San Lucas 8:20 - Triqui de San Juan Copala

²⁰ Ne̱ cataj ꞌo̱ soꞌ rihaan Jesús a: ―Nicu̱nꞌ nií so̱ꞌ ga̱ nij tinúú so̱ꞌ xeꞌ, ne̱ me rá nij soꞌ queneꞌe̱n nij soꞌ mán so̱ꞌ na̱nj á ―taj soꞌ, cataj xnaꞌanj soꞌ rihaan Jesús a.

San Lucas 8:20 Iomraidhean Croise

San Marcos 6:3

Né si̱j acój chruun me soꞌ naꞌ. Ne̱ taꞌníí Mariá me soꞌ á. Ne̱ tinúú síí cuꞌna̱j Jacobo do̱ꞌ, José do̱ꞌ, Judas do̱ꞌ, Simón do̱ꞌ, me soꞌ á. Ne̱ nij raꞌvij soꞌ me chana̱ ya̱nj chiháán níꞌ á ―taj nij síí ma̱n chiháán Jesús rihaan tuviꞌ nij soꞌ, ne̱ guun naco̱o̱ rá nij soꞌ niꞌya̱j nij soꞌ man Jesús a.

San Lucas 8:19

Dan me se cuchiꞌ nii Jesús cuchiꞌ nij tinúú Jesús cuchiꞌ nda̱a rej va̱j Jesús, tza̱j ne̱ ne caꞌve̱e nichru̱nꞌ nij soꞌ rihaan Jesús, cheꞌé se nda̱a xraan maꞌa̱n mán nij yuvii̱ ri̱i̱ a.

San Lucas 8:21

Tza̱j ne̱ cataj Jesús rihaan nij yuvii̱ a: ―Ase vaa nií ꞌu̱nj do̱ꞌ, ase vaa tinúú ꞌu̱nj do̱ꞌ, vaa nij síí nihánj ado̱nj. ꞌO̱ se nanó xre̱j nij soꞌ snana̱ Yaꞌanj, ne̱ ꞌyaj nij soꞌ nda̱a vaa taj nana̱ yoꞌ ado̱nj ―taj Jesús rihaan nij yuvii̱ a.

Hechos 1:14

Dan me se ꞌo̱ vaa rá ta̱ranꞌ nij soꞌ, ne̱ ꞌo̱ achíín niꞌya̱j nij soꞌ rihaan Yaꞌanj a. Da̱nj quiꞌyaj nij soꞌ ga̱ nij chana̱ do̱ꞌ, ga̱ Mariá nii Jesús do̱ꞌ, ga̱ nij tinúú Jesús do̱ꞌ a.

1 Corintios 9:5

No̱ xcúún núj xca̱j núj man ꞌo̱ raꞌvij núj níí noco̱ꞌ man Cristó, caꞌa̱nj noꞌ me rej maꞌa̱n caꞌa̱nj núj á. Neꞌen soj se vaa nij tinúú Jesucristó Si̱j ꞌNi̱j Raꞌa man níꞌ do̱ꞌ, Cefas do̱ꞌ, ꞌó nij síí ata̱ suun caꞌa̱nj nata̱ꞌ snana̱ Jesucristó do̱ꞌ, vaa nica̱ ꞌo̱ ꞌo̱ nij soꞌ a.

Gálatas 1:19

Ne̱ dan me se ga̱a caránꞌ ꞌu̱nj veꞌ tucuá soꞌ me se queneꞌenj man síí cuꞌna̱j Jacobo tinúú Jesucristó Si̱j ꞌNi̱j Raꞌa man níꞌ uún a. Tza̱j ne̱ ne que̱neꞌén ꞌu̱nj man ꞌó nij síí cuneꞌ Jesucristó maꞌ.