San Lucas 5:9 - Triqui de San Juan Copala

⁹ Dan me se caꞌanj ndoꞌo rá nij tuvi̱ꞌ Simón se vaa quiriꞌ uxrá nij soꞌ xcuaj a.

San Lucas 5:9 Iomraidhean Croise

San Marcos 9:6

ꞌO̱ se cuchuꞌviꞌ ndoꞌo vaꞌnu̱j nij soꞌ cheꞌé se vaa queneꞌen nij soꞌ, ne̱ cheꞌé dan ne queneꞌe̱n uxrá Pedró da̱j me cheꞌé caꞌmii soꞌ rihaan Jesús da̱nj a̱ maꞌ.

San Lucas 2:18

Ga̱a ne̱ caráyaꞌa̱nj cunuda̱nj yuvii̱ cuno nana̱ caꞌmii nij síí tumé matzinj yoꞌ a.

San Lucas 4:32

Ne̱ caráyaꞌa̱nj nij yuvii̱ cheꞌé stucua̱nj soꞌ, cheꞌé se ase vaa aꞌmii ꞌo̱ síí uun chij ndoꞌo roꞌ, da̱nj caꞌmii soꞌ rihaan nij yuvii̱ a.

San Lucas 4:36

Ga̱a ne̱ caꞌanj uxrá rá nij yuvii̱, ne̱ xnáꞌanj nij soꞌ man tuviꞌ nij soꞌ, cataj nij soꞌ a: ―Da̱j si̱j me síí aꞌmii nana̱ nihánj, ne̱ uun chij soꞌ rihaan nana̱ chre̱e, ne̱ uriha̱nj nij nana̱ chre̱e nimán yuvii̱ ꞌyaj síí nihánj ga̱ ―taj nij yuvii̱ niꞌya̱j nij yuvii̱ man Jesús a.

San Lucas 5:10

Ne̱ caꞌanj rá síí cuꞌna̱j Jacobo do̱ꞌ, Juan do̱ꞌ, cheꞌé xcuaj a. Ne̱ tuvi̱ꞌ Simón me ro̱j soꞌ, ne̱ taꞌníí síí cuꞌna̱j Zebedeo me ro̱j soꞌ a. Ne̱ dan me se cataj Jesús rihaan Simón a: ―Se̱ cuchuꞌvíꞌ so̱ꞌ maꞌ. ꞌO̱ se síí naquiꞌyaj chre̱ꞌ xcuaj mé so̱ꞌ, tza̱j ne̱ rej rihaan níꞌ me se guún so̱ꞌ síí naquiꞌya̱j chre̱ꞌ yuvii̱ canoco̱ꞌ yuvii̱ manj na̱nj á ―taj Jesús rihaan Simón a.

San Lucas 5:8

Dan me se queneꞌen Simón Pedró se vaa quiꞌyaj Jesús, ga̱a ne̱ caꞌanj ca̱yáán ru̱j soꞌ rihaan Jesús, cataj soꞌ a: ―Naxu̱u̱n so̱ꞌ mán so̱ꞌ rihanj cheꞌé se síí ata̱ ndoꞌo cacunꞌ mej na̱nj á ―taj Simón rihaan Jesús a.