San Lucas 7:40 - Triqui de San Juan Copala

⁴⁰ Ga̱a ne̱ cataj Jesús rihaan soꞌ a: ―Vaa nana̱ me raj cata̱j ꞌu̱nj rihaan so̱ꞌ, Simón ―taj Jesús rihaan soꞌ a. ―Caꞌmi̱i̱ so̱ꞌ, maestro ―taj síí tucua̱ yoꞌ a.

San Lucas 7:40 Iomraidhean Croise

San Mateo 26:49

Ga̱a ne̱ nu̱ꞌ cuchiꞌ soꞌ cuaj rihaan Jesús, ne̱ cataj soꞌ a: ―Caꞌnaꞌ uxrá ꞌu̱nj, na̱nj maestro ―taj soꞌ rihaan Jesús a. Ga̱a ne̱ nu̱ꞌ cachrón tuꞌva̱ soꞌ xruu̱ Jesús a.

San Mateo 7:22

Ne̱ güii caꞌne̱ꞌ ꞌu̱nj cacunꞌ cheꞌé yuvii̱ me se cuma̱n ndoꞌo yuvii̱ cata̱j rihaan ꞌu̱nj a: “So̱ꞌ roꞌ, me Síí ꞌNi̱j Raꞌa man núj ado̱nj. ꞌO̱ se cataꞌ tuꞌva núj se‑chu̱vií so̱ꞌ ga̱a nataꞌ núj nana̱ rqué so̱ꞌ man núj rihaan yuvii̱ do̱ꞌ, ga̱a quirii núj nana̱ chre̱e nimán yuvii̱ do̱ꞌ, ga̱a quiꞌyaj ndoꞌo núj suun sa̱ꞌ noco̱o do̱ꞌ ado̱nj.” Da̱nj cata̱j nij yuvii̱ yoꞌ rihaan ꞌu̱nj vaa güii na̱nj ado̱nj.

San Lucas 18:18

Dan me se xnáꞌanj ꞌo̱ síí nica̱j suun man Jesús, cataj soꞌ rihaan Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj, ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí nica̱j suun yoꞌ, xnáꞌanj soꞌ man Jesús a.

San Lucas 5:22

Queneꞌen Jesús da̱j nuchruj ra̱a̱ nij soꞌ, ne̱ cheꞌé dan cataj soꞌ rihaan nij soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Lucas 5:31

Ga̱a ne̱ cataj maꞌa̱n Jesús rihaan nij soꞌ a: ―Síí vaa nucua̱j roꞌ, ne nanoꞌ nij soꞌ man doctor naquiꞌyaj conoꞌó man yuvii̱ maꞌ. Ma̱an se síí ranꞌ roꞌ, me síí nanoꞌ man doctor ado̱nj.

San Lucas 6:8

Tza̱j ne̱ queneꞌen Jesús se vaa guun rá nij soꞌ, ga̱a ne̱ cataj soꞌ rihaan síí nacoo̱ raꞌa a: ―Na̱xuma̱a̱n so̱ꞌ canicu̱nꞌ ca̱yá so̱ꞌ scaꞌnúj níꞌ á ―taj Jesús rihaan soꞌ a. Ga̱a ne̱ naxuma̱a̱n soꞌ, ne̱ canicunꞌ caya̱ soꞌ scaꞌnúj nij yuvii̱ a.

San Lucas 7:39

Dan me se ga̱a queneꞌen síí tucua̱ se vaa quiꞌyaj chana̱ man Jesús, ga̱a ne̱ guun rá soꞌ nana̱ nihánj niꞌya̱j soꞌ man Jesús a: “Sese ya̱ si̱j nataꞌ snana̱ Yaꞌanj me síí nihánj, ne̱ a̱j neꞌen soꞌ da̱j cha̱na̱ me chana̱ nihánj, se vaa chana̱ ata̱ cacunꞌ me noꞌ, ne̱ se̱ caꞌvej rá soꞌ quiꞌya̱j noꞌ da̱nj ga̱ soꞌ tza̱j maan ado̱nj”, guun rá síí tucua̱ yoꞌ a.

San Lucas 7:41

Ga̱a ne̱ nanó Jesús se‑cuento̱ vi̱j síí ꞌyaj xcúún a: ―Vi̱j síí ꞌyaj xcúún saꞌanj rihaan ꞌo̱ ruꞌvee me ro̱j soꞌ a. ꞌO̱ soꞌ roꞌ, ꞌyaj xcúún saꞌanj se vaa ꞌyaj canaán yuvii̱ ꞌyaj suun ꞌu̱nꞌ cientó güii, ne̱ ꞌó soꞌ roꞌ, ꞌyaj xcúún se vaa ꞌyaj canaán yuvii̱ ꞌyaj suun vi̱j chiha̱a̱ chi̱ꞌ (50) güii a.

San Juan 13:13

Xa̱ꞌ soj, tza̱j ne̱ aꞌmii soj rihanj, ne̱ taj soj Maestro do̱ꞌ, Señor do̱ꞌ, ne̱ cuna̱j ꞌyaj soj cheꞌé se veé dan mé ꞌu̱nj a.

San Juan 16:19

Queneꞌen Jesús se vaa me rá nij soꞌ xna̱ꞌanj nij soꞌ man soꞌ, ne̱ cheꞌé dan xnáꞌanj maꞌa̱n soꞌ man nij soꞌ, cataj soꞌ a: ―Me cheꞌé xnáꞌanj ndoꞌo soj man tuviꞌ soj cheꞌé nana̱ caꞌmij, se vaa cache̱n doj, ga̱a ne̱ se̱ queneꞌen uún soj manj, ga̱a ne̱ cache̱n doj uún, ga̱a ne̱ queneꞌe̱n uún soj manj ga̱.

San Juan 16:30

Nihánj me se neꞌen núj se vaa neꞌén so̱ꞌ cunuda̱nj, ne̱ nda̱a neꞌén so̱ꞌ me nana̱ uun rá yuvii̱ xna̱ꞌanj yuvii̱ mán so̱ꞌ a. Cheꞌé dan amán rá núj se vaa cavii so̱ꞌ rihaan Yaꞌanj na̱nj á ―taj nij síí tucuꞌyón snana̱ Jesús a.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.