San Lucas 7:9 - Triqui de San Juan Copala

⁹ Dan me se ga̱a cuno Jesús nana̱ caꞌmii tuviꞌ tanuu capitán yoꞌ, ne̱ caꞌanj rá Jesús, ne̱ canica̱j soꞌ cataj soꞌ rihaan nij síí noco̱ꞌ rej xco̱ soꞌ a: ―Cuano̱ nihánj me cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán nihánj a̱ maꞌ ―taj Jesús rihaan nij soꞌ a.

San Lucas 7:9 Iomraidhean Croise

San Mateo 15:28

Ga̱a ne̱ cataj Jesús a: ―Amán uxrá rá so̱ꞌ niꞌya̱j so̱ꞌ manj, nocoj. Cheꞌé dan qui̱ꞌyáj se vaa achíín so̱ꞌ rihanj na̱nj á ―taj Jesús rihaan noꞌ a. Ne̱ veé ma̱an orá dan nahuun sa̱ꞌ taꞌníí chana̱ yoꞌ a.

San Mateo 8:10

Dan me se, ga̱a cuno Jesús nana̱ caꞌmii tanuu capitán yoꞌ, ne̱ caráyaꞌa̱nj Jesús, ne̱ cataj soꞌ rihaan nij síí noco̱ꞌ rej xco̱ soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán síí yaníj nihánj a̱ maꞌ.

San Mateo 9:33

Dan me se quirii Jesús man nana̱ chre̱e yoꞌ nimán soꞌ, ga̱a ne̱ guun cheꞌe̱ síí yaꞌmi̱i caꞌmii soꞌ na̱nj ado̱nj. Queneꞌen nij yuvii̱, ne̱ caráyaꞌa̱nj uxrá nij yuvii̱, ne̱ cataj nij soꞌ a: ―Xa̱ꞌ níꞌ si̱j israelitá, tza̱j ne̱ a̱ ꞌó síí ꞌyaj da̱nj ne queneꞌe̱n níꞌ a̱ maꞌ ―taj nij yuvii̱ cheꞌé Jesús a.

San Lucas 7:10

Dan me se canica̱j uún nij tuviꞌ tanuu capitán yoꞌ caꞌanj nij soꞌ tucuá soꞌ, ne̱ ga̱a cuchiꞌ nij soꞌ, ne̱ a̱j nahuun se‑mo̱zó tanuu capitán yoꞌ, quiꞌyaj Jesús a.

San Lucas 7:50

Tza̱j ne̱ canica̱j uún Jesús, cataj soꞌ rihaan chana̱ a: ―Nani̱i̱ so̱ꞌ rihaan sayuun, cheꞌé se amán rá so̱ꞌ niꞌya̱j so̱ꞌ manj ado̱nj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á ―taj Jesús rihaan chana̱ yoꞌ a.

San Lucas 7:8

Ne̱ cataj soꞌ se vaa vaa síí rii taꞌngaꞌ rihaan soꞌ, ne̱ rii taꞌngaꞌ soꞌ rihaan tanuu, ne̱ taj soꞌ rihaan tanuu se vaa caꞌa̱nj nij soꞌ, ne̱ ꞌanj nij soꞌ, ne̱ taj soꞌ rihaan nij tanuu se vaa caꞌna̱ꞌ nij soꞌ, ne̱ ꞌnaꞌ nij soꞌ rihaan soꞌ, ne̱ taj soꞌ da̱j quiꞌya̱j se‑mo̱zó soꞌ, ne̱ veé da̱nj ꞌyaj soꞌ ado̱nj ―taj nij tuviꞌ tanuu capitán yoꞌ rihaan Jesús a.