San Lucas 8:21 - Triqui de San Juan Copala

²¹ Tza̱j ne̱ cataj Jesús rihaan nij yuvii̱ a: ―Ase vaa nií ꞌu̱nj do̱ꞌ, ase vaa tinúú ꞌu̱nj do̱ꞌ, vaa nij síí nihánj ado̱nj. ꞌO̱ se nanó xre̱j nij soꞌ snana̱ Yaꞌanj, ne̱ ꞌyaj nij soꞌ nda̱a vaa taj nana̱ yoꞌ ado̱nj ―taj Jesús rihaan nij yuvii̱ a.

San Lucas 8:21 Iomraidhean Croise

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Mateo 25:40

’Ga̱a ne̱ cata̱j ꞌu̱nj rihaan nij soꞌ a: “Ya̱ ya̱ cata̱j xnaꞌanj ꞌu̱nj rihaan soj cuano̱ se vaa racuíj ndoꞌo soj man nij tinúú ꞌu̱nj ga̱a quiranꞌ nij soꞌ sayuun vaa da̱nj na̱nj á. Nda̱ꞌ se síí nica̱ꞌ ndoꞌo me taꞌa̱j nij soꞌ, tza̱j ne̱ racuíj ndoꞌo soj man nij soꞌ, ne̱ cheꞌé se racuíj ndoꞌo soj man nij tinúú ꞌu̱nj, ne̱ cheꞌé dan me soj síí racuíj man ma̱ꞌanj ado̱nj”, cata̱j ꞌu̱nj rihaan nij soꞌ a.

San Mateo 25:45

’Ga̱a ne̱ cata̱j ꞌu̱nj rihaan nij soꞌ a: “Ya̱ ya̱ cata̱j xnaꞌanj ꞌu̱nj rihaan soj cuano̱ se vaa a̱ ꞌó xcoꞌ ne ra̱cuíj soj man nij tinúú ꞌu̱nj ga̱a quiranꞌ nij soꞌ sayuun vaa da̱nj maꞌ. Ne̱ nda̱ꞌ se síí nica̱ꞌ ndoꞌo me taꞌa̱j nij soꞌ, tza̱j ne̱ no̱ xcúún nij soj ra̱cuíj soj man nij soꞌ ado̱nj. Ne̱ cheꞌé se ne ra̱cuíj soj man nij soꞌ roꞌ, cheꞌé dan né si̱j racuíj manj me soj maꞌ”, cata̱j ꞌu̱nj rihaan nij soꞌ a.

San Mateo 28:10

Ga̱a ne̱ cataj Jesús rihaan ro̱j chana̱ a: ―Se̱ cuchuꞌviꞌ ro̱j so̱j maꞌ. Ma̱an se caꞌa̱nj ro̱j so̱j cata̱j xnaꞌanj ro̱j so̱j rihaan nij tinúú ꞌu̱nj se vaa cavi̱i̱ nij soꞌ caꞌa̱nj nij soꞌ nda̱a estadó Galilea, ne̱ nda̱a yoꞌ queneꞌe̱n nij soꞌ manj á ―taj Jesús rihaan ro̱j chana̱ yoꞌ a.

San Lucas 8:15

Ne̱ ꞌó taꞌa̱j nij síí uno snana̱ Yaꞌanj me se ase vaa ꞌnúú cayuu rihaan yoꞌóó sa̱ꞌ ne̱ sa̱ꞌ uxrá cachij yoꞌ roꞌ, da̱nj vaa síí sa̱ꞌ uno snana̱ Yaꞌanj a. ꞌO̱ se sa̱ꞌ uxrá vaa nij soꞌ, ne̱ veꞌé nanó xre̱j nij soꞌ snana̱ Yaꞌanj, ne̱ nocoꞌ xraan nij soꞌ snana̱ Yaꞌanj, ne̱ ina̱nj se sa̱ꞌ ꞌyaj nij soꞌ, ne̱ ne aꞌneꞌ rá nij soꞌ ga̱ snana̱ Yaꞌanj maꞌ ―taj Jesús rihaan nij síí tucuꞌyón snana̱ soꞌ a.

