San Lucas 5:3 - Triqui de San Juan Copala

³ Dan me se catúj Jesús rá ꞌo̱ rihoo, ne̱ se‑riho̱o̱ síí cuꞌna̱j Simón me yoꞌ, ne̱ cachíín niꞌya̱j Jesús rihaan Simón se vaa quiꞌya̱j soꞌ se ndoꞌo cuxu̱u̱n soꞌ rihoo gu̱un ga̱nꞌ yoꞌ do̱j tzínꞌ tuꞌva na a. Ga̱a ne̱ caꞌanj ca̱yáán Jesús rque rihoo, ne̱ tucuꞌyón soꞌ snana̱ Yaꞌanj man nij yuvii̱ ma̱n tuꞌva na a.

San Lucas 5:3 Iomraidhean Croise

San Mateo 4:18

ꞌO̱ güii cachén Jesús tuꞌva na laguaná cuꞌna̱j na Galilea, ne̱ queneꞌen soꞌ man ro̱j tinu̱j ro̱j soꞌ a. ꞌO̱ soꞌ me síí cuꞌna̱j Simón, ne̱ Pedró me ꞌó se‑chuvi̱i soꞌ a. Ne̱ tinúú soꞌ me síí cuꞌna̱j Andrés a. Dan me se ga̱a queneꞌen Jesús man ro̱j soꞌ, ne̱ nicu̱nꞌ ro̱j soꞌ tuꞌva na laguaná, ne̱ tiguíj ro̱j soꞌ nanj rque na, ne̱ dan me se síí rii xcuaj me ro̱j soꞌ a.

San Marcos 3:10

ꞌO̱ se nahuun sa̱ꞌ uxrá yuvii̱, quiꞌyaj Jesús, ne̱ nda̱a síj, ga̱a ne̱ ta̱ranꞌ nij síí ranꞌ roꞌ, canocoꞌ uxrá nij soꞌ man Jesús cheꞌé rej caꞌve̱e cano̱ raꞌa nij soꞌ man soꞌ ga̱a ne̱ nahu̱un sa̱ꞌ nij soꞌ, rá nij soꞌ a.

San Marcos 3:9

Ga̱a ne̱ cataj Jesús rihaan nij síí tucuꞌyón snana̱ soꞌ se vaa quiꞌya̱j chuvi̱i nij soꞌ ꞌo̱ rihoo chéé rihaan na catu̱u̱ soꞌ, ga̱a ne̱ se̱ gaa na̱nj curuꞌma̱an nij yuvii̱ man soꞌ, taj soꞌ a.

San Lucas 5:2

Dan me se queneꞌen Jesús vi̱j rihoo na̱j tuꞌva na laguaná, ne̱ síí uta xcuaj me nij síí siꞌya̱j rihoo yoꞌ, ne̱ tanáj nij soꞌ se‑riho̱o̱ nij soꞌ ꞌo̱ orá nii, ne̱ caꞌanj naꞌnu̱ꞌ nij soꞌ xnánj nij soꞌ a.

San Juan 8:2

Dan me se rej síj güii me se caꞌanj uún Jesús rej ya̱nj nuvií noco̱o a. Ga̱a ne̱ cuchiꞌ cunuda̱nj nij yuvii̱ rihaan soꞌ, ne̱ caꞌanj ca̱yáán soꞌ, ne̱ tucuꞌyón soꞌ man nij yuvii̱ yoꞌ a.