San Lucas 6:25 - Triqui de San Juan Copala

²⁵ ’Nique̱ soj si̱j vaa xraan rque cuano̱ na̱nj á. Vaa güii quinaꞌa̱an rque soj ado̱nj. ’Nique̱ soj si̱j aꞌngaꞌ cuano̱ na̱nj á. Vaa güii nano̱ ndoꞌo rá soj do̱ꞌ, taꞌve̱e soj do̱ꞌ ado̱nj.

San Lucas 6:25 Iomraidhean Croise

San Lucas 12:20

Tza̱j ne̱ Yaꞌanj caꞌmii rihaan soꞌ, cataj Yaꞌanj a: “Síí niꞌyo̱n mé so̱ꞌ ado̱nj. ꞌO̱ se nii̱ corá me se cavi̱ꞌ so̱ꞌ, ne̱ xa̱ꞌ rasu̱u̱n caraa sa̱ꞌ so̱ꞌ, tza̱j ne̱ me se gu̱un yoꞌ rihaan so̱ꞌ, rá so̱ꞌ ga̱”, taj Yaꞌanj rihaan ruꞌvee yoꞌ a.

San Lucas 13:28

’Ne̱ rej caꞌa̱nj soj me se rej taꞌve̱e ndoꞌo yuvii̱ me yoꞌ, ne̱ nda̱a cha̱ ru̱j maꞌa̱n yuvii̱ cúú yanꞌ yuvii̱, ne̱ queneꞌe̱n soj man síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, cunuda̱nj nij síí nataꞌ snana̱ Yaꞌanj ga̱a naá do̱ꞌ, se vaa ca̱yáán nij soꞌ ga̱ Yaꞌanj rej uun chij Yaꞌanj, ne̱ xa̱ꞌ soj, tza̱j ne̱ queneꞌe̱n soj se vaa a̱j quiriꞌíj nii man soj xeꞌ na̱nj ado̱nj.

San Lucas 6:24

’Tza̱j ne̱ nique̱ ndoꞌo soj si̱j ruꞌvee na̱nj á. Soj si̱j ruꞌvee me se a̱j quiriꞌ soj nu̱ꞌ se sa̱ꞌ ni̱caj soj, ne̱ taj va̱j doj se sa̱ꞌ rque̱ Yaꞌanj man soj a̱ maꞌ.

San Lucas 6:26

’Ne̱ nique̱ soj si̱j veꞌé ina̱nj aꞌmii cunuda̱nj yuvii̱ cheꞌé na̱nj á. ꞌO̱ se ase vaa veꞌé ina̱nj aꞌmii nij yuvii̱ cheꞌé soj roꞌ, taꞌngaꞌ da̱nj caꞌmii xi̱i nij yuvii̱ cheꞌé nij síí tihaꞌ yuꞌunj se vaa si̱j nataꞌ snana̱ Yaꞌanj me nij soꞌ ga̱a naá a ―taj Jesús rihaan cunuda̱nj nij síí tucuꞌyón snana̱ soꞌ a.

San Lucas 8:53

Ga̱a ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús cheꞌé se a̱j queneꞌen nij soꞌ se vaa a̱j caviꞌ ya̱ noꞌ a.

Efesios 5:4

Ne̱ se̱ caꞌmii soj nana̱ chiꞌi̱i̱ do̱ꞌ, nana̱ nij do̱ꞌ maꞌ. Se̱ caꞌmii soj nana̱ snúú rmaꞌa̱n maꞌ. ꞌO̱ se taj cheꞌé caꞌmi̱i̱ soj nana̱ vaa da̱nj maꞌ. Tana̱nj no̱ xcúún soj cata̱j ina̱nj soj guun niꞌya̱j níꞌ rihaan Yaꞌanj ado̱nj.

1 Tesalonicenses 5:3

Dan me se vaa güii cata̱j yuvii̱ a: “Ya̱j me se dínj vaa rihaan chumii̱, ne̱ taj cheꞌé cuchuꞌvi̱ꞌ níꞌ maꞌ”, cata̱j nij yuvii̱ a. ꞌO̱ se güii yoꞌ me se ta̱j niꞌyo̱n ne̱ ase vaa ranꞌ chana̱ cuchru̱j neꞌej roꞌ, da̱nj ga̱a̱ quira̱nꞌ ndoꞌo nij yuvii̱ sayuun, ne̱ se̱ nanii nij soꞌ maꞌ.

Santiago 4:9

Se̱ gaa niha̱ꞌ rá soj caꞌnga̱ꞌ soj maꞌ. Vaa cheꞌé nano̱ rá soj ne̱ taꞌve̱e soj cheꞌé cacunꞌ tumé soj á.

Apocalipsis 3:17

Dan me se taj soj se vaa ruꞌve̱e̱ ina̱nj soj, ne̱ taj va̱j a̱ doj rasu̱u̱n ne achiin rihaan soj, rá soj a. Tza̱j ne̱ ne acaj soj cuentá se vaa ase vaa síí nique̱ do̱ꞌ, síí achiin ndoꞌo rasu̱u̱n man do̱ꞌ, síí riꞌ rá do̱ꞌ, síí tuchri̱i do̱ꞌ, síí ca̱nj nuviꞌ saga̱nꞌ do̱ꞌ, vaa soj na̱nj ado̱nj.