San Lucas 4:37 - Triqui de San Juan Copala

³⁷ Ga̱a ne̱ chaꞌnuu̱ nana̱ cheꞌé Jesús rihaan cunuda̱nj nij yuvii̱ ma̱n nichru̱nꞌ rej yoꞌ a.

San Lucas 4:37 Iomraidhean Croise

San Mateo 9:26

Ne̱ cuchiꞌ nana̱ rihaan cunuda̱nj nij yuvii̱ ma̱n rej yoꞌ cheꞌé se vaa quiꞌyaj Jesús a.

San Mateo 9:31

Tza̱j ne̱ curiha̱nj ro̱j soꞌ caꞌanj ro̱j soꞌ, ne̱ uxrá nataꞌ ro̱j soꞌ rihaan cunuda̱nj nij yuvii̱ ya̱nj nu̱ꞌ rej yoꞌ nana̱ cheꞌé se vaa quiꞌyaj Jesús na̱nj ado̱nj.

San Marcos 1:28

Ga̱a ne̱ cuaj chaꞌnuu̱ nana̱ rihaan cunuda̱nj nij yuvii̱ ma̱n nichru̱nꞌ estadó Galilea yoꞌ cheꞌé da̱j quiꞌyaj Jesús a.

San Marcos 1:45

Tza̱j ne̱ curiha̱nj síí nahuun yoꞌ, ne̱ guun cheꞌe̱ soꞌ caꞌmii natáj ndoꞌo soꞌ da̱j guun, ga̱a ne̱ chaꞌnuu̱ ndoꞌo nana̱ se vaa nahuun soꞌ quiꞌyaj Jesús a. Ne̱ dan me se a̱ doj ne caꞌve̱e catu̱u̱ ranga̱ꞌ Jesús rque nij chumanꞌ, quiꞌyaj nij nana̱ yoꞌ, ne̱ ina̱nj rej tacaan va̱j soꞌ, ne̱ canó nij yuvii̱ cuchiꞌ rej va̱j soꞌ a.

San Marcos 6:14

Dan me se cuchiꞌ nana̱ rihaan rey Herodes cheꞌé nu̱ꞌ se vaa quiꞌyaj Jesús, cheꞌé se nu̱ꞌ cachra̱ꞌ chaꞌnuu̱ ndoꞌo nana̱ cheꞌé Jesús a. ꞌO̱ se cataj taꞌa̱j nij yuvii̱ a: ―Jesús me Juan Síí Cutaꞌ Ne man yuvii̱ se vaa cunuu iꞌna̱ꞌ ya̱ uún soꞌ, ne̱ cheꞌé dan uun nucua̱j soꞌ ꞌyaj soꞌ suun sa̱ꞌ noco̱o yoꞌ na̱nj ado̱nj ―taj taꞌa̱j nij yuvii̱ a.

San Lucas 4:14

Dan me se nanꞌ Jesús estadó Galilea, ne̱ ꞌo̱ racuíj ndoꞌo Nimán Yaꞌanj man soꞌ, ne̱ chaꞌnuu̱ nana̱ cheꞌé soꞌ rihaan nij yuvii̱ ma̱n nu̱ꞌ estadó Galilea a.