quirii soꞌ taneê soꞌ neê espadá, ne̱ goꞌ soꞌ neê espadá yoꞌ raa̱ ꞌo̱ se‑mo̱zó xrej ata̱ suun noco̱o doj, ne̱ veé dan güéj nu̱ꞌ xréé mozó yoꞌ, quiꞌyaj soꞌ a.

San Mateo 26:41

Ma̱an se ni̱ꞌyaj soj, ne̱ cachi̱nj niꞌya̱j soj rihaan Yaꞌanj se vaa ca̱ráán Yaꞌanj rihaan Síí Chre̱e se̱ caxríj Síí Chre̱e chrej chiꞌi̱i̱ rque soj á. ꞌO̱ se niha̱ꞌ rá soj quiꞌya̱j soj se sa̱ꞌ, tza̱j ne̱ ne gu̱un nucua̱j soj maꞌ ―taj Jesús rihaan nij soꞌ a.

San Mateo 26:33

Ga̱a ne̱ cataj síí cuꞌna̱j Pedró rihaan soꞌ a: ―Caꞌve̱e se ta̱náj ta̱ranꞌ nij soꞌ mán so̱ꞌ, tza̱j ne̱ daj chiha̱a̱ míj se̱ tanáj ꞌu̱nj mán so̱ꞌ maꞌ ―taj Pedró a.

San Mateo 16:23

Ga̱a ne̱ canica̱j Jesús, ne̱ caꞌmii soꞌ rihaan Pedró a: ―Naxu̱u̱n so̱ꞌ mán so̱ꞌ rihanj á. Naꞌvej raj que̱neꞌenj mán so̱ꞌ maꞌ. ꞌO̱ se ase tuꞌva Síí Chre̱e roꞌ, da̱nj tuꞌvá so̱ꞌ, ne̱ aráán so̱ꞌ chrej rihanj cu̱noj rihaan Yaꞌanj na̱nj á. Da̱nj tuꞌvá so̱ꞌ, cheꞌé se ne acaj so̱ꞌ cuentá da̱j me rá Yaꞌanj ado̱nj. Ma̱an se ina̱nj acaj so̱ꞌ cuentá da̱j me rá yuvii̱ na̱nj ado̱nj ―taj Jesús rihaan Pedró a.

Santiago 3:10

Veé tuꞌva níꞌ avii nana̱ sa̱ꞌ ne̱ veé tuꞌva níꞌ avii nana̱ chre̱e, ꞌyaj daa níꞌ, ne̱ nij uxrá vaa ꞌyaj níꞌ da̱nj, na̱nj tinu̱j, nocoj.

San Juan 16:9

Dan me se cheꞌé se ne cuchuma̱n rá nij yuvii̱ ni̱ꞌyaj nij soꞌ manj roꞌ, cheꞌé dan cata̱j Nimán Yaꞌanj se vaa tumé nij soꞌ cacunꞌ a.

San Lucas 9:54

Dan me se ga̱a queneꞌen ro̱j síí tucuꞌyón snana̱ Jesús ro̱j síí cuꞌna̱j Jacobo ga̱ Juan, se vaa quiraꞌaan nij síí samaritano veꞌ, ga̱a ne̱ xnáꞌanj ro̱j soꞌ man Jesús, cataj ro̱j soꞌ a: ―Me rá so̱ꞌ cachi̱nj niꞌya̱j núj rihaan Yaꞌanj, ne̱ caꞌne̱j Yaꞌanj yaꞌan, ne̱ caca̱a̱ nij síí samaritano yoꞌ naꞌ ―taj ro̱j soꞌ, xnáꞌanj ro̱j soꞌ man Jesús a.

San Lucas 9:56

Ga̱a ne̱ caꞌanj nij tuvi̱ꞌ Jesús ꞌó chumanꞌ a.