San Lucas 4:35 - Triqui de San Juan Copala

³⁵ Ga̱a ne̱ canica̱j Jesús caxríj yuva̱a̱ soꞌ man nana̱ chre̱e nu̱u̱ nimán snóꞌo yoꞌ, ne̱ cataj soꞌ a: ―Dínj tuꞌvá so̱ꞌ cu̱riha̱nj so̱ꞌ cuaj nimán síí nihánj á ―taj Jesús rihaan nana̱ chre̱e yoꞌ a. Ne̱ tinaxruꞌ nana̱ chre̱e man snóꞌo rihaan nij yuvii̱, ga̱a ne̱ curiha̱nj nana̱ chre̱e nimán snóꞌo, tza̱j ne̱ ne quira̱nꞌ chiꞌii̱ snóꞌo a̱ maꞌ.

San Lucas 4:35 Iomraidhean Croise

San Mateo 17:18

Ga̱a ne̱ caꞌneꞌ Jesús suun rihaan nana̱ chre̱e nu̱u̱ nimán xnii se vaa ta̱náj yoꞌ man xnii a. Ga̱a ne̱ curiha̱nj nana̱ chre̱e nimán xnii, caꞌanj yoꞌ, ne̱ veé ma̱an orá dan nahuun sa̱ꞌ xnii yoꞌ a.

San Mateo 8:26

Dan me se maꞌa̱n Jesús cataj a: ―Me cheꞌé chuꞌviꞌ ndoꞌo nimán soj ga̱. Yoꞌ me se ataa cuchuma̱n sa̱ꞌ rá soj ni̱ꞌyaj soj manj ado̱nj ―taj Jesús rihaan nij soꞌ a. Ga̱a ne̱ canicunꞌ caya̱ soꞌ, ne̱ nucua̱j caꞌmii soꞌ rihaan na do̱ꞌ, rihaan nana̱ do̱ꞌ a. Ga̱a ne̱ cunuu dínj uxrá rihaan na laguaná yoꞌ, quiꞌyaj Jesús na̱nj ado̱nj.

San Marcos 1:26

Nda̱a quisnúú maꞌa̱n snóꞌo yoꞌ, quiꞌyaj nana̱ chre̱e, ne̱ nucua̱j ndoꞌo caguáj nana̱ chre̱e, ne̱ curiha̱nj nana̱ chre̱e nimán snóꞌo yoꞌ a.

San Marcos 4:39

Ga̱a ne̱ canicunꞌ caya̱ Jesús, ne̱ nucua̱j caꞌmii soꞌ rihaan nana̱, ne̱ cataj soꞌ rihaan na laguaná a: ―Ga̱a̱ dínj rihaan so̱ꞌ, ne̱ se̱ quinaán so̱ꞌ maꞌ ―taj soꞌ a. Ga̱a ne̱ nu̱ꞌ canicunꞌ nana̱, ne̱ cunuu dínj rihaan na laguaná yoꞌ, quiꞌyaj Jesús na̱nj ado̱nj.

San Marcos 9:26

Ga̱a ne̱ caguáj nana̱ chre̱e, ne̱ guun snu̱j ndoꞌo xnii naxruꞌ xnii, quiꞌyaj nana̱ chre̱e, ne̱ dan me se curiha̱nj nana̱ chre̱e nimán xnii yoꞌ a. Ga̱a ne̱ ase vaa síí caviꞌ roꞌ, da̱nj vaa xnii, naj xnii rihaan yoꞌóó, ne̱ queꞌe̱e̱ ndoꞌo yuvii̱ cataj se vaa ya̱ ya̱ caviꞌ soꞌ a.

San Lucas 11:22

Tza̱j ne̱ sese caꞌna̱ꞌ ꞌó síí nucua̱j doj, ga̱a ne̱ quiꞌya̱j canaán soꞌ rihaan síí ya̱nj xraan, ga̱a ne̱ caꞌne̱e̱ soꞌ nu̱ꞌ saga̱ꞌ soꞌ do̱ꞌ, nu̱ꞌ siꞌyaj soꞌ do̱ꞌ, ne̱ cuxra̱ꞌ taꞌa̱j soꞌ ga̱ tuviꞌ soꞌ na̱nj ado̱nj.

San Lucas 4:23

Cheꞌé dan me caꞌmii Jesús nana̱ nihánj rihaan nij soꞌ a: ―Neꞌén ꞌu̱nj se vaa cata̱j soj nana̱ nihánj rihanj a: “Sese ya̱ si̱j naquiꞌyaj conoꞌó man yuvii̱ mé so̱ꞌ, ne̱ naquiꞌya̱j conoꞌó so̱ꞌ man ma̱ꞌán so̱ꞌ á”, cata̱j soj rihanj cheꞌé se cuno soj se vaa queꞌe̱e̱ suun sa̱ꞌ noco̱o quiꞌyáj chumanꞌ Capernaum a. Ne̱ cata̱j soj rihanj se vaa qui̱ꞌyáj suun sa̱ꞌ noco̱o chumanꞌ chiháán níꞌ nihánj uún a.

