San Lucas 7:30 - Triqui de San Juan Copala

³⁰ Tza̱j ne̱ nij síí naquiꞌyaj cu̱u stucua̱nj Moisés do̱ꞌ, nij síí fariseo do̱ꞌ, ne caꞌve̱j rá nij soꞌ cuno̱ nij soꞌ da̱j me rá Yaꞌanj quiꞌya̱j Yaꞌanj cheꞌé nij soꞌ maꞌ. ꞌO̱ se né si̱j cataꞌ ne quiꞌyaj Juan me nij síí naꞌvej rá maꞌ.

San Lucas 7:30 Iomraidhean Croise

San Mateo 22:35

Ga̱a ne̱ xnáꞌanj ꞌo̱ nij soꞌ ꞌo̱ nana̱ man Jesús, queneꞌe̱n soꞌ sese gu̱un nucua̱j Jesús cata̱j xnaꞌanj Jesús nana̱ yoꞌ a. Dan me se cataj soꞌ a:

San Lucas 13:34

Ga̱a ne̱ cataj uún Jesús a: ―Nanó uxrá raj cheꞌé soj si̱j ma̱n chumanꞌ Jerusalén nihánj na̱nj á. ꞌO̱ se ticaviꞌ soj man nij síí nataꞌ snana̱ Yaꞌanj, ne̱ goꞌ soj yahij man nij síí caꞌnéé Yaꞌanj cuchi̱ꞌ rihaan soj a. Guun queꞌe̱e̱ ndoꞌo guun rá ꞌu̱nj naquiꞌya̱j chre̱ꞌ ꞌu̱nj man soj tu̱mé ꞌu̱nj man soj, tza̱j ne̱ taj se quiꞌyáꞌ caꞌvee maꞌ. Ase vaa ꞌyaj xee naquiꞌyaj chre̱ꞌ xee man taꞌníí xoꞌ ca̱ráán xoꞌ xcóó xoꞌ xráá taꞌníí xoꞌ roꞌ, da̱nj guun raj qui̱ꞌyáj man soj, tza̱j ne̱ ne caꞌve̱j rá soj qui̱ꞌyáj da̱nj a̱ maꞌ.

San Lucas 20:6

Tza̱j ne̱ sese cata̱j níꞌ se vaa né si̱j caꞌneꞌ Yaꞌanj suun rihaan me Juan, ne̱ go̱ꞌ cunuda̱nj nij yuvii̱ yahij man níꞌ a. ꞌO̱ se amán rá nij yuvii̱ se vaa síí nataꞌ snana̱ Yaꞌanj me Juan a ―cataj nij soꞌ ga̱ tuviꞌ maꞌa̱n nij soꞌ a.

San Lucas 7:31

Ga̱a ne̱ cataj uún Jesús rihaan nij yuvii̱ a: ―Ne̱ da̱j vaa nij soj si̱j ma̱n rihaan chumii̱ nihánj cuano̱, rá soj ga̱. Dan me se cata̱j xnaꞌanj ꞌu̱nj rihaan soj á.

Hechos 20:27

ꞌO̱ se ne aꞌneꞌ rá ꞌu̱nj ga̱ suun natáꞌ ꞌu̱nj rihaan cunuda̱nj soj nu̱ꞌ se vaa me rá Yaꞌanj cuno̱ soj maꞌ.

Romanos 10:21

Tza̱j ne̱ ino̱ vaa nana̱ caꞌmii Yaꞌanj rihaan nij yuvii̱ israelitá ga̱a naá, taj Isaías a. Dan me se cataj Yaꞌanj rihaan nij yuvii̱ israelitá se vaa ꞌo̱ me rá Yaꞌanj naca̱j Yaꞌanj man nij yuvii̱ israelitá, tza̱j ne̱ ne caꞌve̱j rá nij soꞌ cuno̱ nij soꞌ rihaan Yaꞌanj maꞌ. Ina̱nj tucuáá nij soꞌ rihaan Yaꞌanj na̱nj á. Da̱nj taj Yaꞌanj, ne̱ cachrón Isaías rihaan yanj a.

2 Corintios 6:1

Dan me se ꞌyaj núj suun caꞌneꞌ Yaꞌanj rihaan núj, ne̱ cheꞌé dan rquee̱ núj man soj se vaa se̱ quiriꞌíj yaníj soj se lu̱j quiꞌyaj Yaꞌanj cheꞌé soj maꞌ.

Gálatas 2:21

Ne̱ naꞌvej rá ꞌu̱nj ta̱náj yaníj ꞌu̱nj se lu̱j quiꞌyaj Yaꞌanj cheꞌé ꞌu̱nj maꞌ. ꞌO̱ se vaa cheꞌé ya̱ quiꞌyaj Yaꞌanj se lu̱j ado̱nj. Dan me se sese caꞌve̱e ya̱ navi̱j cacunꞌ quiꞌya̱j stucua̱nj Moisés, ga̱a ne̱ caviꞌ u̱u̱n maꞌa̱n Cristó vaa ga̱a na̱nj ado̱nj.” Nu̱ꞌ nana̱ nihánj me nana̱ caꞌmii ꞌu̱nj rihaan Pedró ado̱nj.

Efesios 1:11

Ne̱ cheꞌé Cristó me se narii Yaꞌanj man núj si̱j israelitá si̱j amán rá niꞌya̱j man Cristó, ne̱ dan me se narii soꞌ man núj cheꞌé se a̱j cuneꞌ soꞌ man núj gu̱un núj nij síí ga̱a̱ nucua̱j rá ga̱a asino ya̱a̱n man Cristó, cheꞌé rej veꞌé nata̱ꞌ núj se vaa sa̱ꞌ uxrá vaa Yaꞌanj a. Dan me se ina̱nj da̱nj guun rá Yaꞌanj quiꞌya̱j soꞌ, ne̱ soꞌ me síí avii ndoꞌo raa̱ da̱j quiꞌya̱j, ne̱ soꞌ me síí ꞌyaj nu̱ꞌ nda̱a vaa avii raa̱ soꞌ quiꞌya̱j soꞌ ado̱nj.