San Lucas 8:20

Ne̱ cataj ꞌo̱ soꞌ rihaan Jesús a: ―Nicu̱nꞌ nií so̱ꞌ ga̱ nij tinúú so̱ꞌ xeꞌ, ne̱ me rá nij soꞌ queneꞌe̱n nij soꞌ mán so̱ꞌ na̱nj á ―taj soꞌ, cataj xnaꞌanj soꞌ rihaan Jesús a.

San Juan 13:17

Ne̱ a̱j cuno soj nana̱ nihánj, ne̱ sese quiꞌya̱j soj nu̱ꞌ nana̱ nihánj, ne̱ ya̱ cavi̱i̱ sa̱ꞌ soj ado̱nj.

San Juan 20:17

Ga̱a ne̱ cataj Jesús rihaan noꞌ a: ―Caꞌne̱ꞌ rá so̱ꞌ, se̱ canó so̱ꞌ doj manj maꞌ. ꞌO̱ se ataa cavi̱i̱ uún ꞌu̱nj quina̱nꞌ ꞌu̱nj rihaan Réj Yaꞌanj, ne̱ me rá ꞌu̱nj caꞌa̱nj so̱ꞌ rihaan nij tinúú ꞌu̱nj a. Cata̱j xnaꞌanj so̱ꞌ rihaan nij soꞌ se vaa cavi̱i̱ ꞌu̱nj quina̱nꞌ ꞌu̱nj rihaan Réj, ne̱ soꞌ me Rej soj uún, ne̱ Yaꞌanj si̱j noco̱ꞌ ꞌu̱nj me soꞌ, ne̱ Yaꞌanj síí noco̱ꞌ soj me uún soꞌ ado̱nj ―taj Jesús rihaan Mariá a.

2 Corintios 5:16

Cheꞌé dan me caꞌneꞌ rá núj ga̱ suun acaj cuentá nda̱a vaa ruviꞌ yuvii̱ niꞌya̱j tuviꞌ yuvii̱ a. Asi̱j rque̱ me se na̱nj yuvii̱ me Cristó rá núj, ne̱ ina̱nj xcaj núj cuentá nda̱a vaa ruviꞌ soꞌ, tza̱j ne̱ ya̱j me se ne ꞌyaj núj da̱nj a̱ maꞌ.

2 Corintios 6:18

Ne̱ gu̱un Re̱j soj manj, ne̱ gu̱un soj taꞌníj, taj ꞌu̱nj Si̱j ꞌNi̱j Raꞌa man soj Síí Uun Nucua̱j ꞌYaj Cunuda̱nj a. Da̱nj taj uún Yaꞌanj rihaan níꞌ a.

Santiago 1:22

Se̱ guun catu̱u̱ rmaꞌa̱n snana̱ Yaꞌanj xréé níꞌ maꞌ. Tana̱nj quiꞌya̱j níꞌ nda̱a vaa taj Yaꞌanj ado̱nj. Sese se̱ quiꞌyaj níꞌ da̱nj, ne̱ tiha̱ꞌ yuꞌunj níꞌ man maꞌa̱n níꞌ ga̱a na̱nj á.

1 Juan 2:29

Dan me se neꞌen soj se vaa síí sa̱ꞌ ina̱nj me Cristó, ne̱ cheꞌé dan neꞌen soj se vaa nu̱ꞌ nij síí ꞌyaj sa̱ꞌ roꞌ, ta̱ranꞌ nij soꞌ me síí cunuu sa̱ꞌ nimán quiꞌyaj soꞌ ado̱nj.

3 Juan 1:11

Tinu̱j, se̱ guun qui̱ꞌyáá so̱ꞌ nda̱a vaa ꞌyaj nij síí chiꞌi̱i̱ maꞌ. Tana̱nj qui̱ꞌyáá so̱ꞌ nda̱a vaa ꞌyaj nij síí sa̱ꞌ á. ꞌO̱ se síí ꞌyaj se sa̱ꞌ roꞌ, Yaꞌanj ya̱ me Taꞌanj soꞌ ado̱nj. Ne̱ síí ꞌyaj se chiꞌi̱i̱ roꞌ, ne neꞌen soꞌ man Yaꞌanj a̱ maꞌ.