San Lucas 4:39

Ga̱a ne̱ caꞌanj Jesús canicunꞌ soꞌ rej na̱j noꞌ, ne̱ caꞌneꞌ soꞌ suun rihaan chiꞌii̱ se vaa xꞌne̱e̱ chiꞌii̱ xráá noꞌ a. Ga̱a ne̱ nu̱ꞌ xꞌnéj chiꞌii̱ xráá noꞌ, quiꞌyaj Jesús a. Ne̱ veé ma̱an orá dan naxaga̱a̱ noꞌ, ne̱ quiꞌyaj chuvi̱i noꞌ cha̱ nij soꞌ na̱nj ado̱nj.

San Lucas 4:41

Ne̱ queꞌe̱e̱ nij síí ranꞌ roꞌ, curiha̱nj nana̱ chre̱e nimán uún, ne̱ caguáj nij nana̱ chre̱e yoꞌ, ne̱ cataj nij soꞌ se vaa Taꞌníí Yaꞌanj me Jesús a. Tza̱j ne̱ nucua̱j caꞌmii Jesús rihaan nij nana̱ chre̱e, ne̱ ne caꞌve̱j Jesús caꞌmi̱i̱ nij soꞌ nana̱ vaa da̱nj a. ꞌO̱ se queneꞌen nij soꞌ se vaa Si̱j Caꞌnéé Yaꞌanj Ti̱nanii man Yuvii̱ rihaan Sayuun me Jesús a.

San Lucas 8:24

Ga̱a ne̱ caꞌanj nari̱i̱ nij síí tucuꞌyón snana̱ Jesús nej rihaan soꞌ, ne̱ cataj nij soꞌ a: ―Da̱j doj cavi̱ꞌ níꞌ, na̱nj maestro ―taj nij soꞌ rihaan Jesús a. Ga̱a ne̱ canicunꞌ caya̱ soꞌ, ne̱ nucua̱j caꞌmii soꞌ rihaan nana̱ do̱ꞌ, rihaan na do̱ꞌ a. Ga̱a ne̱ canicunꞌ nana̱ canicunꞌ na do̱ꞌ, ne̱ cunuu dínj rihaan na laguaná yoꞌ, quiꞌyaj Jesús na̱nj ado̱nj.

San Lucas 9:39

ꞌO̱ se naruviꞌ nana̱ chre̱e nimán taꞌníj, ne̱ ta̱j niꞌyo̱n snúú soꞌ, ne̱ aguáj soꞌ, ne̱ avii yatanꞌ tuꞌva soꞌ, ꞌyaj nana̱ chre̱e yoꞌ, ne̱ ꞌyaj chiꞌi̱i̱ ndoꞌo nana̱ chre̱e yoꞌ man taꞌníj, ne̱ sayu̱u̱n uxrá cu̱riha̱nj nana̱ chre̱e yoꞌ nimán taꞌníj ado̱nj.

San Lucas 9:42

Dan me se ga̱a ꞌnaꞌ xnii, ne̱ nu̱ꞌ snúú xnii, ne̱ naxruꞌ xnii, quiꞌyaj nana̱ chre̱e yoꞌ, tza̱j ne̱ caꞌneꞌ Jesús suun rihaan nana̱ chre̱e se vaa cu̱riha̱nj yoꞌ nimán xnii a. Dan me se curiha̱nj nana̱ chre̱e yoꞌ nimán xnii, ne̱ nahuun sa̱ꞌ xnii, quiꞌyaj Jesús, ne̱ nagoꞌ Jesús man xnii rihaan rej xnii a.

Apocalipsis 12:12

Cheꞌé dan gu̱un niha̱ꞌ rá nij soj re̱j xta̱ꞌ do̱ꞌ, si̱j ya̱nj rej xta̱ꞌ do̱ꞌ ado̱nj. Tza̱j ne̱ nique̱ ndoꞌo soj si̱j ma̱n rihaan yoꞌóó do̱ꞌ, na yaꞌa̱nj do̱ꞌ na̱nj ado̱nj. ꞌO̱ se quiriꞌíj nii man Síí Chre̱e rihaan nij so̱j, ne̱ cheꞌé dan nuu yuva̱a̱ uxrá rá soꞌ na̱nj chugua̱nj. ꞌO̱ se neꞌen Síí Chre̱e se vaa nichrunꞌ caꞌna̱ꞌ sayuun quira̱nꞌ soꞌ na̱nj á, taj nana̱ caꞌmii ꞌo̱ soꞌ rej xta̱ꞌ a.