San Lucas 7:3 - Triqui de San Juan Copala

³ Dan me se cuno tanuu capitán yoꞌ cheꞌé Jesús, ne̱ caꞌnéé soꞌ do̱j síí uun chij rihaan nij yuvii̱ israelitá cuchi̱ꞌ nij soꞌ rihaan Jesús, ne̱ cachi̱nj niꞌya̱j nij soꞌ rihaan Jesús se vaa caꞌna̱ꞌ soꞌ tinahu̱un soꞌ se‑mo̱zó tanuu capitán yoꞌ a.

San Lucas 7:3 Iomraidhean Croise

San Mateo 8:5

Dan me se catúj Jesús chumanꞌ Capernaum, ne̱ cuchiꞌ ꞌo̱ tanuu capitán romanó ꞌni̱j raꞌa cientó tanuu rihaan soꞌ a. Dan me se cachíín niꞌya̱j soꞌ rihaan Jesús,

San Lucas 7:2

Dan me se yáán ꞌo̱ tanuu capitán romanó ꞌni̱j raꞌa cientó tanuu chumanꞌ yoꞌ a. Ne̱ vaa ꞌo̱ se‑mo̱zó soꞌ síí ꞌe̱e̱ uxrá rá soꞌ man, ne̱ ranꞌ uxrá mozó yoꞌ, ne̱ da̱j doj cavi̱ꞌ soꞌ a.

San Lucas 7:4

Dan me se cuchiꞌ nij síí uun chij yoꞌ rihaan Jesús, ga̱a ne̱ cachíín niꞌya̱j uxrá nij soꞌ rihaan Jesús, cataj nij soꞌ a: ―Síí sa̱ꞌ me tanuu capitán yoꞌ, ne̱ cheꞌé dan vaa cheꞌé ya̱ qui̱ꞌyáá so̱ꞌ da̱nj cheꞌé soꞌ ado̱nj.

San Lucas 8:41

Ga̱a ne̱ dan me se caꞌnaꞌ ꞌo̱ soꞌ rihaan Jesús, ne̱ Jairo cuꞌna̱j soꞌ, ne̱ soꞌ me síí ꞌni̱j raꞌa ꞌo̱ veꞌ tucuꞌyón nij yuvii̱ israelitá stucua̱nj Moisés, ne̱ dan me se cayáán ru̱j soꞌ rihaan Jesús, ne̱ rquee̱ soꞌ rihaan Jesús se vaa caꞌa̱nj Jesús tucuá soꞌ a.

San Lucas 9:38

Dan me se nucua̱j ndoꞌo caꞌmii ꞌo̱ síí ꞌnaꞌ scaꞌnúj nij yuvii̱ rihaan Jesús, ne̱ cataj soꞌ a: ―Achíín ni̱ꞌyáj rihaan so̱ꞌ se vaa cunu̱u ꞌe̱e̱ rá so̱ꞌ ni̱ꞌyaj so̱ꞌ taꞌníj cheꞌé se o̱rúnꞌ ra̱a̱ soꞌ me taꞌníj, maestro.

San Juan 4:47

Dan me se cuchiꞌ nana̱ rihaan síí nica̱j suun yoꞌ se vaa cavii Jesús estadó Judea caꞌnaꞌ Jesús estadó Galilea a. Ga̱a ne̱ caꞌanj soꞌ cuchiꞌ soꞌ rihaan Jesús, ne̱ cachíín niꞌya̱j uxrá soꞌ rihaan Jesús se vaa caꞌa̱nj Jesús quiꞌya̱j conoꞌó Jesús man taꞌníí soꞌ a. ꞌO̱ se da̱j doj cavi̱ꞌ taꞌníí soꞌ, taj soꞌ a.

Filemón 1:10

ne̱ cheꞌé dan cachi̱nj ni̱ꞌyáá ꞌu̱nj do̱j rihaan so̱ꞌ cheꞌé síí cuꞌna̱j Onésimo a. Dan me se ase vaa ꞌo̱ taꞌníj roꞌ, da̱nj vaa soꞌ rihanj cuano̱, cheꞌé se ga̱a ꞌni̱j ꞌu̱nj tagaꞌ, ne̱ cataj xnaꞌanj ꞌu̱nj rihaan soꞌ cheꞌé Cristó, ne̱ guun cheꞌe̱ soꞌ canocoꞌ soꞌ man Cristó na̱nj ado̱nj.