San Lucas 5:26 - Triqui de San Juan Copala

²⁶ Dan me se caꞌanj rá ta̱ranꞌ nij yuvii̱, ne̱ cataj nij yuvii̱ se vaa veꞌé uxrá quiꞌyaj Yaꞌanj a. Ne̱ cuchuꞌviꞌ ndoꞌo nij yuvii̱, ne̱ cataj nij yuvii̱ a: ―Veꞌé uxrá vaa suun sa̱ꞌ noco̱o queneꞌen níꞌ cuanꞌ ado̱nj ―taj nij yuvii̱ yoꞌ a.

San Lucas 5:26 Iomraidhean Croise

San Mateo 12:23

Dan me se caráyaꞌa̱nj nij yuvii̱ se vaa nahuun sa̱ꞌ soꞌ quiꞌyaj Jesús, ne̱ cataj nij yuvii̱ a: ―Síí nihánj me Taꞌníí Taꞌnij Siꞌno̱ David síí cayáán ga̱a naá, síí caꞌna̱ꞌ ti̱nanii man níꞌ rihaan sayuun, rá soj naꞌ ―taj nij yuvii̱, xnáꞌanj nij yuvii̱ man tuviꞌ yuvii̱ a.

San Mateo 28:8

Veé dan, ne curiha̱nj ro̱j chana̱ caꞌanj ro̱j noꞌ a. Veé ro̱j noꞌ cuchuꞌviꞌ, ne̱ veé ro̱j noꞌ guun niha̱ꞌ rá uún a. Veé dan me se cunánj ndoꞌo ro̱j noꞌ, cata̱j xnaꞌanj ro̱j noꞌ rihaan nij síí tucuꞌyón snana̱ Jesús nu̱ꞌ se vaa queneꞌen ro̱j noꞌ do̱ꞌ, nu̱ꞌ nana̱ cataj xnaꞌanj se‑mo̱zó Yaꞌanj rihaan ro̱j noꞌ do̱ꞌ a.

San Mateo 9:8

Ne̱ queneꞌen nij yuvii̱ se vaa nahuun sa̱ꞌ soꞌ, quiꞌyaj Jesús, ne̱ cheꞌé dan caráyaꞌa̱nj nij soꞌ, niꞌya̱j nij soꞌ man Jesús, ne̱ veꞌé uxrá caꞌmii nij soꞌ cheꞌé Yaꞌanj, se vaa guun nucua̱j Jesús racuíj ndoꞌo Jesús da̱nj man yuvii̱, quiꞌyaj Yaꞌanj ado̱nj.

San Marcos 2:12

Ga̱a ne̱ cuaj naxaga̱a̱ soꞌ, ne̱ nacué soꞌ tuvéé soꞌ, ga̱a ne̱ curiha̱nj soꞌ rá veꞌ, niꞌya̱j ta̱ranꞌ nij yuvii̱ ma̱n rá veꞌ a. Nda̱a síj, ga̱a ne̱ caꞌanj rá nij yuvii̱, ne̱ cataj nij soꞌ se vaa veꞌé uxrá quiꞌyaj Yaꞌanj, ne̱ cataj uún nij soꞌ a: ―Daj chiha̱a̱ míj ne queneꞌe̱n níꞌ suun vaa da̱nj a̱ maan ado̱nj ―taj nij yuvii̱ a.

San Lucas 1:65

Ne̱ caráyaꞌa̱nj nij síí ya̱nj nichru̱nꞌ se vaa quiranꞌ Zacarías, ne̱ nda̱a ta̱ranꞌ nij síí ya̱nj tacaan nicu̱nꞌ estadó Judea roꞌ, cuno nda̱a vaa quiranꞌ soꞌ a.

San Lucas 5:8

Dan me se queneꞌen Simón Pedró se vaa quiꞌyaj Jesús, ga̱a ne̱ caꞌanj ca̱yáán ru̱j soꞌ rihaan Jesús, cataj soꞌ a: ―Naxu̱u̱n so̱ꞌ mán so̱ꞌ rihanj cheꞌé se síí ata̱ ndoꞌo cacunꞌ mej na̱nj á ―taj Simón rihaan Jesús a.

San Lucas 7:16

Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.

San Lucas 8:37

Cheꞌé dan cuchuꞌviꞌ ndoꞌo nij síí ma̱n chumanꞌ Gadara ga̱ ꞌó nij chumanꞌ na̱j nu̱ꞌ anica̱j rej yoꞌ, ne̱ cheꞌé dan rquee̱ ta̱ranꞌ nij soꞌ rihaan Jesús se vaa caꞌa̱nj yaníj Jesús rihaan nij soꞌ a. Dan me se catúj Jesús rque rihoo, ne̱ guun cheꞌe̱ soꞌ canica̱j soꞌ caꞌa̱nj soꞌ a.

Hechos 4:21

Ga̱a ne̱ doj a̱ caꞌmii yuva̱a̱ nij síí uun chij yoꞌ rihaan ro̱j soꞌ, tza̱j ne̱ ne quiri̱ꞌ nij síí uun chij yoꞌ da̱j quiꞌya̱j nij soꞌ sayuun man ro̱j soꞌ a̱ maꞌ. Cheꞌé dan naꞌnéé nij soꞌ chrej man ro̱j soꞌ a. ꞌO̱ se nij yuvii̱ me se cunuda̱nj nij soꞌ cataj se vaa sa̱ꞌ uxrá quiꞌyaj Yaꞌanj cheꞌé síí nahuun sa̱ꞌ yoꞌ a.

Gálatas 1:24

Dan me se caráyaꞌa̱nj ndoꞌo nij soꞌ, ne̱ cataj nij soꞌ se vaa sa̱ꞌ uxrá quiꞌyaj Yaꞌanj ga̱ ꞌu̱nj ado̱nj.