San Lucas 9:45 - Triqui de San Juan Copala

⁴⁵ Tza̱j ne̱ ne queneꞌe̱n nij soꞌ me se me raj cata̱a nana̱ caꞌmii Jesús maꞌ. ꞌO̱ se naquiꞌyaj yuve̱ Yaꞌanj nana̱ yoꞌ rihaan nij soꞌ cheꞌé yan se̱ xcaj nij soꞌ cuentá a. Ne̱ cuchuꞌviꞌ nij soꞌ xna̱ꞌanj nij soꞌ man Jesús cheꞌé nana̱ yoꞌ a.

San Lucas 9:45 Iomraidhean Croise

San Mateo 16:22

Ga̱a ne̱ quirii yaníj Pedró man Jesús, ne̱ guun cheꞌe̱ soꞌ cataj soꞌ se vaa ne nó xcúún Jesús caꞌmi̱i̱ Jesús da̱nj maꞌ. Ne̱ cataj Pedró a: ―Cunu̱u ꞌe̱e̱ rá Yaꞌanj mán so̱ꞌ, Señor. Daj chiha̱a̱ míj se̱ quiránꞌ so̱ꞌ da̱nj maꞌ ―taj Pedró rihaan Jesús a.

San Mateo 17:22

Dan me se cunuu chre̱ꞌ uún ta̱ranꞌ nij soꞌ estadó Galilea, ga̱a ne̱ cataj Jesús rihaan nij síí tucuꞌyón snana̱ soꞌ a: ―Dan me se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me se vaa güii nago̱ꞌ nii mán ꞌu̱nj rihaan yuvii̱,

San Marcos 9:10

Ne̱ ꞌo̱ nuû rá nij soꞌ nana̱ yoꞌ, ne̱ xnáꞌanj ndoꞌo nij soꞌ man tuviꞌ maꞌa̱n nij soꞌ me se me raj cata̱a se vaa cavi̱ꞌ soꞌ ne̱ cunu̱u iꞌna̱ꞌ uún soꞌ a.

San Marcos 9:32

Tza̱j ne̱ ne queneꞌe̱n nij soꞌ me taj nana̱ caꞌmii Jesús, ne̱ chuꞌviꞌ nij soꞌ xna̱ꞌanj nij soꞌ man Jesús me taj nana̱ yoꞌ a.

San Lucas 18:34

Tza̱j ne̱ ne queneꞌe̱n uxrá nij soꞌ me cheꞌé caꞌmii Jesús da̱nj maꞌ. ꞌO̱ se ase vaa nana̱ yuve̱ vaa nana̱ yoꞌ rihaan nij soꞌ, ne̱ ne caꞌve̱e xca̱j nij soꞌ cuentá cheꞌé nana̱ yoꞌ maꞌ.

San Lucas 2:50

Tza̱j ne̱ ne queneꞌe̱n ro̱j soꞌ me se me raj cata̱a snana̱ xnii a̱ maꞌ.

San Lucas 9:46

Dan me se guun cheꞌe̱ nij síí tucuꞌyón snana̱ Jesús caꞌmii cunuꞌ nij soꞌ me nij soꞌ gu̱un chij doj a.

San Juan 12:16

Dan me se nij síí tucuꞌyón snana̱ Jesús me se ga̱a güii catúj Jesús chumanꞌ Jerusalén, ne̱ ne xca̱j nij soꞌ cuentá se vaa quiꞌyaj soꞌ nda̱a vaa cataj nana̱ no̱ rihaan yanj yoꞌ maꞌ. Tza̱j ne̱ nda̱a quisíj güii quinanꞌ Jesús rej xta̱ꞌ ne̱ niꞌndaj ya̱ sa̱ꞌ veꞌé guun chij soꞌ, ga̱a ne̱ ninuj rá nij soꞌ nana̱ no̱ rihaan Danj Yaꞌanj, ne̱ ninuj rá nij soꞌ se vaa guun cheꞌé Jesús a.

San Juan 12:34

Ga̱a ne̱ cataj nij yuvii̱ rihaan Jesús a: ―A̱j neꞌen núj nana̱ no̱ rihaan Danj Yaꞌanj se vaa Síí Caꞌne̱j Yaꞌanj Ti̱nanii man Yuvii̱ rihaan Sayuun me se si̱j ca̱yáán nu̱ꞌ cavii nu̱ꞌ caꞌanj me soꞌ a. Ne̱ me cheꞌé cataj so̱ꞌ nihánj se vaa vaa cheꞌé na̱xcaj nii man Síí Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ga̱. Me cheꞌé cavi̱ꞌ soꞌ ga̱. Da̱j si̱j me Síí Caꞌnéé Yaꞌanj Ni̱caj Yuꞌunj man Yuvii̱, rá so̱ꞌ ga̱ ―taj nij yuvii̱, xnáꞌanj nij yuvii̱ man Jesús a.

San Juan 14:5

Ga̱a ne̱ cataj síí cuꞌna̱j Tomás rihaan Jesús a: ―Ne neꞌen núj rej caꞌa̱nj so̱ꞌ, maan Señor. Asa̱ꞌ caꞌve̱e queneꞌe̱n núj chrej uchiꞌ nda̱a rej caꞌa̱nj so̱ꞌ ga̱ ―taj Tomás, xnáꞌanj soꞌ man Jesús a.

San Juan 4:33

Ga̱a ne̱ xnáꞌanj nij síí tucuꞌyón snana̱ Jesús man tuviꞌ nij soꞌ, cataj nij soꞌ a: ―Vaa síí caꞌnaꞌ rqué se chá soꞌ, rá soj naꞌ ―taj nij soꞌ rihaan tuviꞌ nij soꞌ a.