San Lucas 9:42 - Triqui de San Juan Copala

⁴² Dan me se ga̱a ꞌnaꞌ xnii, ne̱ nu̱ꞌ snúú xnii, ne̱ naxruꞌ xnii, quiꞌyaj nana̱ chre̱e yoꞌ, tza̱j ne̱ caꞌneꞌ Jesús suun rihaan nana̱ chre̱e se vaa cu̱riha̱nj yoꞌ nimán xnii a. Dan me se curiha̱nj nana̱ chre̱e yoꞌ nimán xnii, ne̱ nahuun sa̱ꞌ xnii, quiꞌyaj Jesús, ne̱ nagoꞌ Jesús man xnii rihaan rej xnii a.

San Lucas 9:42 Iomraidhean Croise

San Marcos 9:20

Ga̱a ne̱ nica̱j nij yuvii̱ man xnii caꞌnaꞌ nij yuvii̱ rihaan Jesús a. Ga̱a queneꞌen nana̱ chre̱e man Jesús, ne̱ nu̱ꞌ snúú xnii, ne̱ naxruꞌ xnii, quiꞌyaj nana̱ chre̱e yoꞌ, ne̱ natúj rmi̱i̱ xnii, ne̱ cavii yatanꞌ tuꞌva xnii a.

San Lucas 7:15

Ga̱a ne̱ cunuu iꞌna̱ꞌ ya̱ uún xnii, ne̱ naxaga̱a̱ soꞌ, ga̱a ne̱ guun cheꞌe̱ xnii caꞌmii soꞌ a. Ga̱a ne̱ narqué Jesús xnii man nii xnii a.

San Lucas 9:39

ꞌO̱ se naruviꞌ nana̱ chre̱e nimán taꞌníj, ne̱ ta̱j niꞌyo̱n snúú soꞌ, ne̱ aguáj soꞌ, ne̱ avii yatanꞌ tuꞌva soꞌ, ꞌyaj nana̱ chre̱e yoꞌ, ne̱ ꞌyaj chiꞌi̱i̱ ndoꞌo nana̱ chre̱e yoꞌ man taꞌníj, ne̱ sayu̱u̱n uxrá cu̱riha̱nj nana̱ chre̱e yoꞌ nimán taꞌníj ado̱nj.

San Lucas 9:41

Ga̱a ne̱ cataj Jesús a: ―Dan me se síí ne amán rá me soj si̱j ma̱n rihaan chumii̱ nihánj cuano̱, ne̱ chiꞌi̱i̱ vaa nimán soj, ne̱ a̱ me daj cache̱j ga̱ soj, ne̱ a̱ me daj ga̱a̱ naj nimanj ni̱ꞌyaj ꞌu̱nj man soj, ga̱a ne̱ caꞌve̱e quiꞌya̱j canaán soj ga̱. Ni̱caj so̱ꞌ man taꞌníí so̱ꞌ caꞌna̱ꞌ so̱ꞌ rihanj cuaj á ―taj Jesús a.

San Lucas 9:43

Ga̱a ne̱ queneꞌen nij yuvii̱ se vaa nucua̱j ndoꞌo Yaꞌanj síí quiꞌyaj suun sa̱ꞌ noco̱o yoꞌ, ne̱ caráyaꞌa̱nj nu̱ꞌ nij soꞌ a. Dan me se caráyaꞌa̱nj cunuda̱nj nij yuvii̱ se vaa quiꞌyaj Jesús a. Ga̱a ne̱ cataj Jesús rihaan nij síí tucuꞌyón snana̱ soꞌ a:

San Juan 6:19

Ne̱ dan me se ꞌu̱nꞌ kilómetro tucuachéé nij soꞌ rihoo rihaan na, ga̱a ne̱ queneꞌen nij soꞌ se vaa chéé Jesús rihaan na ꞌnaꞌ soꞌ, ne̱ ga̱a nichrunꞌ soꞌ rihaan rihoo yoꞌ, ne̱ cuchuꞌviꞌ ndoꞌo nij soꞌ a.

Hechos 9:41

ne̱ taꞌaa Pedró raꞌa noꞌ, ne̱ naxuma̱a̱n noꞌ, quiꞌyaj soꞌ a. Ga̱a ne̱ canacúún soꞌ caꞌna̱ꞌ nij chana̱ caviꞌ nica̱ do̱ꞌ, ꞌó nij síí noco̱ꞌ man Jesús do̱ꞌ, ne̱ tihaa̱n soꞌ man níí cuꞌna̱j Dorcas rihaan nij soꞌ se vaa cunuu iꞌna̱ꞌ uún noꞌ a.

Apocalipsis 12:12

Cheꞌé dan gu̱un niha̱ꞌ rá nij soj re̱j xta̱ꞌ do̱ꞌ, si̱j ya̱nj rej xta̱ꞌ do̱ꞌ ado̱nj. Tza̱j ne̱ nique̱ ndoꞌo soj si̱j ma̱n rihaan yoꞌóó do̱ꞌ, na yaꞌa̱nj do̱ꞌ na̱nj ado̱nj. ꞌO̱ se quiriꞌíj nii man Síí Chre̱e rihaan nij so̱j, ne̱ cheꞌé dan nuu yuva̱a̱ uxrá rá soꞌ na̱nj chugua̱nj. ꞌO̱ se neꞌen Síí Chre̱e se vaa nichrunꞌ caꞌna̱ꞌ sayuun quira̱nꞌ soꞌ na̱nj á, taj nana̱ caꞌmii ꞌo̱ soꞌ rej xta̱ꞌ a.