San Lucas 9:43 - Triqui de San Juan Copala

⁴³ Ga̱a ne̱ queneꞌen nij yuvii̱ se vaa nucua̱j ndoꞌo Yaꞌanj síí quiꞌyaj suun sa̱ꞌ noco̱o yoꞌ, ne̱ caráyaꞌa̱nj nu̱ꞌ nij soꞌ a. Dan me se caráyaꞌa̱nj cunuda̱nj nij yuvii̱ se vaa quiꞌyaj Jesús a. Ga̱a ne̱ cataj Jesús rihaan nij síí tucuꞌyón snana̱ soꞌ a:

San Lucas 9:43 Iomraidhean Croise

San Mateo 17:22

Dan me se cunuu chre̱ꞌ uún ta̱ranꞌ nij soꞌ estadó Galilea, ga̱a ne̱ cataj Jesús rihaan nij síí tucuꞌyón snana̱ soꞌ a: ―Dan me se ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me se vaa güii nago̱ꞌ nii mán ꞌu̱nj rihaan yuvii̱,

San Marcos 6:51

Ga̱a ne̱ catúj soꞌ rque rihoo rej nu̱u̱ nij síí tucuꞌyón snana̱ soꞌ, ga̱a ne̱ canicunꞌ nana̱ yoꞌ, ne̱ caꞌanj ndoꞌo rá nij soꞌ a.

San Lucas 18:43

Ne̱ nu̱ꞌ curuviꞌ rihaan soꞌ, ga̱a ne̱ canocoꞌ soꞌ xcó Jesús, ne̱ nataꞌ soꞌ se vaa sa̱ꞌ uxrá quiꞌyaj Yaꞌanj ga̱ soꞌ a. Ne̱ nu̱ꞌ nij yuvii̱ queneꞌen da̱j quiranꞌ soꞌ cataj se vaa sa̱ꞌ uxrá quiꞌyaj Yaꞌanj a.

San Lucas 4:36

Ga̱a ne̱ caꞌanj uxrá rá nij yuvii̱, ne̱ xnáꞌanj nij soꞌ man tuviꞌ nij soꞌ, cataj nij soꞌ a: ―Da̱j si̱j me síí aꞌmii nana̱ nihánj, ne̱ uun chij soꞌ rihaan nana̱ chre̱e, ne̱ uriha̱nj nij nana̱ chre̱e nimán yuvii̱ ꞌyaj síí nihánj ga̱ ―taj nij yuvii̱ niꞌya̱j nij yuvii̱ man Jesús a.

San Lucas 5:26

Dan me se caꞌanj rá ta̱ranꞌ nij yuvii̱, ne̱ cataj nij yuvii̱ se vaa veꞌé uxrá quiꞌyaj Yaꞌanj a. Ne̱ cuchuꞌviꞌ ndoꞌo nij yuvii̱, ne̱ cataj nij yuvii̱ a: ―Veꞌé uxrá vaa suun sa̱ꞌ noco̱o queneꞌen níꞌ cuanꞌ ado̱nj ―taj nij yuvii̱ yoꞌ a.

San Lucas 5:9

Dan me se caꞌanj ndoꞌo rá nij tuvi̱ꞌ Simón se vaa quiriꞌ uxrá nij soꞌ xcuaj a.

San Lucas 8:25

Ga̱a ne̱ xnáꞌanj Jesús man nij síí tucuꞌyón snana̱ soꞌ, cataj soꞌ a: ―Me cheꞌé ne amán rá soj niꞌya̱j soj man Yaꞌanj ga̱ ―taj soꞌ rihaan nij soꞌ a. Tza̱j ne̱ caꞌanj rá nij soꞌ, ne̱ cuchuꞌviꞌ nij soꞌ, ne̱ cataj nij soꞌ rihaan tuviꞌ nij soꞌ a: ―Da̱j si̱j me síí nihánj ga̱. Nda̱a rihaan nana̱ do̱ꞌ, nda̱a rihaan na do̱ꞌ, aꞌneꞌ soꞌ suun, ne̱ uno ro̱j yoꞌ aꞌmii soꞌ asunj ―taj nij soꞌ rihaan tuviꞌ nij soꞌ a.

San Lucas 9:42

Dan me se ga̱a ꞌnaꞌ xnii, ne̱ nu̱ꞌ snúú xnii, ne̱ naxruꞌ xnii, quiꞌyaj nana̱ chre̱e yoꞌ, tza̱j ne̱ caꞌneꞌ Jesús suun rihaan nana̱ chre̱e se vaa cu̱riha̱nj yoꞌ nimán xnii a. Dan me se curiha̱nj nana̱ chre̱e yoꞌ nimán xnii, ne̱ nahuun sa̱ꞌ xnii, quiꞌyaj Jesús, ne̱ nagoꞌ Jesús man xnii rihaan rej xnii a.

2 Pedro 1:16

ꞌO̱ se ga̱a cataj xnaꞌanj núj rihaan soj se vaa caꞌna̱ꞌ uún Jesucristó Si̱j ꞌNi̱j Raꞌa man níꞌ rihaan chumii̱ nihánj ne̱ ga̱a̱ nucua̱j ndoꞌo soꞌ asa̱ꞌ caꞌnaꞌ soꞌ, ne̱ né cue̱ntó avii raa̱ maꞌa̱n núj me yoꞌ maꞌ. Rihaan maꞌa̱n núj queneꞌen núj se vaa niꞌndaj ya̱ veꞌé vaa soꞌ ado̱nj.