San Lucas 5:12 - Triqui de San Juan Copala

¹² Dan me se ꞌo̱ güii caranꞌ Jesús ꞌo̱ chumanꞌ, ne̱ cuchiꞌ ꞌo̱ síí ranꞌ ndoꞌo luj riꞌyuj rihaan soꞌ a. Ga̱a queneꞌen síí ranꞌ yoꞌ man Jesús, ga̱a ne̱ caꞌanj ca̱yáán ru̱j soꞌ rihaan Jesús nda̱a canó rihaan soꞌ rihaan yoꞌóó, ne̱ cachíín niꞌya̱j soꞌ rihaan Jesús, cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Lucas 5:12 Iomraidhean Croise

San Mateo 26:6

Dan me se yáán Jesús chumanꞌ cuꞌna̱j Betania, ne̱ ya̱nj soꞌ rá ꞌo̱ veꞌ tucuá síí cuꞌna̱j Simón síí quiranꞌ luj riꞌyuj,

San Mateo 9:28

Dan me se catúj Jesús rá veꞌ, ne̱ cuchiꞌ ro̱j síí tuchri̱i yoꞌ rihaan soꞌ a. Ga̱a ne̱ cataj Jesús rihaan ro̱j soꞌ a: ―Amán rá ro̱j so̱j se vaa gu̱un nu̱cuáj naxra̱ꞌ rihaan ro̱j so̱j qui̱ꞌyáj naꞌ ―taj Jesús, xnáꞌanj Jesús man ro̱j soꞌ a. ―Amán rá rój, Señor ―taj ro̱j soꞌ rihaan Jesús a.

San Marcos 5:23

ga̱a ne̱ rquee̱ uxrá soꞌ man Jesús, ne̱ dan me se cataj soꞌ a: ―Taꞌníj chala̱ cunii roꞌ, ranꞌ ndoꞌo noꞌ, ne̱ da̱j doj cavi̱ꞌ noꞌ, ne̱ me rá ꞌu̱nj cuchi̱ꞌ so̱ꞌ veꞌ tucuaj, ne̱ cuta̱ꞌ so̱ꞌ raꞌá so̱ꞌ raa̱ noꞌ cheꞌé yan nahu̱un sa̱ꞌ noꞌ, ne̱ se̱ caviꞌ noꞌ, qui̱ꞌyáá so̱ꞌ maꞌ ―taj Jairo rihaan Jesús a.

San Lucas 17:16

Ne̱ ga̱a cuchiꞌ soꞌ rihaan Jesús, ga̱a ne̱ caꞌanj ca̱yáán ru̱j soꞌ nda̱a canó rihaan soꞌ rihaan yoꞌóó, ne̱ cataj soꞌ guun niꞌya̱j níꞌ rihaan Jesús a. Ne̱ síí avii rej Samaria síí yaníj ga̱ nij yuvii̱ israelitá me soꞌ a.

San Lucas 5:13

Ga̱a ne̱ naxca̱j Jesús raꞌa soꞌ ne̱ canó raꞌa soꞌ man síí ranꞌ, ne̱ cataj Jesús a: ―Me raj qui̱ꞌyáj da̱nj á. Na̱huún so̱ꞌ, qui̱ꞌyáj ado̱nj ―taj Jesús rihaan soꞌ a. Nu̱ꞌ da̱nj cataj Jesús, ne̱ nu̱ꞌ navij luj xráá síí ranꞌ a.

Hebreos 7:25

Dan me se ꞌo̱ vaa iꞌna̱ꞌ Jesús, ne̱ uun nucua̱j soꞌ ti̱nanii soꞌ rihaan sayuun nu̱ꞌ cavii nu̱ꞌ caꞌanj man nij síí uchiꞌ rihaan Yaꞌanj cheꞌé soꞌ ado̱nj. Da̱nj quiꞌya̱j soꞌ cheꞌé se ꞌo̱ vaa iꞌna̱ꞌ soꞌ, ne̱ achíín niꞌya̱j soꞌ rihaan Yaꞌanj cheꞌé nij soꞌ nu̱ꞌ cavii nu̱ꞌ caꞌanj ado̱nj.