San Lucas 9:10 - Triqui de San Juan Copala

¹⁰ Dan me se namán chuvi̱j nij síí cuneꞌ Jesús caꞌa̱nj nata̱ꞌ snana̱ soꞌ, ne̱ nataꞌ nij soꞌ rihaan Jesús cheꞌé nu̱ꞌ nij suun sa̱ꞌ noco̱o quiꞌyaj nij soꞌ rej caꞌanj nij soꞌ a. Ga̱a ne̱ nica̱j Jesús man ta̱ranꞌ nij soꞌ, caꞌanj nij soꞌ nda̱a tuꞌva chumanꞌ cuꞌna̱j Betsaida rej yaníj a.

San Lucas 9:10 Iomraidhean Croise

San Mateo 11:21

Ne̱ nihánj me nana̱ caꞌmii Jesús cheꞌé nij yuvii̱ ma̱n nij chumanꞌ yoꞌ a: ―Nique̱ soj si̱j ma̱n chumanꞌ Corazín a. Nique̱ soj si̱j ma̱n chumanꞌ Betsaida a. ꞌO̱ se quira̱nꞌ uxrá soj sayuun na̱nj á. Ga̱a naá me se nij síí ma̱n chumanꞌ Tiro do̱ꞌ, nij síí ma̱n chumanꞌ Sidón do̱ꞌ, me síí chiꞌi̱i̱ nimán na̱nj á. Tza̱j ne̱ sese caꞌanj ꞌu̱nj chiháán nij soꞌ quiꞌyáj nij suun sa̱ꞌ noco̱o niꞌya̱j nij soꞌ, ga̱a ne̱ guun ya̱ rá nij soꞌ se vaa tumé nij soꞌ cacunꞌ tza̱j ado̱nj. Ne̱ nuchranꞌ nimán nij soꞌ, ne̱ nda̱a yatzíj nij niha̱nj cunuû nij soꞌ, nda̱a yaj chruun acaa ruvaj caraa nij soꞌ raa̱ nij soꞌ, cheꞌé se quinanó rá nij soꞌ cheꞌé cacunꞌ tumé nij soꞌ asuun tza̱j ado̱nj.

San Marcos 2:7

“Me cheꞌé aꞌmii síí nihánj da̱nj ga̱. ꞌO̱ se aꞌmii soꞌ nana̱ qui̱j cheꞌé Yaꞌanj asânj. O̱rúnꞌ Yaꞌanj gu̱un nucua̱j tinavi̱j cacunꞌ xráá yuvii̱ na̱nj á”, da̱nj guun nimán nij soꞌ a.

San Lucas 10:17

Quisíj quiꞌyaj vaꞌnu̱j chiha̱a̱ chuvi̱j (72) nij soꞌ nda̱a vaa cataj Jesús, ga̱a ne̱ namán uún nij soꞌ a. Guun niha̱ꞌ rá nij soꞌ, ne̱ cataj nij soꞌ rihaan Jesús a: ―Nda̱a nij nana̱ chre̱e uno rihaan núj, Señor. Cheꞌé se se‑chu̱vií so̱ꞌ ataꞌ tuꞌva núj, ne̱ uriha̱nj nij soꞌ nimán yuvii̱ na̱nj á ―taj nij soꞌ rihaan Jesús a.

San Juan 1:44

Ne̱ Felipé roꞌ, me síí cavii chumanꞌ Betsaida, ne̱ Betsaida me chiháán Andrés ga̱ Pedró uún a.

Hebreos 13:17

Veꞌé cuno̱ soj rihaan nij síí tumé sa̱ꞌ rihaan Yaꞌanj man soj á. ꞌO̱ se síí tumé nimán soj me nij soꞌ, ne̱ vaa güii xna̱ꞌanj Yaꞌanj man nij soꞌ da̱j quiꞌyaj nij soꞌ cheꞌé soj ado̱nj. Ne̱ veꞌé cuno̱ soj, cheꞌé yan gu̱un niha̱ꞌ rá nij soꞌ nago̱ꞌ nij soꞌ cuentá cheꞌé soj chugua̱nj. Ne̱ se̱ rnúj soj rihaan nij síí uun chij maꞌ. ꞌO̱ se sese rnu̱j soj rihaan nij soꞌ, ne̱ se̱ cavii sa̱ꞌ soj maꞌ.