San Lucas 7:42 - Triqui de San Juan Copala

⁴² Tza̱j ne̱ taj saꞌanj rihaan ro̱j soꞌ na̱ruꞌvee ro̱j soꞌ rihaan ruꞌvee, ga̱a ne̱ cheꞌé dan cunuu ꞌe̱e̱ rá ruꞌvee man ro̱j soꞌ, ne̱ navij u̱u̱n xcúún xráá ro̱j soꞌ, quiꞌyaj ruꞌvee a. Me ro̱j soꞌ cara̱nꞌ doj rá ni̱ꞌyaj man ruꞌvee, rá so̱ꞌ ga̱ ―taj Jesús, xnáꞌanj soꞌ man síí cuꞌna̱j Simón yoꞌ a.

San Lucas 7:42 Iomraidhean Croise

San Mateo 18:27

Ga̱a ne̱ cunuu ꞌe̱e̱ rá síí nica̱j suun rey niꞌya̱j soꞌ man se‑mo̱zó soꞌ, ne̱ caꞌnéj soꞌ xcúún xráá mozó yoꞌ, ne̱ caꞌneꞌ rá soꞌ, caꞌanj u̱u̱n mozó yoꞌ, quiꞌyaj soꞌ a.

San Mateo 18:34

Ga̱a ne̱ caꞌmaan ndoꞌo rá síí nica̱j suun, ne̱ tacuachén soꞌ man mozó yoꞌ rihaan síí ꞌni̱j raꞌa tagaꞌ, ne̱ naquiꞌyaj naca̱ síí nica̱j suun yoꞌ xcúún xráá mozó, ne̱ cataj xnaꞌanj soꞌ se vaa se̱ curiha̱nj mozó yoꞌ tagaꞌ nda̱a na̱ruꞌvee ya̱ soꞌ nu̱ꞌ se vaa quiꞌyaj xcúún soꞌ a.

San Mateo 6:12

Ti̱navíí so̱ꞌ cacunꞌ tumé núj, da̱j se vaa aráj xꞌnaa núj cheꞌé cacunꞌ quiꞌyaj tuviꞌ núj rihaan núj na̱nj ado̱nj.

San Lucas 7:43

―Cara̱nꞌ doj rá síí navij noco̱o doj xcúún xráá ni̱ꞌyaj soꞌ man ruꞌvee, cheꞌé se noco̱o doj se lu̱j quiꞌyaj ruꞌvee cheꞌé soꞌ, raj a ―taj Simón a. ―Veé da̱nj vaa ya̱ á ―taj Jesús rihaan soꞌ a.

Romanos 3:24

ꞌO̱ se ma̱an cheꞌé se cunuu ꞌe̱e̱ rá Yaꞌanj man cunuda̱nj yuvii̱ ne̱ quiꞌyaj maꞌa̱n Yaꞌanj se lu̱j cheꞌé nij yuvii̱ me caꞌvee tinavij Yaꞌanj cacunꞌ tumé nij yuvii̱ ado̱nj. Dan me se caꞌnéé Yaꞌanj man Cristó Jesús rihaan chumii̱, cheꞌé rej caꞌne̱e̱ soꞌ cacunꞌ xráá nij síí amán rá niꞌya̱j man soꞌ,

Romanos 5:6

ꞌO̱ se Cristó me se ga̱a ne gu̱un nucua̱j maꞌa̱n níꞌ si̱j ma̱n rihaan chumii̱ nihánj quiꞌya̱j sa̱ꞌ níꞌ do̱ꞌ, ga̱a né si̱j noco̱ꞌ man Yaꞌanj me níꞌ do̱ꞌ, ne̱ caviꞌ Cristó cheꞌé maꞌa̱n níꞌ, ga̱a quisíj güii cachrón maꞌa̱n Yaꞌanj cavi̱ꞌ soꞌ na̱nj ado̱nj.

Gálatas 3:10

Nij síí nucua̱j rá man stucua̱nj Moisés me se se̱ cavii sa̱ꞌ nij soꞌ a̱ maꞌ. ꞌO̱ se taj Danj Yaꞌanj a: “Sese se̱ quiꞌyaj ꞌo̱ soꞌ cunuda̱nj nij nana̱ no̱ rihaan stucua̱nj Yaꞌanj nana̱ cataj xnaꞌanj Moisés, ne̱ se̱ cavii sa̱ꞌ soꞌ rihaan Yaꞌanj a̱ maꞌ”, taj Danj Yaꞌanj ado̱nj.

Efesios 1:7

Ne̱ cheꞌé ton cayanj man Cristó ga̱a caviꞌ soꞌ cheꞌé níꞌ roꞌ, cheꞌé dan navij cacunꞌ xráá níꞌ, cheꞌé se sa̱ꞌ uxrá vaa rá Yaꞌanj niꞌya̱j Yaꞌanj man níꞌ a.

Efesios 4:32

Dan me se veꞌé quiꞌya̱j soj rihaan tinúú soj á. Ga̱a̱ ꞌe̱e̱ rá soj ni̱ꞌyaj soj tinúú soj á. Neꞌen soj se vaa tinavij Yaꞌanj cacunꞌ tumé níꞌ, cheꞌé se caviꞌ Cristó cheꞌé níꞌ a. Cheꞌé dan no̱ xcúún ya̱ soj cara̱a̱ xꞌnaa soj ni̱ꞌyaj soj tinúú soj ado̱nj.

Colosenses 3:13

Sese quiꞌyaj chiꞌi̱i̱ tuviꞌ soj rihaan soj, ne̱ cara̱a̱ xꞌnaa ꞌo̱ ꞌo̱ soj rihaan tuviꞌ soj á. Da̱nj quiꞌyaj Síí ꞌNi̱j Raꞌa man níꞌ cheꞌé soj, tinavij soꞌ cacunꞌ tumé soj, ne̱ cheꞌé dan cara̱a̱ xꞌnaa soj rihaan tuviꞌ soj ado̱nj.