San Lucas 8:49 - Triqui de San Juan Copala

⁴⁹ Ataa navi̱j caꞌmi̱i̱ Jesús, ne̱ caꞌnaꞌ ꞌo̱ síí cavii tucuá Jairo, ne̱ cataj soꞌ rihaan Jairo a: ―A̱j caviꞌ taꞌnij cha̱na̱ so̱ꞌ, ne̱ taj cheꞌé cara̱a̱ chrúú so̱ꞌ rihaan maestró a̱ maꞌ ―taj síí ꞌnaꞌ cataj xnaꞌanj rihaan Jairo a.

San Lucas 8:49 Iomraidhean Croise

San Mateo 26:10

Ne̱ queneꞌen Jesús da̱j vaa caꞌmii nij soꞌ, ne̱ cataj soꞌ rihaan nij soꞌ a: ―Me cheꞌé aꞌmii soj da̱nj niꞌya̱j soj man chana̱ nihánj ga̱. ꞌO̱ se veꞌé uxrá vaa quiꞌyaj noꞌ manj na̱nj á.

San Mateo 9:18

Ga̱a caꞌmii Jesús nana̱ yoꞌ rihaan nij síí tucuꞌyón snana̱ síí cuꞌna̱j Juan, ne̱ cuchiꞌ ꞌo̱ síí nica̱j suun rihaan Jesús, ne̱ cayáán ru̱j soꞌ, cachíín niꞌya̱j soꞌ rihaan Jesús, cataj soꞌ a: ―Tiha̱j caviꞌ taꞌníj chala̱ cunii a. Tza̱j ne̱ qui̱ꞌyáá so̱ꞌ se ndoꞌo, caꞌa̱nj níꞌ, ne̱ cuta̱ꞌ so̱ꞌ raꞌá so̱ꞌ xráá noꞌ, ne̱ cunu̱u iꞌna̱ꞌ uún noꞌ na̱nj rugua̱nj ―taj soꞌ, cachíín niꞌya̱j soꞌ rihaan Jesús a.

San Marcos 5:22

Ga̱a ne̱ caꞌnaꞌ ꞌo̱ nij síí ꞌni̱j raꞌa veꞌ tucuꞌyón nij yuvii̱ israelitá stucua̱nj Moisés, ne̱ Jairo cuꞌna̱j soꞌ a. Dan me se queneꞌen soꞌ man Jesús, ga̱a ne̱ quinij ru̱j soꞌ tacóó Jesús,

San Lucas 11:7

Ne̱ da̱j cata̱j tuviꞌ soꞌ rihaan soꞌ, rá soj ga̱. Cata̱j tuviꞌ soꞌ a: “Se̱ narii so̱ꞌ nej rihanj, maan tinu̱j. A̱j naquiꞌyaj xraan ꞌu̱nj taꞌyaa, ne̱ a̱j otoj nij taꞌni̱j núj, ne̱ rmi̱j na̱xagaj rque̱j rachrúún mán so̱ꞌ na̱nj á”, cata̱j tuviꞌ soꞌ rihaan soꞌ, rá soj naꞌ.

San Lucas 7:6

Ne̱ caꞌanj Jesús ga̱ nij soꞌ, ne̱ da̱j doj cuchi̱ꞌ nij soꞌ veꞌ, ga̱a ne̱ caꞌnéé tanuu capitán yoꞌ man tuviꞌ soꞌ caꞌa̱nj cara̱nꞌ man Jesús, ne̱ cataj nij soꞌ a: ―Se̱ caráya̱ꞌáán so̱ꞌ, maan maestro. ꞌO̱ se né si̱j sa̱ꞌ me soꞌ, taj soꞌ maꞌ. Ne nó xcúún soꞌ catu̱u̱ so̱ꞌ rá veꞌ tucuá soꞌ, taj soꞌ maꞌ.